8,000mAh બેટરીવાળો Poco M8 Power 5G થયો સસ્તો , મળશે રૂપિયા 3000 સુધીનું ડિસ્કાઉન્ટ

ભારતમાં  Poco M8 Power 5Gનું વેચાણ આજથી શરૂ થઈ ગયું છે . ફોનની સૌથી મોટી ખાસિયત તેની 8,000mAhની સિલિકોન - કાર્બન બેટરી છે . આ ઉપરાંત , તેમાં 120Hz AMOLED ડિસ્પ્લે અને Qualcomm Snapdragon પ્રોસેસર આપવામાં આવ્યું છે . ફોનનું વેચાણ શરૂ થતાની સાથે જ કંપનીએ તેના પર ડિસ્કાઉન્ટ ઓફર પણ રજૂ કરી છે .

ભારતમાં  Poco M8 Power 5Gની કિંમત : 

 Poco M8 Power 5G બે વેરિઅન્ટમાં ઉપલબ્ધ છે . તેના 6GB RAM અને 128GB સ્ટોરેજ વેરિઅન્ટની લોન્ચ કિંમત રૂપિયા 24,999 હતી . હાલમાં તેના પર રૂપિયા 3,000નું ડિસ્કાઉન્ટ મળી રહ્યું છે , જેથી ફોન રૂપિયા 21,999માં ખરીદી શકાય છે .

તેવી જ રીતે , 8GB RAM અને 128GB સ્ટોરેજ વેરિઅન્ટની કિંમત રૂપિયા 27,999 છે . ડિસ્કાઉન્ટ બાદ આ વેરિઅન્ટ રૂપિયા 24,999માં ખરીદી શકાય છે .

 Poco M8 Power 5G પર ડિસ્કાઉન્ટ ઓફર :

 Poco M8 Power 5G પર કુલ રૂપિયા 3,000 સુધીનું ડિસ્કાઉન્ટ મેળવી શકાય છે . HDFC , ICICI , SBI અને Bank of Barodaના ક્રેડિટ કાર્ડથી ખરીદી કરવા પર રૂપિયા 2,000નું ડિસ્કાઉન્ટ મળશે . આ ઉપરાંત , રૂપિયા 1,000ના કુપનનો લાભ પણ લઈ શકાય છે .

આ ફોન Flipkart પર વેચાણ માટે ઉપલબ્ધ છે . ગ્રાહકો તેને Blaze Orange , Black અને Green કલરમાં ખરીદી શકે છે .

 Poco M8 Power 5G ના ફીચર્સ :

 Poco M8 Power 5Gમાં 6.9 ઇંચની FHD+ AMOLED ડિસ્પ્લે આપવામાં આવી છે . આ સ્ક્રીન 120Hz રિફ્રેશ રેટ અને 1800 nitsની પીક બ્રાઇટનેસ સપોર્ટ કરે છે . તેમાં Sunlight Display , TUV Eye Protection અને Wet Touch 2.0 જેવી સુવિધાઓ પણ છે . ફોનમાં ઈન -ડિસ્પ્લે ફિંગરપ્રિન્ટ સેન્સર અને Corning Gorilla Glass 7iનું પ્રોટેક્શન મળે છે .

ફોનમાં 4nm ટેક્નોલોજી પર આધારિત Qualcomm Snapdragon 4 Gen 4  ચિપસેટ આપવામાં આવ્યું છે . તેમાં 8GB સુધીની LPDDR4X 
RAM , 8GB સુધીની વર્ચ્યુઅલ RAM અને 128GB UFS 2.2 સ્ટોરેજ મળે છે .

કેમેરાની વાત કરીએ તો ફોનમાં 50MPનો AI ડયુઅલ રિયર કેમેરા સેટઅપ છે . સેલ્ફી અને વિડીયો કોલિંગ માટે 8MPનો ફ્રન્ટ કેમેરા આપવામાં આવ્યો છે . તેમાં Video Beauty , Fill Light અને Teleprompter જેવી સુવિધાઓ પણ મળે છે .

ફોનની સૌથી મોટી ખાસિયત તેની 8,000mAhની સિલિકોન-કાર્બન બેટરી છે . આ બેટરી 45W ફાસ્ટ ચાર્જિંગને સપોર્ટ કરે છે અને બોક્સમાં 45Wનું ચાર્જર પણ આપવામાં આવે છે . આ ઉપરાંત ફોનમાં 22.5W વાયર્ડ રિવર્સ ચાર્જિંગ પણ મળે છે . એટલે કે જરૂર પડે ત્યારે આ ફોનનો ઉપયોગ અન્ય ડિવાઇસને ચાર્જ કરવા માટે પાવર બેંક તરીકે પણ કરી શકાય છે .