Apple MacBook Ultra પર પણ કામ કરી રહ્યું છે OLED ટચસ્ક્રીન મળવાની શક્યતા 

Apple આ વર્ષના અંત સુધીમાં પોતાનો પહેલો ફોલ્ડેબલ સ્માર્ટફોન લોન્ચ કરે તેવી શક્યતા છે . આ બુક - સ્ટાઈલ ફોલ્ડેબલ ડિવાઈસ નવા iPhone 18 Pro અને  iPhone 18 Pro Max સાથે રજૂ થઈ શકે છે . તાજેતરના લીક્સમાં આ ફોનની ડિઝાઈન અંગે માહિતી સામે આવી છે , પરંતુ તેના નામ અંગે હજુ પણ સ્પષ્ટતા  નથી . પહેલાના અહેવાલોમાં તેને iPhone Fold અથવા iPhone Ultra તરીકે ઓળખ આપી હતી અને હવે નવા રિપોર્ટ મુજબ કંપની તેને iPhone Ultra  તરીકે માર્કેટમાં આવી શકે છે . સાથે જ Apple " Ultra " બ્રાન્ડિંગ સાથે નવા MacBook મોડલ પર પણ કામ કરી રહી હોવાનું કહેવાય છે . 

iPhone Ultra અને MacBook Ultra 

નવા રિપોર્ટ્સ મુજબ , Apple તેનો પહેલો ફોલ્ડેબલ સ્માર્ટફોન iPhone ultra નામથી રજૂ કરી શકે છે . આથી iPhone લાઇનઅપમાં પહેલી વાર " Ultra  " બ્રાન્ડિંગ  જોવા મળશે . કહેવાય છે કે આ ડિવાઈસ અલગ લાઇનઅપ તરીકે આવશે , એટલે કે તે સ્ટાન્ડર્ડ , Pro અને Pro Max જેવી નામકરણથી જુદું રહેશે . કંપની OLED ટચસ્ક્રીન સાથે MacBook Ultra પર કામ કરી રહી છે , પરંતુ સત્તાવાર પુષ્ટિ હજી બાકી છે .

Apple પહેલાથી જ Apple Watch Ultra જેવા પ્રોડક્ટ્સમાં " Ultra  " બ્રાન્ડિંગનો ઉપયોગ કરી ચૂક્યું છે , જે તેની પ્રીમિયમ કેટેગરી દર્શાવે છે . તેથી iPhone  Ultra નામની શક્યતા વધુ મજબૂત બની રહી છે  .

બીજી તરફ , Apple MacBook Ultra નામથી નવું લેપટોપ લાઇનઅપ પણ લોન્ચ કરવાની યોજના બનાવી રહ્યું છે . અહેવાલો અનુસાર , આ ફ્લેગશિપ MacBookમાં OLED ટચસ્ક્રીન મળી શકે છે , જે MacBook માટે પહેલી વખત હશે .

હાલમાં માનવામાં આવે છે કે આ MacBook આ વર્ષના અંતમાં લોન્ચ થઈ શકે , પરંતુ કેટલાક રિપોર્ટ મુજબ RAM અને મેમરી ઓછી હોવાના કારણે તેનું લોન્ચિંગ  2027 સુધી થઈ શકે છે . નોંધનીય છે કે Apple એ હજી સુધી આ બધા  " Ultra " ડિવાઈસ અંગે કોઈ સત્તાવાર જાહેરાત કરવામાં આવી નથી .