ઇન્ફિનિક્સ તેની Infinix Note 60 સિરીઝના સ્માર્ટફોન લોન્ચ કરવાની તૈયારી કરાઈ રહ્યું છે

ઇન્ફિનિક્સ તેની Infinix Note 60 સિરીઝના સ્માર્ટફોન લોન્ચ કરવાની તૈયારી કરી રહ્યું છે. ચીની ટેક બ્રાન્ડે તાજેતરમાં જ તેના Infinix Note 60 pro ના લોન્ચની પુષ્ટિ કરી હતી. હાલમાં Infinix Note 60 Ultra ગીકબેન્ચ બેન્ચમાર્કિંગ ડેટાબેઝ પર દેખાયો છે. લિસ્ટિંગમાં ફોનમાં આવનારી ચિપસેટનો ખુલાસો થયો છે. Infinix Note 60 Ultra ઇન્ફિનિક્સનો પહેલો સ્માર્ટફોન હશે જે ઇટાલિયન ડિઝાઇન ફર્મ પિનિનફેરીના સાથે ભાગીદારીમાં ડિઝાઇન કરવામાં આવ્યો છે. તે ટુ વે સેટેલાઇટ કોમ્યુનિકેશન ઓફર કરશે. Infinix Note 60 Ultra 200-મેગાપિક્સલ રીઅર કેમેરા યુનિટ અને 7,000mAh બેટરી હોવાની ધરણા છે.

Infinix Note 60 Ultra ગીકબેન્ચ પર લિસ્ટેડ

આગામી Infinix સ્માર્ટફોન 12 ફેબ્રુઆરીના રોજ ગીકબેન્ચ ડેટાબેઝ પર Infinix X6877 મોડેલ નંબર હેઠળ લિસ્ટ કરવામાં આવ્યો હતો. આ મોડેલ નંબર Infinix Note 60 Ultra સાથે સંકળાયેલો હોવાનું અનુમાન છે. લિસ્ટિંગ દર્શાવે છે કે હેન્ડસેટમાં ઓક્ટા કોર CPU છે જેમાં ચાર કોર 2.10GHz પર કાર્યરત છે, ત્રણ કોર 3.0GHz પર કાર્યરત છે અને એક સિંગલ કોર 3.25GHz પર કાર્યરત છે. આ CPU સ્પીડ દર્શાવે છે કે તેમાં મીડિયાટેક ડાયમેન્સિટી 8400 અલ્ટ્રા છે.

Infinix X6877 12GB રેમ સાથે આવશે. લોન્ચ સમયે કંપની વધારાના રેમ વિકલ્પો ઓફર કરશે તેવું માનવામાં આવે છે. લિસ્ટિંગમાં એ પણ જણાવાયું છે કે તે Android 16 પર આધારિત XOS 16 પર ચાલશે.

Infinix Note 60 Ultra ને મલ્ટી કોર રાઉન્ડમાં 1,609 અને 6,762 નો સિંગલ કોર સ્કોર મળ્યો છે. સ્કોર્સ અને ચિપસેટ સૂચવે છે કે તે મિડ-રેન્જમાં ઓફર થઈ શકે છે.

Geekbench લિસ્ટિંગમાં ફોનની અન્ય કોઈ વિગતો શામેલ નથી, પરંતુ અગાઉના લીક્સમાં દાવો કરવામાં આવ્યો છે કે Infinix Note 60 Ultra 256GB અને 512GB સ્ટોરેજ વિકલ્પો સાથે આવી શકે છે. તેમાં 144Hz રિફ્રેશ રેટ અને 200-મેગાપિક્સલનો મુખ્ય કેમેરા સાથે AMOLED ડિસ્પ્લે હોવાની અફવા છે. તેમાં 100W ફાસ્ટ ચાર્જિંગ અને 30W વાયરલેસ ચાર્જિંગ સપોર્ટ સાથે 7,000mAh બેટરી હોવાની અપેક્ષા છે.

ઇન્ફિનિક્સે ગયા વર્ષે ડિસેમ્બરમાં Infinix Note 60 Ultra મોડેલ આવી રહ્યું હોવાની પુષ્ટિ કરી હતી. પિનિનફેરીના સાથે સહ-ડિઝાઇન કરાયેલ આ પહેલો ઇન્ફિનિક્સ હેન્ડસેટ હશે. Note 60 સિરીઝ સેટેલાઇટ કોમ્યુનિકેશન સપોર્ટ કરશે. આગામી લાઇનઅપમાં પસંદગીના મોડેલો સ્નેપડ્રેગન ચિપસેટ પર ચાલશે.

કંપની નાઇજીરીયા જેવા પસંદગીના આંતરરાષ્ટ્રીય બજારોમાં Note 60 pro રજૂ કરવાની તૈયારી કરી રહી છે. તે સ્નેપડ્રેગન 7s Gen 4 5G ચિપસેટ, 144Hz રિફ્રેશ રેટ સાથે 1.5K રિઝોલ્યુશન ડિસ્પ્લે, 50-મેગાપિક્સલ રીઅર કેમેરા અને 90W ચાર્જિંગ સપોર્ટ સાથે 6,500mAh બેટરી સાથે લોન્ચ થવાની શક્યતા છે. પ્રો અને અલ્ટ્રા મોડેલો ઉપરાંત, નોટ 60 સિરીઝમાં સ્ટાન્ડર્ડ નોટ 60 મોડેલ પણ શામેલ હોઈ શકે છે.