iPhone 18 Pro નવા ડાર્ક રેડ સહિત ત્રણ કલરમાં આવી શકે

એક નવા લીક મુજબ , Apple તેની આગામી iPhone 18 Pro સીરીઝને નવા કલર વિકલ્પોમાં રજૂ કરી શકે છે . એક ટિપસ્ટરે શરૂઆતના રેન્ડર્સ સાથે અગત્યની વસ્તુઓ પણ શેર કરી છે , જે ડિઝાઇન પર સૌપ્રથમ નજર પડે છે . જોકે આ ઈમેજ સત્તાવાર નથી તે દર્શાવે છે કે લોન્ચ સમયે નવા પ્રો મોડેલ્સ કેવી રીતે  દેખાઈ શકે છે . Apple તરફથી હજુ કોઈ સત્તાવાર પુષ્ટિ કરવામાં આવી નથી , પરંતુ આ લીક વર્ષના અંતેથી લોન્ચ પહેલા ચર્ચાઓને વધુ ફેલાય છે .  iPhone 18 Pro માં નાનું પંચ હોલ કેમેરા કટઆઉટ જોવા મળી શકે છે , જયારે અન્ય ફેરફારો ઓછા રહેવાની  અપેક્ષા છે

ગ્રે , સિલ્વર અને ડાર્ક રેડ 
ટિપસ્ટર WhyLab દ્રારા શેર કરાયેલા લીક અનુસાર ,  iPhone 18 Pro લાઇનઅપ ગ્રે , સિલ્વર અને ડાર્ક રેડ કલરમાં આવી શકે છે . પોસ્ટમાં એક અનઓફિશિયલ  રેન્ડર પણ સામેલ છે , જે આ કલર વિકલ્પો કેવી રીતે દેખાઈ શકે છે તેની ઝલક આપે છે .

ડાર્ક રેડ વેરિઅન્ટ ખાસ આકર્ષણ 
અહેવાલ મુજબ , ડાર્ક રેડ કલર ખાસ ધ્યાન ખેંચી શકે છે કારણ કે Apple એ છેલ્લા કેટલાક વર્ષોમાં પ્રો મોડેલ્સમાં લાલ કલર ઓફર કર્યો નથી . પહેલાના અહેવાલોમાં Mark Gurman એ પણ સૂચવ્યું હતું કે કંપની લાલ કલર ઉપર પરીક્ષણ કરી રહી છે . નવા એલ્યુમિનિયમ યુનીબોડી ડિઝાઇનને કારણે કંપનીને બીજા કલર વિકલ્પો અજમાવવાની  તક મળી શકે છે .

જો આ ડાર્ક રેડ કલર લોન્ચ થાય, તો તે 2022 પછી પહેલી વખત લાલ iPhone કમબેક બની શકે છે , જયારે છેલ્લે iPhone SE (2022) માં આ રંગ જોવા મળ્યો  હતો .
 

iPhone 18 Pro leaked renders in new colour options
Photo Credit: Weibo/@WHYLAB

બ્લેક કલર :
પહેલાના લીક્સ મુજબ , Apple  iPhone 18 Pro  અને Pro Max મોડેલ્સમાં બ્લેક કલર વિકલ્પને દૂર રાખી શકે છે .  iPhone 17 Pro સિરીઝમાં પણ બ્લેક કલર નહોતો અને તેના બદલે બ્લૂ  , ઓરેન્જ અને સિલ્વર જેવા વિકલ્પો આપવામાં આવ્યા હતા . ખાસ કરીને ચીન જેવા બજારોમાં ઓરેન્જ કલરની સારી માંગ હતી .

ડિઝાઈન અને સ્પેસિફિકેશન્સની વાત કરીએ તો ,  iPhone 18 Pro માં નાનું પંચ હોલ કેમેરા કટઆઉટ જોવા મળી શકે છે , જયારે અન્ય ફેરફારો ઓછા રહેવાની  અપેક્ષા છે . આ સિરીઝમાં નવી 2nm A20 Pro ચિપ , 5,000mAhથી વધુ બેટરી અને સુધારેલ કેમેરા સિસ્ટમ મળી શકે છે .

હાલ માટે આ બધી માહિતી લીક્સ પર આધારિત છે , આ વિશેની કંપનીએ કોઈ સત્તાવાર જાહેરાત કરી નથી .