120Hz ડિસ્પ્લે અને 6500mAh બેટરી સાથે Oppo A6c ની એન્ટ્રીની તૈયારી

Oppo ટૂંક સમયમાં ભારતમાં તેના બજેટ સ્માર્ટફોન પોર્ટફોલિયોને વધારવા માટે નવો Oppo A6c  લોન્ચ કરી શકે છે . આ સ્માર્ટફોન પહેલેથી જ કેટલાક   વૈશ્વિક  બજારોમાં રજૂ થઈ ચુક્યો છે અને હવે ભારતીય બજારોમાં એન્ટ્રી કરવાની તૈયારીમાં હોવાનું કહેવાય છે . કંપનીએ હજી સુધી સત્તાવાર જાહેરાત  કરી નથી , પરંતુ તાજેતરના અહેવાલોમાં તેની સંભવિત કિંમત , ઉપલબ્ધતા અને ફીચર્સ વિશે માહિતી સામે આવી છે . નવા હેન્ડસેટને ખાસ કરીને બજેટ સેગમેન્ટના  ગ્રાહકોને ધ્યાનમાં રાખીને લાવવામાં આવી રહ્યું છે .  Oppo A6c માં 13 મેગાપિક્સલનો રિયર કેમેરા અને 5 - મેગાપિક્સલનો ફ્રન્ટ કેમેરો મળી શકે છે , ફોનનો બેઝ વેરિઅન્ટ 4GB RAM  અને 64GB સ્ટોરેજ સાથે લગભગ રૂપિયા 13,999 ની કિંમતમાં આવી શકે છે .

Oppo A6c ભારતમાં કિંમત :

નવા અહેવાલો મુજબ , Oppo A6c  ભારતમાં આ અઠવાડિયાના શરૂઆતમાં લોન્ચ થઈ શકે છે . 91Mobiles ના રિપોર્ટ અનુસાર , ફોનનો બેઝ વેરિઅન્ટ 4GB RAM  અને 64GB સ્ટોરેજ સાથે લગભગ રૂપિયા 13,999 ની કિંમતમાં આવી શકે છે . આ ઉપરાંત 4GB RAM અને 128GB સ્ટોરેજ ધરાવતો અન્ય મોડેલ  પણ રજૂ થઈ શકે છે , જેની સંભવિત કિંમત રૂપિયા 16,999 હોઈ શકે .

કંપની શરૂઆતમાં આ સ્માર્ટફોનને ઓફલાઈન રિટેલ સ્ટોર્સ દ્રારા વેચાણ માટે ઉપલબ્ધ કરાવી શકે છે . Oppo પહેલા પણ પોતાના ઘણા બજેટ સ્માર્ટફોન્સ  માટે ઓફલાઈન  વ્યૂહરચના અપનાવી છે . તેથી A6c માટે પણ સમાન રીત અપનાવવાની શક્યતા છે .
 

Oppo A6c ફીચર્સ :

ફીચર્સની વાત કરીએ તો , ભારતીય વેરિઅન્ટમાં વૈશ્વિક મોડેલ જેવા જ સ્પેસિફિકેશન્સ મળવાની અપેક્ષા છે . આ સ્માર્ટફોનમાં 6.75 ઈંચનું HD + LCD ડિસ્પ્લે મળી શકે છે , જે 120Hz રિફ્રેશ રેટ , 240Hz ટચ સેમ્પલિંગ રેટ અને 1,125 nits સુધીની પીક બ્રાઇટનેસ સપોર્ટ કરશે . આ ફોનમાં Snapdragon 685 પ્રોસેસર આપવામાં આવી શકે છે અને તે Android  15 આધારિત ColorOS 15 પર ચાલશે .

ચાઈનીઝ મોડેલમાં 6500mAh બેટરી અને 6GB LPDDR4X  RAM સાથે 128GB UFS 2.2 સ્ટોરેજ આપવામાં આવ્યું છે , પરંતુ ભારતીય બજારમાં 6GB RAM  વેરિઅન્ટ મળશે નહીં .

ફોટોગ્રાફી માટે , Oppo A6c માં 13 મેગાપિક્સલનો રિયર કેમેરા અને 5 - મેગાપિક્સલનો ફ્રન્ટ કેમેરો મળી શકે છે . બંને કેમેરા 1080p વિડીયો રેકોર્ડિંગને 30fps પર સપોર્ટ કરશે .

કનેક્ટિવિટી માટે આ ફોનમાં ડયુઅલ Nano SIM , 4G LTE , Wi - Fi 5, બ્લૂટૂથ , GPS , USB Type -C અને OTG સપોર્ટ આપવામાં આવી શકે છે .

સુરક્ષા માટે સાઈડ - માઉન્ટેડ ફિંગરપ્રિન્ટ સેન્સર અને ફેસ અનલોક જેવી સુવિધાઓ પણ મળશે . સાથે જ ડિવાઇસને ધૂળ અને પાણીના છાંટાથી  સુરક્ષા માટે IP64 રેટિંગ પણ આપવામાં આવી શકે છે .