Amazon Saleમાં ધમાકેદાર ડીલ્સ : રૂપિયા 20,000ના બજેટમાં iQOO, OnePlus, Realme અને Samsungના ફોન સસ્તા

આજે Amazon Great Freedom Day Sale શરૂ થઈ ગયો છે . આ સેલમાં સ્માર્ટફોન , ટીવી , લેપટોપ , ટેબ્લેટ , ઈયરબડ્સ અને સ્માર્ટવોચ સહિત અનેક પ્રોડક્ટ્સ પર આકર્ષક ડિસ્કાઉન્ટ અને બેંક ઓફર્સ આપવામાં આવી રહી છે . જો તમે રૂપિયા 20,000 સુધીની કિંમતમાં નવો 5G સ્માર્ટફોન ખરીદવાનું વિચારી રહ્યા છો , તો Amazonની આ સેલ તમારા માટે સારી તક બની શકે છે . અહીં અમે એવા પાંચ સ્માર્ટફોન વિશે જણાવી રહ્યા છીએ , જેના પર સેલ દરમિયાન ડિસ્કાઉન્ટ અને અન્ય ઓફર્સનો લાભ મળી રહ્યો છે .

iQOO Z11 Lite 5G:
iQOO Z11 Lite 5Gનું 4GB /128GB વેરિઅન્ટ Amazon પર રૂપિયા 19,499 માં લિસ્ટ કરવામાં આવ્યું છે . બેંક કુપન દ્રારા રૂપિયા 500ની બચત કરી શકાય છે . સાથે જ HDFC બેંક ક્રેડિટ કાર્ડથી પેમેન્ટ કરવા પર 10% અથવા વધુમાં વધુ રૂપિયા 1,250નું ઇન્સ્ટન્ટ ડિસ્કાઉન્ટ મળે છે . આ ઓફર્સ બાદ ફોનની અસરકારક કિંમત રૂપિયા 17,749 થઈ જાય છે . ફોનમાં 6,500mAh બેટરી સાથે 44W ફાસ્ટ ચાર્જિંગ અને MediaTek Dimensity 6300 ચિપસેટ મળે છે .

OnePlus N6x :
OnePlus N6xનું 4GB /64GB મોડલ રૂપિયા 18,999માં ઉપલબ્ધ છે . HDFC બેંક ક્રેડિટ કાર્ડથી ખરીદી કરવા પર 10% સુધીનું ડિસ્કાઉન્ટ મળે છે , જેનાથી તેની અસરકારક કિંમત રૂપિયા 17,749 થઈ જાય છે . ફોનમાં 7,000mAh બેટરી અને 120Hz ડિસ્પ્લે આપવામાં આવી છે . આ ઉપરાંત 5,300mm² કુલિંગ સિસ્ટમ અને મિલિટરી - ગ્રેડ પણ મળે છે .

Realme Narzo 100 Lite 5G :
Realme Narzo 100 Lite 5Gનું 4GB /64GB વેરિઅન્ટ રૂપિયા 15,499માં લિસ્ટ છે .Amazon Pay ICICI Bank ક્રેડિટ કાર્ડથી પેમેન્ટ કરવા પર રૂપિયા 464 સુધીનું કેશબેક મળે છે , જેના બાદ અસરકારક કિંમત રૂપિયા 15,035 થાય છે . તેમાં 7,000mAh બેટરી અને 144Hz ડિસ્પ્લે છે .

Samsung Galaxy M17 5G :
Samsung Galaxy M17 5Gનું 4GB /128GB વેરિઅન્ટ રૂપિયા 16,999માં ઉપલબ્ધ છે . Amazon Pay ICICI Bank ક્રેડિટ કાર્ડ પર રૂપિયા 509 સુધીનું કેશબેક મળે છે . ફોનમાં 50MP OIS કેમેરા , Gorilla Glass Victus ડિસ્પ્લે અને IP54 રેટિંગ આપવામાં આવ્યું છે .

iQOO Z10 Lite 5G :
iQOO Z10 Lite 5Gનું 4GB /128GB મોડલ રૂપિયા 16,999માં મળે છે . રૂપિયા 500ના કુપન અને HDFC બેંક ક્રેડિટ કાર્ડ ડિસ્કાઉન્ટ બાદ તેની અસરકારક કિંમત રૂપિયા 15,249 થઈ જાય છે . તેમાં Dimensity 6300 5G પ્રોસેસર , 6,000mAh બેટરી , 50MP Sony AI કેમેરા અને IP64 રેટિંગ મળે છે .