iPhone Fold સપ્ટેમ્બરમાં રજૂ થઈ શકે , વેચાણ શરૂ થવામાં વિલંબ

iPhone 18 Pro અને iPhone 18 Pro Max સપ્ટેમ્બરમાં લોન્ચ થશે પરંતુ iPhone Fold માટે થોડી રાહ જોવી પડશે

Written by Gadgets 360 Staff અપડેટ કર્યું: 27 માર્ચ 2026 17:06 IST

iPhone Fold સપ્ટેમ્બરમાં રજૂ થઈ શકે , વેચાણ શરૂ થવામાં વિલંબ

Photo Credit: Samsung

Appleનું પહેલું Foldable Galaxy Z Fold 7 અને Pixel 10 Pro Fold એ સ્માર્ટફોનથી અલગ છે .

હાઇલાઇટ્સ

7.8 ઇંચની આંતરિક ડિસ્પ્લે અને 5.5 ઇંચની બહારની સ્ક્રીન
ફોલ્ડેબલ iPhoneમાં નવી પેઢીની 2nm A20 Pro chip
iPhone 18 Pro અને iPhone 18 Pro Max સપ્ટેમ્બરમાં રજૂ થશે

જાહેરાત

Apple નો પહેલો ફોલ્ડેબલ iPhone લાંબા સમયથી ચર્ચામાં છે અને નવા અહેવાલો મુજબ તે આ વર્ષે લોન્ચ થવાની શક્યતા છે . શરૂઆતમાં માનવામાં આવતું હતું કે આ ડિવાઇસ iPhone 18 Pro અને iPhone 18 Pro Max સાથે સપ્ટેમ્બરમાં રજૂ થશે , પરંતુ હવે નવી માહિતી મુજબ તેનો રિલીઝ થોડો મોડો થઈ શકે છે . Mark Gurman મુજબ , Appleનો ફોલ્ડેબલ iPhone સપ્ટેમ્બર ઇવેન્ટમાં રજૂ થઈ શકે છે , પરંતુ હકીકતમાં તેની ઉપલબ્ધતા થોડા અઠવાડિયા કે મહિના પછી શરૂ થશે . તેમના જણાવ્યા મુજબ , ફોલ્ડેબલ સ્માર્ટફોન બનાવવું ટેક્નોલોજીકલી ખુબ જ જટિલ છે , ખાસ કરીને તેની ડિસ્પ્લે ટેક્નોલોજી બજારમાં સૌથી નવીનતમ અને મુશ્કેલ માનવામાં આવે છે . Apple જયારે નવી ડિઝાઇન કે ફોર્મ ફેક્ટર લાવે છે .

iPhone લોન્ચ સ્ટ્રેટેજી :
અહેવાલો મુજબ , Apple હવે iPhone લોન્ચને બે ભાગમાં વહેંચી શકે છે . સપ્ટેમ્બરમાં Pro મોડેલ લોન્ચ કર્યા બાદ , બાકીના મોડેલ જેમ કે સ્ટાન્ડર્ડ iPhone 18 , Air અને iPhone 18e આગામી દિવસોમાં આવી શકે છે .

ડિઝાઇન અને ડિસ્પ્લે :
આ ફોલ્ડેબલ iPhone બુક-સ્ટાઇલ ડિઝાઇન સાથે આવશે , જેમાં 7.8 ઇંચની આંતરિક ડિસ્પ્લે અને 5.5 ઇંચની બહારની સ્ક્રીન મળશે . આ ડિવાઇસ Samsung Galaxy Z Fold 7 અને Google Pixel 10 Pro Fold જેવા સ્માર્ટફોનથી અલગ અને વધુ પ્રીમિયમ અનુભવ આપી શકે છે . તેમાં ડયુઅલ રિયર અને ફ્રન્ટ કેમેરા સેટઅપ તેમજ પાવર બટનમાં Touch ID સેન્સર આપવામાં આવી શકે છે .

કિંમત :
ફોલ્ડેબલ iPhoneમાં નવી પેઢીની 2nm A20 Pro chip અને Apple નો C2 મોડેમ આપવામાં આવી શકે છે . કિંમતની વાત કરીએ તો , આ ડિવાઇસ ખૂબ પ્રીમિયમ સેગમેન્ટમાં રહેશે . ચીનમાં આ ફોનની કિંમત લગભગ 2.14 લાખ રૂપિયા અને અમેરિકામાં આ ફોન લગભગ 1.84 લાખ રૂપિયા હોઈ શકે છે .

Appleનો પહેલો Foldable iPhone સપ્ટેમ્બરમાં iPhone 18 Pro સિરીઝ સાથે રજૂ થવાની શક્યતા છે , પરંતુ તેની ઉપલબ્ધતા થોડા સમય પછી શરૂ થઈ શકે છે . 7.8 ઇંચની ડિસ્પ્લે મળે છે .