iPhone 18 Pro સિરીઝમાં મળશે નાનો Dynamic Island અને લાંબી બેટરી લાઈફ

iPhone 18  સિરીઝના લોન્ચને હવે ગણતરીના મહિના બાકી છે અને કંપની તેને વર્ષના ત્રીજા ક્વાર્ટરમાં રજૂ કરી શકે છે . દર વર્ષની જેમ આ વખતે પણ Appleનું વધારે ધ્યાન Pro મોડેલ્સ પર રહેશે , જેમાં iPhone 18 Pro અને iPhone 18 Pro Maxનો સમાવેશ થાય છે . લોન્ચિંગ પહેલા આ બંને સ્માર્ટફોનની કિંમત અને ફીચર્સ અંગે અનેક વિગતો સામે આવી રહી છે , જેમાં ખાસ કરીને iPhone 18 Pro Max ની કિંમત અંગે મહત્વની માહિતી સામે આવી છે .  iPhone 18 Proની શરૂઆતની કિંમત 1,099 ડોલર હોઈ શકે છે .  iPhone 18 Pro 6.3 ઇંચ અને  iPhone 18 Pro Max માં 6.9 ઈંચનું ડિસ્પ્લે મળી શકે છે .

iPhone 18 Pro Max ની સંભવિત કિંમત :

રિપોર્ટ્સ અનુસાર , Apple નવી iPhone 18 Pro સિરીઝની કિંમતોને પહેલાની જનરેશન જેટલું જ રાખી શકે છે . લાઈવમિન્ટના અહેવાલ મુજબ , કંપની iPhone 18 Pro અને iPhone 18 Pro Max  માટે સ્પર્ધાત્મક કિંમતની વ્યૂહરચના અપનાવી શકે છે . બીજી તરફ , એક ટેક  નિષ્ણાંત  મિંગ - ચી કુઓનું માનવું  છે કે કિંમતો સ્થિર રાખવાથી Appleને સપ્લાય ચેઈન પરનો દબાણ ઘટાડવામાં અને બજારમાં વધુ હિસ્સો મેળવવામાં મદદ મળશે .

સંભવિત કિંમતોની વાત કરીએ તો  iPhone 18 Proની શરૂઆતની કિંમત 1,099 ડોલર હોઈ શકે છે , જે ભારતમાં અંદાજે રૂપિયા 1,05,000 જેટલી થાય છે . જયારે  iPhone 18 Pro Max ની શરૂઆતની કિંમત 1,199 ડોલર એટલે કે આશરે રૂપિયા 1,15,000 હોઈ શકે છે . સરખામણી કરીએ તો   iPhone 17 Pro ભારતમાં રૂપિયા 1,34,000 અને  iPhone 17 Pro Max રૂપિયા 1,49,000 ની શરૂઆતની કિંમતે લોન્ચ કરવામાં આવ્યા હતા .

 iPhone 18 Pro Max સંભવિત ફીચર્સ :

ફીચર્સની વાત કરીએ તો  iPhone 18 Pro 6.3 ઇંચ અને  iPhone 18 Pro Max માં 6.9 ઈંચનું ડિસ્પ્લે મળી શકે છે . આ વખતે સૌથી મોટો ફેરફાર Dynamic Islandમાં જોવા મળી શકે છે . રિપોર્ટ્સ મુજબ તેનું કદ લગભગ 35 ટકા સુધી નાનું કરવામાં આવી શકે છે . આ ઉપરાંત Face ID સિસ્ટમને ડિસ્પ્લેની અંદર જ ઇન્ટિગ્રેટ કરવામાં આવે તેવી શક્યતા છે .

નવી Pro સિરીઝમાં LTPO + ડિસ્પ્લે ટેક્નોલોજી આપવામાં આવી શકે છે , જે વધુ સારી પાવર ક્ષમતા અને લાંબી બેટરી લાઈફ આપશે . કુલ મળીને , iPhone 18 Pro અને Pro Max પહેલાની જનરેશન કરતાં વધુ અદ્યતન ડિઝાઈન , સુધારેલી ડિસ્પ્લે ટેક્નોલોજી અને વધુ સારી બેટરી  સાથે આવી શકે છે .