iQOO 15 ને મળ્યો ત્રીજો કલર વિકલ્પ 'Apex' શેડ સાથે વધુ સ્ટાઈલિશ

ગયા વર્ષે નવેમ્બરમાં ભારતમાં લોન્ચ થયેલો iQOO 15 હવે નવા કલર વિકલ્પ સાથે વધુ આકર્ષક બની રહ્યો છે . અત્યાર સુધી આ ફોન દેશમાં આલ્ફા બ્લેક અને લેજેન્ડ કલરમાં ઉપલબ્ધ હતો , પરંતુ હવે કંપનીએ ત્રીજો કલર "Apex " રજૂ કરવાનો નિર્ણય લીધો છે . ચીનમાં પહેલાથી જ આ કલર વિકલ્પ ઉપલબ્ધ છે અને હવે  આ ભારતીય બજારમાં પણ આવી રહ્યું છે . ખાસ વાત એ છે કે નવા કલર સિવાય ફોનની ડિઝાઇન અને સ્પેસિફિકેશન્સમાં કોઈ પણ ફેરફાર કરવામાં  આવ્યો નથી .

લોન્ચ તારીખ અને ઉપલબ્ધતા :
iQOOએ જાહેરાત કરી છે કે iQOO 15 ની Apex કલર 1 એપ્રિલ બપોરે 12 વાગ્યે ભારતમાં લોન્ચ થશે . આ નવો કલર ઈ-કોમર્સ પ્લેટફોર્મ Amazon દ્રારા વેચાણ  માટે ઉપલબ્ધ રહેશે .  આ વેરિઅન્ટ ચીનમાં ઉપલબ્ધ "લિંગયુન" કલરનું રિબ્રાન્ડેડ વર્ઝન  છે .

ડિઝાઇન માં શું ફેરફાર ?
આ નવા  Apex કલરમાં ફોનના બેક પેનલ પર ગ્રે અને લાલ રંગછટા સાથે અનોખી પેટર્ન આપવામાં આવી છે , જે તેને પ્રીમિયમ લુક આપે છે . સાઈડમાં ફ્લેટ મેટલ ફ્રેમ ગ્રે કલરમાં છે , જે લેજેન્ડ વર્ઝન જેવી જ દેખાય છે . કુલ મળીને આ ફોનની ડિઝાઇનમાં ફક્ત કલર બદલાયો છે , બાકીનું બધું પહેલા જેવું જ છે .

કિંમત :
iQOO 15 ભારતમાં રૂપિયા 72,999 ની શરૂઆતની કિંમતે લોન્ચ થયો હતો , જેમાં 12GB RAM અને 256GB સ્ટોરેજ મળે છે . વધુ હાઈ એન્ડ વેરિએન્ટ્સમાં 16GB સુધી RAM અને 512GB સુધી સ્ટોરેજ મળે છે .

સ્પેસિફિકેશન્સ અને પરફોર્મન્સ :
પરફોર્મન્સ માટે iQOO 15 માં Qualcomm નો Snapdragon 8 Elite Gen 5 ચિપસેટ આપવામાં આવ્યો છે , જે 3nm ટેક્નોલોજી પર આધારિત છે . આ સાથે Adreno GPU પણ મળે છે , જે ગેમિંગ અને હેવી ટાસ્કસ માટે સારો અનુભવ આપે છે .

આ ફોનમાં 6.85 ઈંચનું 2K AMOLED ડિસ્પ્લે છે , જેમાં 144Hz રિફ્રેશ રેટ અને 6000 nits સુધીની પીક બ્રાઇટનેસ મળે છે . કેમેરાની વાત કરીએ તો આ ફોનમાં ટ્રિપલ રિયર  સેટઅપ છે , જેમાં ત્રણેય 50MP સેન્સર્સ  આપવામાં આવ્યા છે .

બેટરી અને ચાર્જિંગ :
iQOO 15 માં 7,000mAh ની મોટી સિલિકોન કાર્બન બેટરી આપવામાં આવી છે , જે 100W વાયર્ડ અને 40W વાયરલેસ ફાસ્ટ ચાર્જિંગ સપોર્ટ કરે છે . કુલ મળીને આ  iQOO 15 નો નવો Apex કલર યુઝર્સને વધુ સ્ટાઈલિશ વિકલ્પ આપે છે , જયારે તેની પાવરફુલ સ્પેક્સ તેને પ્રીમિયમ ફ્લેગશિપ સ્માર્ટફોન તરીકે મજબૂત બનાવે  છે .