મોટોરોલા ટેબ્લેટ્સની ભારતમાં કિંમતોમાં વધારો , Moto Pad 60 સિરીઝ અસરગ્રસ્ત

મોટોરોલા એ ભારતમાં તેના ટેબ્લેટ્સના ભાવમાં હાલમાં ફેરફાર કર્યા હોવાનું જણવા મળે છે . એક ટિપસ્ટર દ્રારા શેર કરાયેલી માહિતી મુજબ , 
Moto Pad 60 સિરીઝના કેટલાક મોડેલ્સ હવે નવી કિંમતો સાથે લિસ્ટ થઈ રહ્યા છે . આ મોટો બદલાવ Moto Pad 60 Pro અને Moto Pad 60 Neo બંને  મોડેલ્સને  અસર કરે છે , જેમાં સ્ટાઇલસ સાથે આવતા વેરિઅન્ટસ પણ સામેલ છે , જોકે કંપનીએ આ ભાવવધારાનું ચોક્કસ કારણ જાહેર કર્યું નથી , પરંતુ  છેલ્લા સમયમાં અન્ય ઘણી બ્રાન્ડ્સ પણ  તેમના પ્રોડક્ટ્સની કિંમતોમાં ફેરફાર કરી રહી છે .

ટિપસ્ટર સંજુ ચૌધરીએ X પર માહિતી આપતા જણાવ્યું છે કે Moto Pad 60 Pro અને Moto Pad 60 Neo ની કિંમતોમાં સુધારો થયો છે . ભારતમાં  આ બંને  ટેબ્લેટ્સ મિડ રેન્જ અને બજેટ સેગમેન્ટમાં આવે છે .

નવી વિગતો મુજબ , Moto Pad 60 Pro (Wi -Fi ) નો  8GB RAM + 128GB સ્ટોરેજ વેરિઅન્ટ હવે લગભગ રૂપિયા 27,999 માં મળી શકે છે , જયારે 12GB RAM  + 256GB સ્ટોરેજ મોડેલની કિંમત રૂપિયા 31,999 સુધી પહોંચી છે . આ બંને વેરિઅન્ટસ સાથે સ્ટાઇલસ પેન આપવામાં આવે તેવી શક્યતા છે . યાદ રહે કે  લોન્ચ સમયે આ મોડેલ્સની કિંમતો ક્રમશ રૂપિયા 26,999 અને રૂપિયા 28,999 હતી .

બીજી તરફ , Moto Pad 60 Neo નો 5G વેરિઅન્ટ (8GB +128GB ) હવે લગભગ રૂપિયા 23,999 નો થઈ શકે છે , જયારે Wi -Fi only વર્ઝન  સમાન કન્ફિગરેશન  સાથે રૂપિયા 21,499 સુધી લિસ્ટ થયેલું જોવા મળે છે .

લીક થયેલી માહિતીમાં રિટેલર બિલિંગ કિંમતો પણ સામેલ છે .  Moto Pad 60 Pro ના 8GB +128GB  મોડેલની બિલિંગ કિંમત આશરે રૂપિયા 21,948 , જયારે  12GB +256GB વેરિઅન્ટ માટે તે રૂપિયા 25,084 બતાવવામાં આવી છે .Moto Pad 60 Neo 5G માટે બિલિંગ કિંમત રૂપિયા 18,813 અને Wi -Fi only વર્ઝન માટે રૂપિયા 16,853 હોઈ શકે છે .

Gadgets 360 એ આ ભાવ ફેરફાર અંગે મોટોરોલાની સત્તાવાર ટિપ્પણી મેળવવા સંપર્ક કર્યો છે . જવાબ મળ્યા પછી વધુ માહિતી અપડેટ કરવામાં આવશે . હાલ માટે , જણાવાયેલી નવી કિંમતો બ્રાન્ડની સત્તાવાર વેબસાઈટ પર પણ દેખાઈ રહી છે .