Poco X8 Pro Max , X8 Pro 5G આવ્યા ભારતમાં :શક્તિશાળી બેટરી, 100W ફાસ્ટ ચાર્જિંગ

મંગળવારે Xiaomiની સબ - બ્રાન્ડ Poco એ ભારતમાં તેની નવી Poco X8 Pro Max 5G , Poco X8 Pro 5G અને Poco X8 Pro Iron Man Edition લોન્ચ કરી છે . નવા  Poco X સિરીઝના સ્માર્ટફોન દેશના ઈ-કોમર્સ પ્લેટફોર્મ પર વેચાણ માટે ઉપલબ્ધ કરાયો છે . આ બંને મોડેલમાં 50 મેગાપિક્સલનો પ્રાથમિક કેમેરા સાથે ડયુઅલ રિયર કેમેરા સેટઅપ પણ આપવામાં આવશે . આ ફોનને  100W ફાસ્ટ ચાર્જિંગ સપોર્ટ આપવામાં આવ્યો છે . Pro મોડેલમાં 6,500mAh બેટરી  આપવામાં આવી છે , જયારે Pro Max વર્ઝનમાં મોટી 9,000mAh  બેટરી  આપવામાં આવી છે . Pro Max વેરિઅન્ટ Media Tek Dimensity 9000  ચિપસેટ સાથે આવે  છે .

Poco X8 Pro 5G કિંમત અને ઉપલબ્ધતા :
ભારતમાં  Poco X8 Pro  5G ની શરૂઆતની કિંમત 8GB +256GB વેરિઅન્ટ માટે રૂપિયા 32,999 રાખવામાં આવી છે , જયારે 12GB +256GB મોડેલની કિંમત રૂપિયા 35,999 હશે .  આની સાથે Iron Man Edition (12GB +256GB) ની કિંમત રૂપિયા 37,999 છે . આના બીજા મોડેલ Poco X8 Pro Max 5Gનો 12GB +256GB મોડેલ રૂપિયા 42,999 થી શરૂ થાય છે જયારે 12GB +512GB વેરિઅન્ટ રૂપિયા 42,999થી શરૂ થાય છે . કંપની HDFC, ICICI અને SBI ના ક્રેડિટ કાર્ડ્સ પર રૂપિયા 3,000 સુધીનું બેંક ડિસ્કાઉન્ટ તો મળશે જ .

આ ફોન 23 માર્ચે બપોરે 12 વાગ્યાથી Flipkart પર વેચાણ માટે ઉપલબ્ધ કરાશે . Poco X8 Pro 5G કાળો , લીલો અને સફેદ કલરમાં મળી રહેશે , જયારે Pro Max મોડેલ કાળો , વાદળી અને સફેદ કલરમાં મળી રહેશે .

સ્પેસિફિકેશન અને ફીચર્સ :
આ બંને સ્માર્ટફોન ડયુઅલ- સિમ સપોર્ટ સાથે અને Android 16 આધારિત HyperOS પર ચાલે છે . Poco X8 Pro Max 5G માં 6.83 ઇંચની 1.5K AMOLED  ડિસ્પ્લે આપવામાં આવી છે . આ બંને ફોનમાં IP66, IP68,, IP69 અને , IP69K રેટિંગ સાથે પાણી અને ધૂળથી સુરક્ષા આપે છે .

સારા પરફોર્મન્સ માટે Pro Max મોડેલમાં 3nm Media Tek Dimensity 9500s પ્રોસેસર , 12GB LPDDR5X  RAM અને 512GB સુધી UFS 4.1 નું સ્ટોરેજ આપવામાં આવ્યું છે . આ ફોનમાં 5,800mm હીટ અને કૂલિંગ સિસ્ટમ પણ આપવામાં આવ્યું છે . Poco X8 Pro  5G માં Media Tek Dimensity  8500 Ultra ચિપસેટ  , 12GB સુધી RAM અને 256GB સ્ટોરેજ મળે છે .

હવે વાત કરીએ કેમેરાની તો આ બંને ફોનમાં OIS સાથે 50MP પ્રાથમિક કેમેરા અને 8MP અલ્ટ્રાવાઇડ કેમેરા હશે . સેલ્ફી અને વિડીયો કોલ માટે 20MP ફ્રન્ટ કેમેરા આપવામાં આવ્યો છે . આ ફોન 4K 60fps સુધી વિડીયો રેકોર્ડિંગને સપોર્ટ કરે છે .

આ Pro Max ફોનની બેટરી 9,000mAh છે જયારે Pro મોડેલમાં 6,500mAh બેટરી આપવામાં આવી છે .બંને ફોનમાં 100W ફાસ્ટ ચાર્જિંગ અને 27W રિવર્સ  ચાર્જિંગ સપોર્ટ મળે છે . એક વખતના  ચાર્જમાં 18 દિવસ સુધી સ્ટેન્ડબાય અને લગભગ 30 કલાક વિડીયો પ્લેબેક આપે છે .