OnePlus Nord CE 6 અને CE 6 Lite લીક્સ સાથે સ્પેક્સ અને કિંમત સામે આવી

OnePlus તેની લોકપ્રિય Nord સિરીઝને આગળ વધારતા ટૂંક સમયમાં OnePlus Nord 6 ભારતમાં લોન્ચ કરવાની તૈયારીમાં છે . ગયા વર્ષે Nord  5 પછી આવતો  આ સ્માર્ટફોન આવતા મહિનાની શરૂઆતમાં આવી શકે છે . કંપનીએ હજુ સુધી કોઈ પણ સત્તાવાર જાહેરાત કરી નથી , પરંતુ નવી લીક્સ અને રિપોર્ટ્સ  અનુસાર Nord 6 સાથે વધુ બે મોડલ્સ પણ લોન્ચ થવાની શક્યતા છે , જે મિડ - રેન્જ સેગમેન્ટમાં મોટી અને મજબૂત સ્પર્ધા ઊભી કરી શકે છે . જોકે ,કંપનીએ હજુ સુધી કોઈ પણ સત્તાવાર જાહેરાત કરી નથી , એટલે માહિતી બદલાઈ પણ શકે છે .

 OnePlus Nord CE 6 અને CE 6 Lite લીક્સ

ટિપસ્ટર મુજબ , કંપની OnePlus Nord  CE 6 અને  OnePlus Nord  CE 6  Lite  પણ ભારતમાં લોન્ચ કરવાની યોજના બનાવી રહી છે .આ બંને હેન્ડસેટ મે મહિનામાં ડેબ્યુ કરી શકે છે . ખાસ કરીને CE Lite મોડેલ માટે આ સિરીઝનું પાછું આગમન ગણાશે , કારણ કે છેલ્લે OnePlus Nord CE 4 Lite 5G જૂન 2024માં લોન્ચ થયું હતું .Nord  CE 6 ની લીક થયેલી હેન્ડ્સ ઓન ઇમેજ મુજબ , ફોનમાં ફ્લેટ રિયર પેનલ અને સિમ્પલ ડિઝાઇન જોવા મળે છે . પાછળના ભાગમાં ચોરસ કેમેરા મોડયુલ છે જેમાં  બે લેન્સ અને LED ફ્લેશ છે . ફોનના બટન લેઆઉટ પણ ક્લીન અને મિનિમલ દેખાય છે , જે OnePlus ની સિમ્પલ ડિઝાઇનને દર્શાવે છે .

સ્પેસિફિકેશન્સ :

OnePlus Nord  CE 6  Lite  માટેના લીક્સ મુજબ , તેમાં 6.7 ઇંચની LCD ડિસ્પ્લે સાથે 120Hz રિફ્રેશ રેટ મળશે . પર્ફોર્મન્સ માટે તેમાં Media Tek Dimensity 6300 ચિપસેટ હોઈ શકે છે . ફોનમાં 7,000mAh જેવી મોટી બેટરી આપવાની શક્યતા છે , જે લાંબી બેટરી લાઈફ આપશે .

વાત કરીએ કેમેરાની તો આ ફોનનું કેમેરામાં 50MP મુખ્ય સેન્સર સાથે ડયુઅલ રિયર કેમેરા સેટઅપ મળશે , જયારે ફ્રન્ટમાં  16MP સેલ્ફી કેમેરા આપવામાં આવ્યું છે . સોફ્ટવેરની વાત કરીએ તો , ફોન Android 16 આધારિત OxygenOS 16 પર ચાલશે . સાથે જ સાઈડ માઉન્ટેડ ફિંગરપ્રિન્ટ સેન્સર પણ આપવામાં  આવશે .

કિંમત અને ઉપલબ્ધતા :
નવા લીક્સ મુજબ , OnePlus Nord  CE 6  Lite ની શરૂઆતની કિંમત ભારતમાં લગભગ 23,000 રૂપિયા હોઈ શકે જે 6GB +128GB વેરિઅન્ટ માટે હોઈ શકે . બેંક ઓફર્સ અને કેશબેક સાથે આ ફોનની કિંમત રૂપિયા 20,000 સુધી થઈ શકે છે .