ઓપ્પો ફાઈન્ડ N5 નવો ફોલ્ડેબલ સ્માર્ટફોન લોન્ચ, મોટો ડિસ્પ્લે અને AI ફીચર્સ

ઓપ્પો ફાઈન્ડ N5 ગ્લોબલી લોન્ચ થઈ ગયું છે. આ નવું બુક-સ્ટાઈલ ફોલ્ડેબલ સ્માર્ટફોન ક્વાલકોમ સ્નેપડ્રેગન 8 Elite ચિપસેટ સાથે આવે છે, જે AI આધારિત ફીચર્સ પ્રદાન કરે છે. તેની Flexion Hinge ડિઝાઇનમાં ગ્રેડ 5 ટાઇટેનિયમ એલોય વપરાયું છે, જે 36 ટકા વધુ મજબૂત બનાવે છે. આ ફોન ફોલ્ડ થયેલા સ્થિતિમાં માત્ર 8.93mm પાતળું છે અને તેનો વજન 229 ગ્રામ છે, જેને ‘વિશ્વનું સૌથી પાતળું ફોલ્ડેબલ' ફોન ગણાવવામાં આવે છે.

ઓપ્પો ફાઈન્ડ N5 ની કિંમત

ઓપ્પો ફાઈન્ડ N5 ની કિંમત SGD 2,499 છે અને તે માત્ર 16GB RAM અને 512GB સ્ટોરેજ વેરિઅન્ટમાં ઉપલબ્ધ છે. મિસ્ટી વ્હાઇટ અને કોસ્મિક બ્લેક કલરમાં આવતા આ સ્માર્ટફોનની સિંગાપોરમાં વેચાણ તારીખ 28 ફેબ્રુઆરી છે.
ઓપ્પો ફાઈન્ડ N5 ની સ્પેસિફિકેશન્સ

ડિસ્પ્લે:

આ ફોનમાં 8.12-ઇંચની 2K LTPO AMOLED ઇનર સ્ક્રીન છે, જે 2480x2248 પિક્સલ રિઝોલ્યુશન અને 120Hz ડાયનામિક રિફ્રેશ રેટ સપોર્ટ કરે છે. આ ઉપરાંત, 6.62-ઇંચની 2K AMOLED કવર સ્ક્રીન પણ આપવામાં આવી છે, જે 120Hz રિફ્રેશ રેટ ધરાવે છે.

પ્રોસેસર અને સ્ટોરેજ:

આ ડ્યુઅલ સિમ (Nano) ફોન ક્વાલકોમ સ્નેપડ્રેગન 8 Elite ચિપસેટ પર ચાલે છે. તેમાં 16GB LPDDR5X RAM અને 512GB UFS 4.0 સ્ટોરેજ છે. હેક્સાગન NPU દ્વારા 45 ટકા વધારે AI પરફોર્મન્સ મળતી હોવાનું કંપનીનું કહેવું છે.

AI ફીચર્સ:

આ ફોનમાં AI સર્ચ , AI કોલ સમરી , ડ્યુઅલ -સ્ક્રીન ટ્રાન્સલેશન અને ઓપ્પો AI ટૂલબોક્સ જેવા ઘણા સ્માર્ટ ફીચર્સ છે. ઉપરાંત, AI કલેરિટી એન્હાન્સ , AI ઇરેઝ અને AI અનબ્લર જેવી ફોટો-એડિટિંગ ટૂલ્સ પણ ઉપલબ્ધ છે.

કેમેરા:

હાસેલબ્લાડ બ્રાન્ડેડ ટ્રિપલ રિયર કેમેરા સેટઅપ સાથે આવે છે:

• 50MP પ્રાઈમરી સેન્સર (OIS, EIS)
• 50MP પેરિસ્કોપ ટેલિફોટો (3x ઑપ્ટિકલ ઝૂમ, OIS)
• 50MP અલ્ટ્રા વાઇડ-એન્ગલ લેન્સ (116° ફીલ્ડ-ઓફ-વ્યૂ, OIS)
• 8MP સેલ્ફી કેમેરા (ઇનર અને આઉટર સ્ક્રીન પર)

બેટરી અને કનેક્ટિવિટી:

આ ફોન 5600mAh ડ્યુઅલ-સેલ બેટરી સાથે આવે છે, જે 80W SUPERVOOC વાયરડ અને 50W AIRVOOC વાયરલેસ ચાર્જિંગ સપોર્ટ કરે છે. કનેક્ટિવિટી માટે 5G, Wi-Fi 7, બ્લુટૂથ 5.3, NFC, GPS અને USB Type-C પોર્ટ જેવી સુવિધાઓ ઉપલબ્ધ છે. સાથે જ, સાઈડ-માઉન્ટેડ ફિંગરપ્રિન્ટ સેન્સર અને સ્ટેરિયો સ્પીકર્સ પણ આપવામાં આવ્યા છે.