Nothing Phone (4a)ની કિંમતમાં થઈ શકે છે રૂપિયા 3,000નો વધારો , ખરીદી પહેલા જાણો નવી કિંમત

ભારતમાં ટૂંક સમયમાં Nothing Phone (4a) ખરીદવો મોંઘો પડી શકે છે . એક જાણીતા ટિપસ્ટરના જણાવ્યા અનુસાર , 1 ઓગસ્ટથી આ સ્માર્ટફોનના તમામ વેરિઅન્ટની કિંમતમાં વધારો થઈ શકે છે . Notingએ આ ફોનને માર્ચ મહિનામાં Phone (4a) Pro સાથે લોન્ચ કર્યો હતો . તેમાં Snapdragon 7 સિરીઝની ચિપ , નવી Glyph Bar લાઈટિંગ સિસ્ટમ અને 5,400mAhની મોટી બેટરી આપવામાં આવી છે .

X પર ટિપસ્ટર યોગેશ બ્રારે દાવો કર્યો છે કે 1 ઓગસ્ટથી Nothing Phone (4a)ની કિંમતોમાં વધારો થઈ શકે છે . તેમના જણાવ્યા પ્રમાણે , 8GB RAM + 128GB  સ્ટોરેજ વેરિઅન્ટની કિંમત રૂપિયા 42,999 થઈ શકે છે . જયારે 8GB + 256GB વેરિઅન્ટ રૂપિયા 46,999 અને 12GB + 256GB વેરિઅન્ટ રૂપિયા 49,999માં મળી શકે છે . જો આ માહિતી સાચી સાબિત થાય , તો ત્રણેય વેરિઅન્ટની કિંમતમાં રૂપિયા રૂપિયા 3,000નો વધારો થશે . તેથી જે ગ્રાહકો આ ફોન ખરીદવાનું વિચારી રહ્યા છો, તો 1 ઓગસ્ટ પહેલા ખરીદી કરીને વધારાની કિંમતથી બચી શકે છે .

ભારતમાં Nothing Phone (4a)ની લોન્ચ કિંમત 8GB + 128GB માટે 31,999 હતી .જયારે 8GB + 256GB વેરિઅન્ટ માટેની કિંમત રૂપિયા 34,999 અને 12GB + 256GB વેરિઅન્ટની કિંમત રૂપિયા 37,999  રાખવામાં આવી હતી . હાલમાં આ ત્રણેય મોડેલ અનુક્રમે રૂપિયા 39,999, 43,999 અને 46,999માં વેચાઈ રહ્યા છે . આ ફોન બ્લેક , વ્હાઈટ , બ્લુ અને પિંક એમ ચાર કલરમાં ઉપલબ્ધ છે . જોકે કંપનીએ હજુ સુધી કિંમત વધારાને લઈને કોઈ સત્તાવાર જાહેરાત કરી નથી અને કિંમતમાં વધારો કેમ થઈ રહ્યો છે તેની પણ કોઈ માહિતી બહાર પાડી નથી .

Nothing Phone (4a) માં 6.78 ઇંચની AMOLED ડિસ્પ્લે આપવામાં આવી છે , જે 120Hz રિફ્રેશ રેટ અને 4,500 nits સુધીની પીક બ્રાઇટનેસ સપોર્ટ કરે છે . ડિસ્પ્લેને Gorilla Glass 7iનું પ્રોટેક્શન પણ આપવામાં આવ્યું છે . આ સ્માર્ટફોનમાં Snapdragon 7s Gen 4 પ્રોસેસર , 12GB સુધીની RAM અને 256GB સુધીનું સ્ટોરેજ મળે છે . ફોન Android 16 આધારિત Nothing OS 4.1 પર ચાલે છે . કંપની ત્રણ વર્ષ સુધી Android અપડેટ આપવાની ખાતરી આપી છે .

ફોટોગ્રાફી માટે ફોનમાં 50MPનો મુખ્ય કેમેરા , 50MPનો પેરિસ્કોપ ટેલિફોટો કેમેરા અને 8MPનો અલ્ટ્રાવાઇડ કેમેરા આપવામાં આવ્યો છે . સેલ્ફી અને વિડીયો કોલિંગ માટે 32MPનો ફ્રન્ટ કેમેરો મળે છે . ફોનમાં 5G , Wi-Fi 6, Bluetooth 5.4, NFC , GPS અને USB Type-C જેવી કનેક્ટિવિટી સુવિધાઓ આપવામાં આવી છે . આ ઉપરાંત તેમાં 5,400mAhની બેટરી છે , જે 50W ફાસ્ટ ચાર્જિંગને સપોર્ટ કરે છે .