Nokia Lumia જેવી ડિઝાઇન સાથે આવશે HMD Touch AI, 1950mAh બેટરી સહિત અનેક ફીચર્સ

HMD ટૂંક સમયમાં વૈશ્વિક બજારમાં તેનો નવો ફીચર ફોન HMD Touch AI રજૂ કરી શકે છે . આ ફોન કોમ્પેકટ ટચસ્ક્રીન ડિઝાઇન સાથે આવશે અને તેનો લુક Nokia Lumiaથી પ્રેરિત હોવાનું માનવામાં આવે છે . ફીચર ફોન હોવા છતાં તેમાં 4G કનેક્ટિવિટી , ડયુઅલ સિમ સપોર્ટ અને કેટલીક સ્માર્ટ સુવિધાઓ પણ આપવામાં આવી શકે છે . કંપનીનો આ ફોન એવા યુઝર્સને ધ્યાનમાં રાખીને તૈયાર કરવામાં આવ્યો છે જેઓ સરળ ઉપયોગ સાથે જરૂરી સ્માર્ટ ફીચર્સ પણ માંગે છે .

HMD Touch AI લોન્ચ :
HMDએ HMD Touch AI ને જુલાઈ મહિનામાં ચીનમાં લોન્ચ કર્યો હતો . હવે જાણીતા ટિપસ્ટર @smashx_60ના જણાવ્યા મુજબ , કંપની આ ફોનને ટૂંક સમયમાં ચીન બહારના બજારોમાં પણ રજૂ કરી શકે છે . શરૂઆતમાં આ ડિવાઈસ મલેશિયા , ફિલિપાઇન્સ , ઇન્ડોનેશિયા અને થાઈલેન્ડ જેવા દેશોમાં ઉપલબ્ધ થવાની શક્યતા છે . કેટલીક માર્કેટ કંપની ફોન સાથે 8GB માઈક્રો -SD કાર્ડ , પ્રોટેક્ટિવ કેસ અને સ્ક્રીન ગાર્ડ પણ બોક્સમાં આપી શકે છે .

HMD Touch AI ફીચર્સ :
ઓક્ટોબર 2025માં ભારતમાં લોન્ચ થયેલા HMD Touch 4Gની સરખામણીએ HMD Touch AIમાં કેટલાક નવા ફીચર્સ એડ કરવામાં આવી શકે છે . લીક્સ અનુસાર તેમાં મોબાઈલ પેમેન્ટ અને QR કોડ સ્કેનર જેવી સુવિધાઓ મળશે . આ ઉપરાંત કંપની તેને સફેદ અને ગોલ્ડ જેવા નવા કલર વિકલ્પોમાં પણ રજૂ કરી શકે છે . ચીનમાં HMD Touch AIની કિંમત 469 યુઆન ( લગભગ રૂપિયા 6,500) રાખવામાં આવી છે , જોકે અન્ય દેશોમાં તેની કિંમત અલગ હોઈ શકે છે .

HMD Touch AI સ્પેસિફિકેશન્સ :
ભારતમાં HMD Touch 4Gની કિંમત રૂપિયા 3,999 છે . તેમાં 3.2 ઇંચની QVGA ટચ ડિસ્પ્લે , Unisoc T127 પ્રોસેસર , 64MB RAM અને 128MB ઇન્ટરનલ સ્ટોરેજ આપવામાં આવ્યું છે . માઈક્રો SD કાર્ડની મદદથી સ્ટોરેજને 32GB સુધી વધારી શકાય છે . આ ફોન RTOS Touch ઓપરેટિંગ સિસ્ટમ પર ચાલે છે .

આ ફોનમાં 1950mAhની બેટરી આપવામાં આવી છે . કંપનીના જણાવ્યા  મુજબ એકવાર ચાર્જ કર્યા બાદ લગભગ 30 કલાક સુધી ચાલે છે . ફોટોગ્રાફી માટે તેમાં ફ્લેશ સાથે 2 મેગાપિક્સલનો રિયર કેમેરા અને સેલ્ફી માટે 0.3 મેગાપિક્સલનો VGA ફ્રન્ટ કેમેરા આપવામાં આવ્યો છે . આ ઉપરાંત તેમાં FM રેડિયો ( વાયર્ડ અને વાયરલેસ ) , MP3 પ્લેયર , IP52 રેટિંગ પણ આપવામાં આવ્યું છે .