OnePlus Nord CE 6 સિરીઝ : 144Hz ડિસ્પ્લે અને 8000mAh બેટરી સાથે

Nord CE 6 અને Nord CE 6 Lite વેચાણ માટે એમેઝોન પર ઉપલબ્ધ રહેશે

Written by Gadgets 360 Staff અપડેટ કર્યું: 20 એપ્રિલ 2026 18:53 IST

OnePlus Nord CE 6 સિરીઝ : 144Hz ડિસ્પ્લે અને 8000mAh બેટરી સાથે

Photo Credit: Amazon/ OnePlus

OnePlus એ Nord CE 6 ને ત્રણ કલર વિકલ્પોમાં ઉપલબ્ધ કરાવવાની જાહેરાત કરી છે .

હાઇલાઇટ્સ

ભારતમાં 7 મેના રોજ બપોરે 12 વાગ્યે લોન્ચ થશે
Snapdragon 7s Gen 4 ચિપસેટ આપવામાં આવશે
એક ચાર્જ પર આ ફોન 2.5 દિવસથી વધુ ચાલે

જાહેરાત

OnePlus એ સોમવારે તેના નવા આવનારા સ્માર્ટફોન OnePlus Nord CE 6 અને Nord CE 6 Lite ની ભારત માટેની લોન્ચ તારીખ સત્તાવાર રીતે જાહેર કરી છે . કંપનીના નવા મિડ - રેન્જ પોર્ટફોલિયોમાં આ બંને હેન્ડસેટને એડ કરવામાં આવ્યો છે , જેમાં પહેલેથી જ રજૂ થયેલ OnePlus Nord 6 સામેલ છે . લોન્ચ પહેલા જ OnePlus દ્રારા Nord CE 6 ના કેટલાક મુખ્ય ફીચર્સનો ખુલાસો કરવામાં આવ્યો છે , જેના કારણે યુઝર્સમાં ઉત્સુકતા વધી છે . કિંમત , ઉપલબ્ધતા અને લોન્ચ ઓફર્સ અંગેની સંપૂર્ણ માહિતી 7 મેના રોજ લોન્ચ ઇવેન્ટમાં જાહેર થશે .

OnePlus Nord CE 6 અને Nord CE 6 Lite ભારતમાં લોન્ચ તારીખ

કંપની અનુસાર OnePlus Nord CE 6 અને Nord CE 6 Lite ભારતમાં 7 મેના રોજ બપોરે 12 વાગ્યે લોન્ચ થશે . Nord CE 6 ત્રણ નવા કલર વિકલ્પો ફ્રેશ બ્લુ , લુનર પર્લ અને પીચ બ્લેકમાં ઉપલબ્ધ રહેશે . બીજી તરફ Nord CE 6 Lite વિવિડ મિન્ટ અને હાઇપર બ્લેક કલર ઓપ્શનમાં આવશે . આની ખાસ વાત એ છે કે લાઈટ વેરિઅન્ટ લગભગ બે વર્ષ બાદ ફરી રજૂ થઈ રહ્યો છે અને તે જૂન 2024માં લોન્ચ થયેલ Nord CE 4 Lite નો અપગ્રેડ ગણાય છે .

OnePlus Nord CE 6 અને Nord CE 6 Lite સ્પેસિફિકેશન્સ

ફીચર્સની વાત કરીએ તો , OnePlus Nord CE 6 માં Snapdragon 7s Gen 4 ચિપસેટ આપવામાં આવશે , જે સ્મૂથ અને ઝડપી પરફોર્મન્સ માટે સારો છે . સાથે જ તેમાં એક ટચ રિફ્લેક્સ ચિપ પણ મળશે , જે ડયુઅલ ચિપ આર્કિટેક્ચર દ્રારા રિસ્પોન્સ ટાઈમ અને યુઝર અનુભવને વધુ સુધારે છે . ગેમિંગ માટે , આ સ્માર્ટફોન 3200Hz ટચ સેમ્પલિંગ રેટ અને 144fps સુધી સપોર્ટ આપે છે , જે હાઈ એન્ડ ગેમિંગ માટે મદદરૂપ છે . તેમાં 6 એક્સિસ ગાયરોસ્કોપ અને મોટી વેપર ચેમ્બર કુલિંગ સિસ્ટમ પણ છે , જે લાંબા સમય સુધી ગેમિંગ દરમિયાન ડિવાઈસને ઠંડુ રાખે છે .

ડિસ્પ્લેની વાત કરીએ તો Nord CE 6 6.78 ઇંચની 1.5K રિઝોલ્યુશન સાથેની સ્ક્રીન અને 144Hz રિફ્રેશ રેટ સાથે આવશે , જે સ્મૂથ સ્ક્રોલિંગ અને વિઝ્યુઅલ અનુભવ આપે છે . આ ફોનમાં બેટરી પણ મોટી આપવામાં આવે છે . આ ફોનમાં 8,000mAhની બેટરી મળશે , જે 80W SuperVOOC ફાસ્ટ ચાર્જિંગને સપોર્ટ કરે છે . કંપની દાવો કરે છે કે એક ચાર્જ પર આ ફોન 2.5 દિવસથી વધુ ચાલે છે અને તેમાં બાયપાસ ચાર્જિંગ અને 27W રિવર્સ ચાર્જિંગ જેવી સુવિધાઓ પણ ઉપલબ્ધ રહેશે .

OnePlus Nord CE 6 ને MIL - STD -810H સર્ટિફિકેશન અને IP66 , IP68 , IP69 તથા IP69K જેવી મજબૂત રેટિંગ પણ આપવામાં આવી છે . જે તેને પાણી અને ધૂળ સામે વધુ સુરક્ષિત બનાવે છે . આ ફોન માટેની બાકીની માહિતી જેમ કે કિંમત , ઉપલબ્ધતા અને લોન્ચ ઓફર્સ અંગેની સંપૂર્ણ માહિતી 7 મેના રોજ લોન્ચ ઇવેન્ટમાં જાહેર થશે ,