Moto G Max India Launch : Snapdragon ચિપસેટ અને 50MP કેમેરા સાથે આવી શકે છે નવો સ્માર્ટફોન

લોન્ચ પહેલા જ મોટોરોલાના નવા સ્માર્ટફોન Moto G Max વિશે મહત્વની માહિતી સામે આવી છે . કંપની ટૂંક સમયમાં આ સ્માર્ટફોનને ભારતમાં લોન્ચ કરી શકે છે . જૂનમાં Moto G Max ને કેટલાક આંતરરાષ્ટ્રીય બજારોમાં રજૂ કરવામાં આવ્યો હતો , પરંતુ ભારતમાં આવનારો મોડેલ થોડો અલગ હોઈ શકે છે . ટિપસ્ટર અભિષેક યાદવે સોશિયલ મીડિયા પ્લેટફોર્મ X પર શેર કરેલી માહિતી અનુસાર , Moto G Max ભારતમાં 15 ઓગસ્ટે લોન્ચ થઈ શકે છે . તેની કિંમત આશરે રૂપિયા 30,000 રાખવામાં આવી શકે છે .

ભારતમાં લોન્ચ થનારો સ્માર્ટફોનમાં Snapdragon 6s Gen 4 પ્રોસેસર મળવાની શક્યતા છે . જયારે આંતરરાષ્ટ્રીય મોડેલમાં MediaTek Dimensity 6400 ચિપસેટ આપવામાં આવ્યો છે . કેમેરાની વાત કરીએ તો , ભારતમાં લોન્ચ થનારા મોડેલમાં 50MP Sony LYT-600 મુખ્ય કેમેરો મળી શકે છે . જયારે આંતરરાષ્ટ્રીય વર્ઝનમાં 200MPનો મુખ્ય કેમેરો આપવામાં આવ્યો છે .

આ સ્માર્ટફોનને 2 વર્ષ સુધી Android OS અપડેટ અને 3 વર્ષ સુધી સિક્યોરિટી અપડેટ્સ મળવાની પણ શક્યતા છે . વૈશ્વિક બજારમાં Moto G Maxને 8GB RAM + 256GB સ્ટોરેજના એક જ વેરિઅન્ટમાં લોન્ચ કરવામાં આવ્યો છે . તે Azul Claro અને Grafite એમ બે કલરમાં ઉપલબ્ધ છે . તેમાં 6.8 ઇંચની 1.5K ડિસ્પ્લે અને Android 16 આધારિત Hello UI આપવામાં આવ્યું છે .

વૈશ્વિક મોડેલમાં પાછળની બાજુએ 200MP મુખ્ય કેમેરો અને 8MP અલ્ટ્રા - વાઈડ કેમેરો આપવામાં આવ્યો છે . જયારે સેલ્ફી અને વિડીયો કોલ માટે આગળ 32MP ફ્રન્ટ કેમેરો મળે છે . ફોનમાં 5,200mAh બેટરી છે , જે 32W ફાસ્ટ ચાર્જિંગને સપોર્ટ કરે છે .

તાજેતરમાં મોટોરોલાએ ભારતમાં Moto G37 અને Moto G37 Power પણ લોન્ચ કર્યા છે . બંને સ્માર્ટફોન MediaTek Dimensity 6400 પ્રોસેસર અને Android 16 સાથે આવે છે . Moto G37માં 5,200mAh બેટરી છે , જયારે   Moto G37 Powerમાં 7,000mAh બેટરી આપવામાં આવી છે . બંને ફોનને બજેટ સેગમેન્ટના ગ્રાહકોને ધ્યાનમાં રાખીને રજૂ કરવામાં આવ્યા છે .