Hasselblad કેમેરા અને Snapdragon 8 Elite Gen 5 સાથે આવ્યા Oppo Find X9 સિરીઝ સ્માર્ટફોન

Oppo Find X9 Ultra અને Oppo Find X9s હવે ભારતમાં ખરીદી માટે ઉપલબ્ધ થઈ ગયા છે . ગયા અઠવાડિયે લોન્ચ થયેલી Oppo Find X9 સિરીઝને ગ્રાહકો  તરફથી સારો અભિપ્રાય મળતા કંપનીએ તેનું વેચાણ નક્કી કરેલી તારીખ કરતા વહેલું શરૂ કર્યું છે . આ સ્માર્ટફોન 28 મેથી વેચાણ માટે ઉપલબ્ધ થવાના  હતા , પરંતુ હવે તે 26 મેથી જ Oppo India ની વેબસાઈટ , Amazon , Flipkart અને ઓફલાઈન રિટેલ સ્ટોર્સ મારફતે ખરીદી શકાય છે . આ બંને સ્માર્ટફોન  Hasselblad ટ્યુન્ડ કેમેરા અને Android 16 આધારિત ColorOS 16 સાથે આવે છે .

Oppo Find X9 Ultra અને Oppo Find X9s ભારતમાં કિંમત અને ઉપલબ્ધતા :

ભારતમાં Oppo Find X9 Ultra ની કિંમત 12GB RAM અને 512GB સ્ટોરેજ વેરિઅન્ટ માટે રૂપિયા 1,69,999 રાખવામાં આવી છે . આ ફોન Tundra Amber અને Canyon Orange કલરમાં ઉપલબ્ધ છે . બીજી તરફ Oppo Find X9s ના 12GB + 256GB મોડેલની કિંમત રૂપિયા 79,999 અને 12GB + 512GB મોડેલની કિંમત રૂપિયા 89,999 છે . આ હેન્ડસેટ Lavender Sky , Midnight Grey અને Sunset Orange કલર વિકલ્પોમાં ઉપલબ્ધ છે .

કંપની SBI , HDFC સહિત પસંદગીના બેંક કાર્ડ અને UPI ટ્રાન્ઝેક્શન પર 10 ટકા સુધીનું ઇન્સ્ટન્ટ કેશબેક આપી રહી છે . સાથે જ ગ્રાહકોને નવ મહિના સુધી  નો - કોસ્ટ EMI વિકલ્પ પણ મળશે . Oppo Find X9 સિરીઝ સાથે 180 દિવસની હાર્ડવેર રિપ્લેસમેન્ટ સુવિધા આપવામાં આવી છે . 

Oppo Find X9 Ultra અને Oppo Find X9s ફીચર્સ અને સ્પેસિફિકેશન્સ :

સ્પેસિફિકેશન્સની વાત કરીએ તો Oppo Find X9 Ultra માં 6.82 ઇંચ QHD + AMOLED ડિસ્પ્લે છે , જે 120Hz રિફ્રેશ રેટ અને Gorilla Glass Victus 2 પ્રોટેકશન  સાથે આવે છે . બીજી તરફ Oppo Find X9s માં 6.59 ઇંચ FULL - HD + AMOLED ડિસ્પ્લે આપવામાં આવી છે , જે 120Hz રિફ્રેશ રેટ અને Gorilla  Glass 7i પ્રોટેક્શન ધરાવે છે . બંને ફોનને IP66, IP68 અને IP69 રેટિંગ સાથે ધૂળ અને પાણીથી રક્ષણ આપે છે .

વાત કરીએ કેમેરા વિભાગની તો Oppo Find X9 Ultraમાં 200 - મેગાપિક્સલનો Sony LYT - 901 પ્રાઈમરી સેન્સર , 50 - મેગાપિક્સલ  અલ્ટ્રાવાઈડ  લેન્સ , 200 મેગાપિક્સલ અલ્ટ્રા ટેલિફોટો લેન્સ અને 50- મેગાપિક્સલ અલ્ટ્રા - ટેલિફોટો કેમેરા  આપવામાં આવ્યો છે . સેલ્ફી માટે 50 મેગાપિક્સલનો ફ્રન્ટ કેમેરા છે . Oppo Find X9s 50 મેગાપિક્સલ પ્રાઈમરી કેમેરા ,50 મેગાપિક્સલ  અલ્ટ્રાવાઈડ અને 50 મેગાપિક્સલ  પેરિસ્કોપ લેન્સ આપવામાં આવ્યા છે , જયારે ફ્રન્ટમાં  32 મેગાપિક્સલ સેલ્ફી કેમેરા છે .

બેટરીની વાત કરીએ તો Oppo Find X9 Ultra માં 7,050mAh બેટરી આપવામાં આવી છે , જે 100W વાયર્ડ અને 50W વાયરલેસ ફાસ્ટ ચાર્જિંગ સપોર્ટ કરે છે  .  જયારે Oppo Find X9s માં 7,025mAh બેટરી અને 80W વાયર્ડ ફાસ્ટ ચાર્જિંગ સપોર્ટ આપવામાં આવ્યો છે .