OnePlus N6માં મળશે 120Hz ડિસ્પ્લે અને AI ફીચર્સ , કિફાયતી કિંમતે થઈ શકે લોન્ચ

સ્માર્ટફોન બનાવતી કંપની OnePlusએ તાજેતરમાં ભારતમાં તેની નવી OnePlus N6 સિરીઝ રજૂ કરી છે . હવે આ સીરીઝનો બીજો સ્માર્ટફોન OnePlus N6x આવતીકાલે એટલે કે 31 જુલાઈએ લોન્ચ થશે . કંપનીના જણાવ્યા મુજબ , આ ફોનમાં 120Hz રિફ્રેશ રેટવાળી ફ્લેટ ડિસ્પ્લે મળશે . સાથે જ તેમાં AI આધારિત કેટલાક નવા ફીચર્સ પણ આપવામાં આવી શકે છે .

Amazon પર OnePlus N6x માટે માઈક્રોસાઇટ લાઈવ થઈ ગઈ છે , જેનાથી તેની કેટલીક વિગતો સામે આવી છે . આ સ્માર્ટફોનનું વેચાણ 4 ઓગસ્ટથી શરૂ થશે . તે Ice Blue અને Burgundy Red એમ બે કલરમાં ઉપલબ્ધ થશે . ફોનમાં ડયુઅલ રિયર કેમેરા સેટઅપ અને તેની સાથે LED ફ્લેશ મળશે . પાછળની બાજુ ટેક્સચરવાળી ફ્લેટ ડિઝાઈન આપવામાં આવી છે અને વચ્ચે OnePlusનું લોગો છે . પાવર અને  વોલ્યુમ બટન જમણી બાજુ આપવામાં આવ્યા છે . તેની ડિઝાઈન OnePlus Nord CE 6 જેવી દેખાય છે .

OnePlus N6xમાં 7,000mAhની મોટી બેટરી મળશે  . કંપનીનો દાવો છે કે એકવાર ચાર્જ કર્યા પછી બેટરી લગભગ અઢી દિવસ સુધી ચાલી શકે છે . આ ઉપરાંત એક ચાર્જમાં 20 કલાકથી વધુ વિડીયો જોઈ શકાશે , 133 કલાકથી વધુ મ્યુઝિક સાંભળી શકાશે , 25 કલાકથી વધુ સોશિયલ મીડિયા વાપરી શકાશે અને 11 કલાકથી વધુ વિડીયો રેકોર્ડિંગ કરી શકાશે . આ સ્માર્ટફોનની કિંમત પણ કિફાયતી રહેવાની શક્યતા છે .

ગયા મહિને લોન્ચ થયેલા OnePlus N6ના 4GB RAM + 128GB સ્ટોરેજ વેરિઅન્ટની કિંમત રૂપિયા 22,999 છે , જયારે 6GB RAM + 128GB સ્ટોરેજ વેરિઅન્ટની કિંમત રૂપિયા 24,999 છે . આ ફોન Fresh Mint અને Midnight Black કલરમાં ઉપલબ્ધ છે . તેમાં 6.75 ઇંચની HD+LCD ડિસ્પ્લે છે , જે 120Hz રિફ્રેશ રેટ અને 1,200 nits ની પીક બ્રાઇટનેસ આપે છે . ફોન Android 16 આધારિત OxygenOS 16 પર ચાલે છે . તેમાં 50 મેગાપિક્સલનો રિયર કેમેરા છે , જે 10x ડિજિટલ ઝૂમને સપોર્ટ કરે છે , જયારે સેલ્ફી અને વિડીયો કોલ માટે 8 મેગાપિક્સલનો ફ્રન્ટ કેમેરા આપવામાં આવ્યો છે . OnePlus N6માં 8,000mAhની બેટરી છે , જે 45W ફાસ્ટ ચાર્જિંગ અને 5W રિવર્સ વાયર્ડ ચાર્જિંગને સપોર્ટ કરે છે .