Realme નું નવું ફોન આવ્યું : મોટી બેટરી અને AMOLED ડિસ્પ્લે સાથે Realme 16 5G લોન્ચ

Realme એ ભારતમાં તેનો નવો સ્માર્ટફોન Realme 16 5G લોન્ચ કર્યો છે . આ 5G હેન્સેટ આકર્ષક એર બ્લેક અને એર વ્હાઇટ કલર વિકલ્પોમાં ઉપલબ્ધ છે . આ ફોનમાં Media Tek Dimensity 6400 ટર્બો ચિપસેટ આપવામાં આવ્યો છે , જે સારી પરફોર્મન્સ માટે ડિઝાઇન કરવામાં આવ્યો છે . Realme 16 5G માં 6.57 ઈંચનું ફૂલ HD + AMOLED ડિસ્પ્લે છે , જે 120Hz રિફ્રેશ રેટ અને 4,200 nits સુધીની પીક બ્રાઇટનેસ આપે છે . સ્મૂથ સ્ક્રોલિંગ અને બ્રાઇટ વિઝિબિલિટી માટે આ ડિસ્પ્લે બનાવવામાં આવ્યું છે .

કિંમત અને ઑફર્સ :
ભારતમાં Realme 16 5G ની શરૂઆતની કિંમત રૂપિયા 31,999 છે જે 8GB +128GB સ્ટોરેજ વેરિઅન્ટ માટે છે . પાછું 8GB +256GB સ્ટોરેજ વેરિઅન્ટ મોડેલની કિંમત રૂપિયા 33,999 રાખવામાં આવી છે , જયારે આના ટોપ મોડેલ 12GB +256GB  વેરિઅન્ટ માટેની કિંમત રૂપિયા 36,999 રાખવામાં આવી છે . 

આ ફોન હાલમાં Flipkart અને Realme ની ઓફિશિયલ વેબસાઈટ પર પ્રી-ઓર્ડર માટે ઉપલબ્ધ છે અને 5 એપ્રિલથી વેચાણ માટે ઉપલબ્ધ કરાશે . લોન્ચ ઓફર હેઠળ ગ્રાહકોને રૂપિયા 2,000 સુધીનો બેંક ડિસ્કાઉન્ટ અથવા રૂપિયા 6000 સુધીનો એક્સચેન્જ બોનસ મળી શકે છે . સાથે જ 12 મહિના સુધી નો-કોસ્ટ EMI  વિકલ્પ પણ ઉપલબ્ધ છે .

Photo Credit: Realme

સ્પેસિફિકેશન્સ અને ફીચર્સ :
Realme 16 5G  Android 16 આધારિત Realme UI 7.0 પર ચાલે છે . કંપનીએ ત્રણ વર્ષ સુધી Android અપડેટ્સ અને ચાર વર્ષ સુધી સિક્યુરિટી અપડેટ્સ આપવાની ખાતરી આપી  છે .

ફોનમાં  Media Tek Dimensity 6400 ટર્બો  પ્રોસેસર સાથે આવે છે , જેમાં 12GB સુધી LPDDRx RAM અને 256GB સુધી UFS 2.2 સ્ટોરેજ મળે છે . થર્મલ મેનેજમેન્ટ માટે તેમાં  વેપર ચેમ્બર કૂલિંગ સિસ્ટમ આપવામાં આવી છે .

કેમેરા :
આ ફોનમાં ફોટોગ્રાફી માટે ફોનમાં ડયુઅલ રિયર કેમેરા સેટઅપ છે જેમાં 50MP પ્રાઈમરી કેમેરા અને 2MP મોનોક્રોમ સેન્સર છે . આની ખાસ વાત એ છે કે તેમાં "સેલ્ફી મિરર " આપવામાં આવ્યું છે , જે રિયર કેમેરા સાથે સેલ્ફી લેવામાં મદદ કરે છે .  આ ફોનમાં આગળના ભાગમાં 50MP નો સેલ્ફી કેમેરા આપવામાં આવ્યો છે .

બેટરી અને અન્ય ફીચર્સ :
Realme 16 5G  માં મોટી 7,000mAh બેટરી છે , જે 60W ફાસ્ટ ચાર્જિંગને સપોર્ટ કરે છે . એક જ ચાર્જ પર લાંબા સમય સુધી ઉપયોગ માટે આ ખૂબ જ સારી છે .  કનેક્ટિવિટી માટે આ ફોનમાં 5G, Wi-Fi 6, Bluetooth 5.3 , GPS અને  USB Type-C પોર્ટ આપવામાં આવ્યા છે . સિક્યુરિટી માટે ઈન-ડિસ્પ્લે ફિંગરપ્રિન્ટ  સેન્સર અને ફેસ અનલોક પણ આપવામાં આવ્યા છે .