Nothing Phone 3a Lite માં ટૂંક સમયમાં રૂપિયા 3000 સુધીનો ભાવ વધારો શક્ય

ગયા વર્ષે નવેમ્બરમાં ભારતમાં Nothing Phone 3a Lite લોન્ચ કરવામાં આવ્યો હતો , જેમાં Media Tek Dimensity 7300 Pro ચિપસેટ આપવામાં આવ્યો  હતો . આ સ્માર્ટફોન બે RAM અને સ્ટોરેજ વિકલ્પોમાં આવ્યો હતો અને તેની શરૂઆતની કિંમત રૂપિયા 20,999 હતી પણ  હવે નવી લીક મુજબ , દેશમાં આ હેન્સેટની કિંમતમાં વધારો થવાની શક્યતા છે . આ વધારાનું મુખ્ય કારણ મેમરી ચિપ્સની વધતી કિંમત માનવામાં આવી રહી છે . ફોનમાં Glyph લાઈટ  ડિઝાઈન અને 33W વાયર્ડ ફાસ્ટ ચાર્જિંગ સપોર્ટ સાથે 5,000mAh બેટરી આપવામાં આવી છે .

Nothing Phone 3a Lite કિંમતના વધારો :
ટીપસ્ટર સંજુ ચૌધરી અનુસાર , Nothing કંપની સોમવારથી  Phone 3a Liteની કિંમતમાં રૂપિયા 3,000 વધારો કરી શકે છે . 8GB RAM + 128GB સ્ટોરેજ મોડેલની કિંમત હવે રૂપિયા 24,999 સુધી જઈ શકે છે , જયારે 256GB સ્ટોરેજ વેરિઅન્ટની કિંમત રૂપિયા 26,999 સુધી પહોંચી શકે છે .

લોન્ચ સમયે આ ફોનનો બેઝ વેરિઅન્ટ રૂપિયા 20,999 અને 256GB વેરિઅન્ટ રૂપિયા 22,999માં ઉપલબ્ધ હતો . હાલમાં Flipkart પર 128GB મોડેલ માટે રૂપિયા 21,999 અને 256GB મોડેલ માટે રૂપિયા 23,999 માં ઉપલબ્ધ છે .

આ ભાવવધારા પાછળનું મુખ્ય કારણ મેમરી ચિપ્સના વધતા ખર્ચને ગણવામાં આવી રહ્યું છે . ટીપસ્ટરે એક સ્ક્રેઇનશોટ પણ શેર કર્યો છે , જેના મુજબ હાલની કિંમત માત્ર ઉપલબ્ધ સ્ટોક સુધી જ માન્ય રહેશે . નવા સ્ટોક સાથે વધારેલી કિંમત લાગુ પડશે .

સ્પેસિફિકેશન્સ :
Nothing Phone 3a Lite માં 6.77 ઇંચની ફૂલ HD +AMOLED ડિસ્પ્લે છે , જે 120Hz રિફ્રેશ રેટ અને 3000 nits પીક બ્રાઇટનેસ સપોર્ટ આપે છે . આ ફોનમાં  Media Tek Dimensity 7300 Pro પ્રોસેસર આપવામાં આવ્યો છે .

ફોટોગ્રાફી માટે આ ફોનમાં ટ્રિપલ રિયર કેમેરા સેટઅપ આપવામાં આવ્યું છે 50MP નો પ્રાઈમરી કેમેરા , 8MP નો અલ્ટ્રા વાઈડ લેન્સ અને એક ત્રીજો સેન્સર સામેલ છે .  વિડીયો કોલ અને સેલ્ફી માટે આ ફોનમાં 16MP નો ફ્રન્ટ કેમેરા આપવામાં આવ્યો છે .

આ ફોનને IP54 નું રેટિંગ મળ્યું છે જે તેને ધૂળ અને પાણીના છાંટાથી સુરક્ષા આપે છે . આ ઉપરાંત તેમાં 5,000mAh બેટરી સાથે 33W ફાસ્ટ ચાર્જિંગ સપોર્ટ પણ મળે છે  .