લોન્ચ પહેલા Motorola Edge 70 Neoની ડિઝાઈન આવી સામે , ચાર કલરમાં જોવા મળશે ફોન

મોટોરોલા ટૂંક સમયમાં તેનો નવો સ્માર્ટફોન Motorola Edge 70 Neo લોન્ચ કરી શકે છે . તાજેતરમાં સામે આવેલી લીક અનુસાર આ ફોનના રેન્ડર્સ એટલે કે ડિઝાઈન બતાવતી ઇમેજ પણ ઓનલાઈન સામે આવી છે . આ ઈમેજો પરથી ફોનની ડિઝાઈન અને કેટલાક મહત્વના ફીચર્સ વિશે જાણકારી મળી આવી છે .

લીક થયેલા રેન્ડર્સ Mac Observer દ્રારા શેર કરવામાં આવ્યા છે . ઇમેજોમાં Motorola Edge 70 Neo ચાર કલરમાં જોવા મળે છે . જેમાં પિંક , ડાર્ક ગ્રીન , લાઈટ ગ્રીન , લાઈટ બ્લૂ કલરનો સમાવેશ થાય છે . આ ફોનને મેટ ફિનિશ પણ આપવામાં આવ્યો છે , જયારે પિંક કલરના વેરિઅન્ટમાં એક અલગ પ્રકારની ડિઝાઈન જોવા મળે છે . ડિસ્પ્લેની બંને બાજુથી કર્વ્ડ છે , જે Motorolaની Edge સિરીઝની ખાસિયત બતાવે છે .

  Motorola Edge 70 Neo ચાર કલરમાં જોવા મળે છે                                                                                          photo credit :Observer

Motorola Edge 70 Neo કેમેરા સેટઅપ :

ફોનની પાછળ ટ્રિપલ રિયર કેમેરા સેટઅપ આપવામાં આવ્યો છે . કેમેરા મોડયુલ પર 200MP લખેલું જોવા મળે છે , જે દર્શાવે છે કે ફોનમાં 200 મેગાપિક્સલનો મુખ્ય કેમેરા મળી શકે છે . જોકે , કંપની દ્રારા  હજુ સુધી ફોનના સંપૂર્ણ સ્પેસિફિકેશન્સ જાહેર કરવામાં આવ્યા નથી .

Motorola Edge 60 Neo સ્પેસિફિકેશન્સ અને કેમેરા :

Motorola Edge 70 Neoએ  Edge 60 Neoનું અપગ્રેડેડ મોડેલ હશે . Edge 60 Neoમાં 6.36 ઇંચની 1.5K ફ્લેટ pOLED LTPO ડિસ્પ્લે , 3,000 nits પીક બ્રાઇટનેસ અને MediaTek Dimensity 7400 પ્રોસેસર આપવામાં આવ્યું છે . તેમાં 50 મેગાપિક્સલનો Sony મુખ્ય કેમેરા , 13 મેગાપિક્સલનો અલ્ટ્રા- વાઈડ કેમેરા અને 10 મેગાપિક્સલનો ટેલિફોટો કેમેરા છે . સેલ્ફી અને વિડીયો કોલિંગ માટે તેમાં 32 મેગાપિક્સલનો ફ્રન્ટ કેમેરા આપવામાં આવ્યો છે .

Motorola Edge 70 Neo કનેક્ટિવિટી :

કનેક્ટિવિટી માટે તેમાં 4G , 5G , Wi-Fi , બ્લૂટૂથ , GPS અને USB Type -C પોર્ટ જેવા વિકલ્પો આપવામાં આવ્યા છે . ફોનમાં 5,000mAhની બેટરી છે , જે 68W ફાસ્ટ ચાર્જિંગ અને 15W વાયરલેસ ચાર્જિંગને સપોર્ટ કરે છે . હવે આગળ આ જોવાનું રહેશે કે કંપની Motorola Edge 70 Neoમાં બીજા ક્યા ફીચર્સ કે અપગ્રેડ આપશે .