5200 nits બ્રાઇટનેસ અને Dimensity 7450 ચિપસેટ સાથે આવ્યો Motorola Edge 2026

મોટોરોલાએ વૈશ્વિક બજારમાં પોતાનો નવો સ્માર્ટફોન Motorola Edge 2026  લોન્ચ કર્યો છે . આ ફોન કોમ્પેકટ ડિઝાઈન સાથે આવે છે અને તેમાં 6.3 ઇંચની 1.5K OLED ડિસ્પ્લે આપવામાં આવી છે . ડિસ્પ્લે 120Hz રિફ્રેશ રેટ અને 5200 nits ની પીક બ્રાઇટનેસ સપોર્ટ કરે છે . સ્ક્રીનની સુરક્ષા માટે  Corning Gorilla Glass  7i પ્રોટેકશન આપવામાં આવ્યું છે . ફોનમાં ટ્રિપલ રિયર કેમેરા સેટઅપ આપવામાં આવ્યો છે .  Motorola Edge 2026માં 5000mAh બેટરી આપવામાં આવી છે , જે 60W ફાસ્ટ વાયર્ડ અને 15W વાયરલેસ ચાર્જિંગને સપોર્ટ કરે છે .

Motorola Edge 2026 કિંમત અને ઉપલબ્ધતા :

Motorola Edge 2026ની વૈશ્વિક કિંમત 599.99 ડોલર ( લગભગ 52,000 રૂપિયા ) રાખવામાં આવી છે .આ સ્માર્ટફોન 11 જૂનથી વેચાણ માટે ઉપલબ્ધ થશે અને તે કંપનીની સત્તાવાર વેબસાઈટ પર Pantone Martini Olive કલર વિકલ્પમાં ખરીદી શકાશે .

Motorola Edge 2026 ફીચર્સ :

પરફોર્મન્સ માટે ફોનમાં 4nm આધારિત Media Tek Dimensity 7450 ઓક્ટા - કોર પ્રોસેસર આપવામાં આવ્યું છે . તેમાં 8GB LPDDR5X  RAM અને 128GB ઇન્ટરનલ સ્ટોરેજ મળે છે . ગ્રાફિક્સ માટે Mali - G615 MC2 GPU આપવામાં આવ્યું છે , જે ગેમિંગ અને મલ્ટીટાસ્કિંગને વધુ સરળ બનાવે છે .

ફોટોગ્રાફી વિભાગની વાત કરીએ તો ફોનમાં ટ્રિપલ રિયર કેમેરા સેટઅપ આપવામાં આવ્યો છે . તેમાં OIS સપોર્ટ સાથે 50MP Sony LYTIA 710 મુખ્ય કેમેરા , 50MP અલ્ટ્રાવાઇડ લેન્સ અને 3x ઓપ્ટિકલ ઝૂમ સાથે 10MP ટેલિફોટો સેન્સર સામેલ છે . આ ફોન 4K વિડીયો રેકોર્ડિંગને પણ સપોર્ટ કરે છે . સેલ્ફી અને વિડીયો કોલિંગ માટે 50MPનો ફ્રન્ટ કેમેરા આપવામાં આવ્યો છે . કંપનીએ તેમાં અનેક AI આધારિત કેમેરા ફીચર્સ પણ ઉમેર્યા છે .

પાવર બેકઅપ માટે Motorola Edge 2026માં 5000mAh બેટરી આપવામાં આવી છે , જે 60W ફાસ્ટ વાયર્ડ અને 15W વાયરલેસ ચાર્જિંગને સપોર્ટ કરે છે . આ ફોનનું ટકાઉપણું વધારવા માટે તેને IP68 અને IP69 રેટિંગ તેમજ MIL - STD - 810H  સર્ટિફિકેશન મળ્યું છે .  કનેક્ટિવિટી માટે Wi - Fi 6, Bluetooth 5.4 અને Dolby Atmos સપોર્ટ જેવી સુવિધાઓ પણ આપવામાં આવી છે .