ટોપ 10 માં Apple અને Samsung નો દબદબો , iPhone 17 સિરીઝ આગળ 

ગયા વર્ષે સપ્ટેમ્બરમાં Apple એ ભારત સહિત વિશ્વભરમાં iPhone 17 સિરીઝ લોન્ચ કરી હતી . આ સિરીઝમાં iPhone 17, iPhone 17 Pro અને iPhone 17 Pro Max જેવા મોડેલ સામેલ હતા . આ બધા ફોનમાં પરફોર્મન્સમાં સુધારો કરવામાં આવ્યો હતો , પરંતુ ખાસ ધ્યાન તો સ્ટાન્ડર્ડ iPhone 17 પર આપ્યું હતું . તેમાં હાઈ રિફ્રેશ રેટ ડિસ્પ્લે , ડયુઅલ 48MP કેમેરા અને Pro મોડલ જેવી સેલ્ફી કેમેરા જેવી સુવિધાઓ આપવામાં આવી હતી . iPhone 17 Pro Max અને iPhone 17 Pro બીજા અને ત્રીજા નંબરે વેચાતા ફોન રહ્યા

લોન્ચ થયા પછીના  થોડા મહિનોમાં એક રિપોર્ટમાં ખુલાસો થયો છે કે iPhone 17 2026 ના પહેલા ક્વાર્ટર (Q1) માં વિશ્વનો સૌથી વધુ વેચાતો સ્માર્ટફોન બન્યો  હતો . Counterpoint Research ના રિપોર્ટ મુજબ , આ ફોનને લગભગ 6% ગ્લોબલ માર્કેટ શેર મળ્યો હતો .

iPhone 17 પછી iPhone 17 Pro Max અને iPhone 17 Pro બીજા અને ત્રીજા નંબરે રહ્યા હતા . એટલે કે ટોપ 3માં ત્રણેય iPhone મોડેલ્સ રહ્યા . આ સિવાય  iPhone 16 પણ છઠ્ઠા સ્થાને રહ્યો , એટલે ટોપ 10 માં કુલ ચાર iPhone  મોડેલ સામેલ થયા .

બીજી તરફ Samsung એ પણ ટોપ 10માં  પોતાની મજબૂત હાજરી નોંધાવી . કંપનીના પાંચ ફોન આ લિસ્ટમાં હતા . જેમાં મુખત્વે બજેટ અને મિડ રેન્જ મોડેલ્સ  સામેલ હતા . Samsung Galaxy A07 4G ત્રીજા સ્થાને રહ્યો , જયારે Samsung Galaxy A17 5G તેની પાછળ રહ્યો .

આ ઉપરાંત Samsung Galaxy A56 , Samsung Galaxy A36 અને Samsung Galaxy A17 4G પણ સાતમા , આઠમા અને નવમા સ્થાને રહ્યા . ફ્લેગશિપ  સેગમેન્ટમાં Samsung Galaxy S26 Ultra ટોપ 10 માં આવવાથી થોડું ચૂકી ગયો , પરંતુ તેની શરૂઆતનું વેચાણ સારું રહ્યું છે 

આ લિસ્ટમાં Redmi A5 પણ સામેલ હતો , જે દસમો સૌથી વધુ વેચાતો ફોન રહ્યો છે . આ સૌથી સસ્તા મોડલ તરીકે આવ્યું તેથી નવા બજારોમાં તેની માંગ સતત  વધી રહી છે .

સરળ ભાષામાં કહીએ તો , 2026ના શરૂઆતના મહિનાઓમાં iPhone 17 સિરીઝ માર્કેટમાં ધમાકેદાર પ્રદર્શન કર્યું . જયારે Samsung એ બજેટ સેગમેન્ટમાં  પોતાની મજબૂત પકડ જાળવી રાખી  .