Huawei Nova 16 Proમાં 100W ફાસ્ટ ચાર્જિંગ , LTPO OLED ડિસ્પ્લે અને AI ફીચર્સ

Huawei એ ચીનમાં પોતાનો નવો પ્રીમિયમ સ્માર્ટફોન Huawei Nova 16 Pro લોન્ચ કર્યો છે . આ સ્માર્ટફોન મોટી બેટરી , શક્તિશાળી કેમેરા અને અદ્યતન  AI ફીચર્સ સાથે રજૂ કરવામાં આવ્યો છે . કંપનીએ તેમાં 6.84 ઇંચની OLED ડિસ્પ્લે , 7000mAh બેટરી અને 200 મેગાપિક્સલનો મુખ્ય કેમેરો આપ્યો છે . આની ખાસ વાત એ છે કે ફોન  Two - Way Beidou સેટેલાઇટ મેસેજિંગને સપોર્ટ કરે છે , જેના કારણે નેટવર્ક ન હોય ત્યારે પણ સંદેશા મોકલવાની સુવિધા મળે છે . પ્રીમિયમ ડિઝાઈન અને શક્તિશાળી સ્પેસિફિકેશન્સને કારણે Huawei Nova 16 Pro ટેક પ્રેમીઓ માટે આકર્ષક વિકલ્પ બની શકે છે .

Huawei Nova 16 Pro કિંમત અને ઉપલબ્ધતા :

Huawei Nova 16 Pro ની કિંમતની વાત કરીએ તો તેના 256GB સ્ટોરેજ વેરિઅન્ટની કિંમત CNY 3,899 ( લગભગ રૂપિયા 51,700 ) રાખવામાં  આવી છે . જયારે  512GB વેરિઅન્ટ CNY 4,399 ( લગભગ રૂપિયા 58,400 ) અને ટોપ - એન્ડ 1TB મોડલ CNY 4,999 ( લગભગ રૂપિયા 66,400 ) માં ઉપલબ્ધ છે . સ્માર્ટફોન સ્ટારી બ્લેક , સ્કાય બ્લુ , વ્હાઈટ અને ફ્રોસ્ટ પર્પલ જેવા આકર્ષક કલરમાં લોન્ચ કરવામાં આવ્યો છે . હાલમાં તે Huaweiની સત્તાવાર વેબસાઈટ અને V Mall પર વેચાણ માટે ઉપલબ્ધ છે .

Huawei Nova 16 Pro ફીચર્સ અને સ્પેસિફિકેશન્સ :

ફીચર્સ અને સ્પેસિફિકેશન્સની વાત કરીએ તો ફોનમાં 2856x 1320 પિક્સેલ રિઝોલ્યુશન અને 6.84 ઇંચની OLED LTPO ડિસ્પ્લે આપવામાં આવી  છે , જે  1Hz  થી 120Hz સુધીના એડેપ્ટિવ રિફ્રેશ રેટને સપોર્ટ કરે છે . 

ડિસ્પ્લેમાં 2160Hz PWM ડિમિંગ અને kunlun Glass પ્રોટેક્શન પણ આપવામાં આવ્યું છે . ધૂળ અને પાણી સામે રક્ષણ માટે આ ફોન IP65 પર કાર્ય કરે છે અને 100W વાયર્ડ ફાસ્ટ ચાર્જિંગ સપોર્ટ સાથે 7,000mAh બેટરી સાથે આવે છે .

ફોટોગ્રાફી માટે Huawei Nova 16 Pro માં 200 મેગાપિક્સલનો મુખ્ય કેમેરા , 50 મેગાપિક્સલનો પેરિસ્કોપ ટેલિફોટો લેન્સ અને 50 મેગાપિક્સલનો અલ્ટ્રા વાઈડ મેક્રો કેમેરો આપવામાં આવ્યો છે . સેલ્ફી અને વિડીયો કોલિંગ માટે 50 મેગાપિક્સલનો ફ્રન્ટ કેમેરો ઉપલબ્ધ છે . આ ફોન 4K વિડીયો રેકોર્ડિંગ , AI આધારિત ઇમેજિંગ ટૂલ્સ , પોર્ટ્રેટ એન્હાન્સમેન્ટ અને ટેલિફોટો ઓપ્ટિમાઈઝેશન જેવી સુવિધાઓને સપોર્ટ કરે છે .