ફ્લેગશિપ OnePlus 11 5G હવે ઓછી કિંમતે , ફ્લિપકાર્ટ પર ખાસ ઓફર શરૂ

OnePlusના ફ્લેગશિપ સ્માર્ટફોન OnePlus 11 5G  પર હાલમાં જબરદસ્ત ડિસ્કાઉન્ટ ઓફર મળી રહી  છે,  જે પ્રીમિયમ સ્માર્ટફોન ખરીદવા ઇચ્છતા ગ્રાહકો  માટે સારો  અવસર બની શકે છે . કંપનીએ આ ડિવાઈસને ફેબ્રુઆરી 2023માં લોન્ચ કર્યો હતો અને તેની સત્તાવાર કિંમત રૂપિયા 56,999 રાખવામાં આવી હતી . જોકે , હવે આ સ્માર્ટફોન Flipkart પર ભારે ડિસ્કાઉન્ટ સાથે ઉપલબ્ધ છે . શક્તિશાળી Snapdragon 8 Gen 2 પ્રોસેસર , 100W ફાસ્ટ ચાર્જિંગ સપોર્ટ , 5000mAh બેટરી અને ટ્રિપલ રિયર કેમેરા જેવા ફીચર્સ સાથે આવતો આ ફોન હજુ પણ પ્રીમિયમ સેગમેન્ટમાં મજબૂત વિકલ્પ માનવામાં આવે છે .

OnePlus 11 5G પર ખાસ ડિસ્કાઉન્ટ :

Flipkart પર OnePlus 11 5G ને 35 ટકા સુધીના ડિસ્કાઉન્ટ સાથે લિસ્ટ કરવામાં આવ્યો છે . ઓફર બાદ ફોનની કિંમત રૂપિયા 38,948 થઈ જાય છે . એટલે કે ગ્રાહકોને તેની મૂળ  કિંમતની સરખામણીએ લગભગ રૂપિયા 18,000નું સીધું ડિસ્કાઉન્ટ મળે છે . આ કિંમત પર ફોન   ખરીદનારાઓને ફ્લેગશિપ લેવલની ઘણી  સુવિધાઓનો લાભ મળી શકે છે , જે સામાન્ય રીતે વધુ કિંમતના સ્માર્ટફોન્સમાં જોવા મળે છે .

બેંક ઓફરથી વધારાની બચત :

ડિસ્કાઉન્ટ ઉપરાંત પસંદગીની બેંક ઓફરનો પણ લાભ મળી શકે છે . Flipkart Axis Bank કાર્ડ દ્રારા ખરીદી કરનાર ગ્રાહકોને રૂપિયા 1,948 સુધીનું વધારાનું  ડિસ્કાઉન્ટ આપવામાં આવે છે . આ ઓફર લાગુ કર્યા પછી ફોનની અસરકારક કિંમત લગભગ રૂપિયા 37,000 સુધી પહોંચી શકે છે . આમ કુલ બચત  રૂપિયા 22,000ની આસપાસ થઈ શકે છે , જે આ ડીલને વધુ આકર્ષક બનાવે છે .

ડિસ્પ્લે અને પરફોર્મન્સ :

OnePlus 11 5Gમાં 6.7 ઇંચની Quad HD + કર્વ્ડ AMOLED ડિસ્પ્લે આપવામાં આવી છે . આ ડિસ્પ્લે 3216 x 1440 પિક્સલ રિઝોલ્યુશન અને 120Hz રિફ્રેશ રેટ સાથે આવે છે , જે સ્મૂથ સ્ક્રોલિંગ અને વિઝ્યુઅલ અનુભવ આપે છે . ફોનમાં Qualcomm Snapdragon 8 Gen 2 ચિપસેટ આપવામાં આવ્યો છે .

કેમેરા અને બેટરી :

ફોટોગ્રાફી માટે ફોનમાં 50MP નો મુખ્ય કેમેરા , 48MP નો અલ્ટ્રા - વાઈડ લેન્સ અને 32MPનો ટેલિફોટો કેમેરા આપવામાં આવ્યો છે . જયારે સેલ્ફી અને વિડીયો  કોલિંગ માટે 16MPનો ફ્રન્ટ કેમેરા ઉપલબ્ધ છે . પાવર માટે 5000mAh બેટરી આપવામાં આવી છે , જે 100W SuperVOOC ફાસ્ટ ચાર્જિંગને સપોર્ટ કરે છે . આ ઉપરાંત , સુરક્ષા માટે ઈન - ડિસ્પ્લે ફિંગરપ્રિન્ટ સેન્સર પણ આપવામાં આવ્યું છે .