મોટોરોલાનું પહેલું બુક - સ્ટાઈલ ફોલ્ડેબલ Razr Fold ભારતમાં આવ્યું વેચાણ માટે

Motorola એ ગયા અઠવાડિયે ભારતમાં લોન્ચ કરાયેલા Motorola Razr Fold ને હવે ખરીદી માટે ઉપલબ્ધ બનાવ્યો છે . Lenovo માલિકીની બ્રાન્ડનું આ પહેલું બુક - સ્ટાઈલ ફોલ્ડેબલ સ્માર્ટફોન છે , જેને પહેલી વખત માર્ચમાં યોજાયેલા Mobile World Congress 2026 દરમિયાન રજૂ કરવામાં આવ્યો હતો . સ્માર્ટફોનમાં 6.6 ઇંચ કવર ડિસ્પ્લે અને 8.1 ઇંચની ફોલ્ડેબલ સ્ક્રીન આપવામાં આવી છે . તે Snapdragon 8 Gen 5 પ્રોસેસરથી સંચાલિત છે અને 16GB સુધીની RAM સાથે  આવે  છે .  આ હેન્ડસેટ Android 16 પર ચાલે છે અને તેમાં 6,000mAh બેટરી આપવામાં આવી છે 

Motorola Razr Fold ભારતમાં કિંમત અને ઉપલબ્ધતા :

ભારતમાં Motorola Razr Fold ની શરૂઆતની કિંમત 12GB RAM અને 256GB સ્ટોરેજ વેરિઅન્ટ માટે રૂપિયા 1,49,999 રાખવામાં આવી છે . આ ઉપરાંત , કંપનીએ 16GB RAM અને 512GB સ્ટોરેજ વાળો મોડેલ પણ રજૂ કર્યો છે , જેની કિંમત રૂપિયા 1,59,999 છે . કંપનીએ ખાસ FIFA World Cup 26 Collection  એડિશન પણ રજૂ કર્યું છે , જે રૂપિયા 1,69,999 માં ઉપલબ્ધ છે .

Motorola Razr Fold ને Pantone Blackened Blue અને  Pantone Lily White કલર વિકલ્પોમાં ખરીદી શકાય છે . આ સ્માર્ટફોન Flipkart અને દેશભરના રિટેલ સ્ટોર્સ પર ઉપલબ્ધ કરવામાં આયો છે .

આ લોન્ચ ઓફર્સ હેઠળ ગ્રાહકોને રૂપિયા 10,000 સુધીનો ઇન્સ્ટન્ટ બેંક ડિસ્કાઉન્ટ  અથવા એક્સચેન્જ બોનસ મળશે . આ ઓફર બાદ 12GB + 256GB વેરિઅન્ટની કિંમત રૂપિયા 1,39,999 થાય છે , જયારે 16GB + 512GB અને FIFA World Cup 26 Collection મોડેલ અનુક્રમે રૂપિયા 1,49,999 અને રૂપિયા  1,59,999 ની કિંમતે ઉપલબ્ધ રહેશે .

આ ફોન માટે પસંદગીની બેંકો દ્રારા 18 મહિના સુધી નો - કોસ્ટ EMI વિકલ્પ પણ આપવામાં આવ્યો છે . વધુમાં 20 જૂન સુધી આ ફોલ્ડેબલ ફોન ખરીદનાર ગ્રાહકોને  એક વખત મફત સ્ક્રીન રિપ્લેસમેન્ટની સુવિધા મળશે , જે ખરીદીની તારીખથી એક વર્ષ સુધી માન્ય રહેશે .

Reliance Jio ના યુઝર્સને ખાસ લાભ પણ મળશે . 449 રૂપિયાના પ્લાન સાથે ગ્રાહકોને ત્રણ મહિનાનું JioHotstar સબ્સ્ક્રિપ્શન , Gemini Pro પ્લાન સાથે 5,000GB ક્લાઉડ સ્ટોરેજ અને Tira , Ajio તથા EaseMyTrip જેવી બ્રાન્ડ્સ તરફથી વધારાના કેશબેક અને ડિસ્કાઉન્ટ ઓફર્સ મળશે .