Moto G Stylus (2026) લોન્ચ : બિલ્ટ ઈન સ્ટાઈલસ અને 5200mAh બેટરી સાથે આવ્યો નવો સ્માર્ટફોન

Moto G Stylus (2026) મંગળવારે યુએસ અને કેનેડાના બજારમાં લોન્ચ કરવામાં આવ્યો છે . આ સ્માર્ટફોન Moto G Stylus (2025) નો અનુગામી છે , જે એપ્રિલ 2025 માં રજૂ થયો હતો . આના નામ મુજબ જ આ હેન્ડસેટની સૌથી ખાસ વાત તેની બિલ્ટ ઈન એક્ટિવ સ્ટાઈલસ છે , જે યુઝર્સને વધુ ચોકસાઈ સાથે લખવા અને ડ્રો કરવા દે છે . કંપની મુજબ , સ્ટાઈલસ ટિલ્ટ અને પ્રેસરને ઓછું કરવા માટે સપોર્ટ કરે છે , જેના કારણે શેડિંગ અને ફાઈન લાઈન બનાવવી વધુ  સરળ બને છે આ ફોનમાં  6.7 ઇંચની મોટી AMOLED સ્ક્રીન અને 5,200mAh બેટરી આપવામાં આવી છે .

કિંમત અને ઉપલબ્ધતા :
યુએસમાં આ સ્માર્ટફોનની કિંમત $499 રાખવામાં આવી છે , જેમાં 8GB RAM અને 128GB સ્ટોરેજ વેરિઅન્ટ મળે છે . તે Pantone Surf Smoke અને  Pantone Lavender Mist કલર વિકલ્પોમાં લેધર ફિનિશ સાથે આવે છે . 16 એપ્રિલથી ફોન Amazon Best Buy અને બ્રાન્ડની ઓફિશિયલ વેબસાઈટ પરથી  ખરીદી શકાય છે . ત્યારબાદ AT&T, Cricket Wireless , Spectrum Mobile, Xfinity Mobile , Google Fi Wireless અને Optimum Mobile પર પણ  ઉપલબ્ધ થશે . કેનેડામાં પણ આ ફોન 16 એપ્રિલથી બ્રાન્ડ વેબસાઈટ મારફતે વેચાણ માટે આવશે .

ફીચર્સ અને સ્પેસિફિકેશન્સ :
ડયુઅલ સિમ સપોર્ટ ધરાવતો આ સ્માર્ટફોન Android 16 પર Motorolaની Hello UX સાથે કામ કરે છે . તેમાં 120Hz રિફ્રેશ રેટ  અને 5,000 nits પીક બ્રાઇટનેસ  સાથે 6.7 ઇંચ 1.5K પોલેડ ડિસ્પ્લે આપવામાં આવ્યો છે . સુરક્ષા માટે Gorilla Glass 3 સાથે IP68 અને IP69 રેટિંગ આપવામાં આવ્યો છે .

પરફોર્મન્સ માટે ફોનમાં Snapdragon 6 Gen 3 પ્રોસેસર આપવામાં આવ્યું છે , સાથે 8GB LPDDR5x RAM અને 128GB UFS 3.1 સ્ટોરેજ મળે છે . RAM Boost ફીચર દ્રારા તેને 24GB સુધી વર્ચ્યુઅલ રીતે વધારી શકાય છે , જયારે microSD કાર્ડ દ્રારા સ્ટોરેજ 1TB સુધી એક્સપેન્ડ કરી શકાય છે .

ફોટોગ્રાફી માટે , આ ફોનમાં 50MP Sony LYT-700C  પ્રાથમિક કેમેરા OIS સાથે અને 13MP અલ્ટ્રા વાઈડ કેમેરા આપવામાં આવ્યા છે . સેલ્ફી અને વિડીયો કોલ માટે 32MP ફ્રન્ટ કેમેરા આપવામાં આવ્યો છે .

કનેક્ટિવિટી માટે 5G , Wi-Fi 6/6E, Bluetooth, NFC અને USB Type-C જેવા વિકલ્પો મળે છે . ફોન 68W ફાસ્ટ વાયર્ડ અને 15W વાયરલેસ ચાર્જિંગ સપોર્ટ સાથે 5,200mAh બેટરી ધરાવે છે . તેનો વજન 192.3 ગ્રામ છે , જે તેને મજબૂત અને પ્રીમિયમ ફીલ આપે છે .