Apple iPhone 18 Pro માટે બે ડિસ્પ્લે વિકલ્પ અજમાવે છે , કેમેરા ડિઝાઈન લગભગ યથાવત

આ વર્ષના અંત સુધીમાં Apple તેની નવી iPhone 18 series સાથે પહેલી ફોલ્ડેબલ iPhone રજૂ કરે તેવી ચર્ચા છે . Apple તેની આવનારી iPhone 18 Pro માટે બે અલગ અલગ ડિસ્પ્લે ડિઝાઈન ટેસ્ટ કરી રહ્યું છે , જેમાં નાનો Dynamic Island મુખ્ય આકર્ષણ બની શકે છે . લીક્સ મુજબ તેનું કદ લગભગ 35 ટકા ઓછું થઈ શકે છે . હાલના અહેવાલો મુજબ ભલે હાર્ડવેરમાં સુધારા જોવા મળે , પરંતુ ડિઝાઈન મામલે તે iPhone 17 Pro જેટલો મોટો ફેરફાર ન લાવી શકે . તેમ છતાં , નવા લીક્સ દર્શાવે છે કે કંપની આગળ અને પાછળ બંને ડિઝાઈનમાં કેટલાક બદલાવ અજમાવી રહી છે .  

વીબો પર જાણીતા ટિપસ્ટર Digital Chat Station અનુસાર , Apple હાલમાં iPhone 18 Pro માટે બે અલગ ડિસ્પ્લે ડિઝાઈનનું ટેસ્ટિંગ કરી રહી છે . એક વિકલ્પમાં  હાલનું સ્ક્રીન મોલ્ડ જાળવવામાં આવે છે , જયારે બીજા વિકલ્પમાં નાનું " મિની Dynamic Island " આપવામાં આવે છે . આ માટે કેટલાક Face ID કોમ્પોનેન્ટ્સ ડિસ્પ્લે નીચે ખસેડવામાં આવી શકે છે .

પહેલાના લીક્સ મુજબ , આ નવું Dynamic Island કદમાં લગભગ 35 ટકા સુધી નાનું થઈ શકે છે . જો Apple આ ડિઝાઈન અપનાવે , તો યુઝર્સને વધુ સ્ક્રીન  સ્પેસ અને ક્લીન લુક મળી શકે છે . જોકે , કંપની હજુ સુધી કોઈ છેલ્લા નિર્ણય પર પહોંચી નથી અને બંને વિકલ્પ વચ્ચે A /B  ટેસ્ટિંગ ચાલી રહ્યું છે .

આ ફોનની પાછળની ડિઝાઈન બાબતે , મોટો ફેરફાર થવાની શક્યતા ઓછી છે . iPhone 18 Proમાં અગાઉની જેમ જ લંબચોરસ કેમેરા મોડયુલ જોવા મળી શકે છે . તેમ છતાં , મટિરિયલ અને ફિનિશમાં નાના સુધારા , તેમજ નવા કલર વિકલ્પો રજૂ થઈ શકે છે .

આ માહિતી પહેલાના Mark Gurman દ્રારા આપવામાં આવેલા અહેવાલોને પણ સપોર્ટ કરે છે , જેમાં જણાવાયું હતું કે Apple Dynamic Island ને ફરીથી  ડિઝાઈન કરી  રહ્યું છે અને તેનું કદ ઘટાડશે .

Dynamic Island ફીચર પ્રથમ વખત iPhone 14 Pro સાથે રજૂ થયું હતું , જેમાં પહેલાના notchને બદલીને નવું ઇન્ટરેક્ટિવ કટઆઉટ આપવામાં આવ્યું હતું  . હવે Apple તેને વધુ કોમ્પેક્ટ બનાવવા તરફ આગળ વધી રહ્યું છે , જે આગામી iphone અનુભવને વધુ પ્રીમિયમ બનાવી શકે છે .