મેમરી ચિપ્સની અછત વચ્ચે અનેક સ્માર્ટફોન બ્રાન્ડ્સે વધારી કિંમતો 

ભારતમાં સ્માર્ટફોન ખરીદનારા ગ્રાહકો માટે એક મહત્વપૂર્ણ સમાચાર સામે આવ્યા છે . આ વર્ષની શરૂઆતમાં લોન્ચ થયેલી Realme 16 સિરીઝના સ્માર્ટફોન  હવે મોંઘા થઈ ગયા છે . કંપનીએ Realme 16 ,  Realme 16 Pro અને  Realme 16 Pro + ના ભાવમાં વધારો કર્યો છે . માત્ર Realme જ નહીં , પરંતુ OnePlus , Poco અને Lava જેવા અન્ય બ્રાન્ડ્સે પણ તેમના કેટલાક મિડ - રેન્જ સ્માર્ટફોનના ભાવમાં વધારો કર્યો છે . એવું માનવામાં આવે છે કે મેમરી ચિપ્સની અછતના કારણે કંપનીએ આ નિર્ણય લીધો છે .

નવી કિંમતો મુજબ , Realme 16ના બેઝ 8GB + 128GB મોડેલની કિંમત હવે 33,999 રૂપિયા થઈ ગઈ છે , જયારે લોન્ચ સમયે તેની કિંમત રૂપિયા 31,999 હતી . 8GB + 256GB અને 12GB + 256GB વેરિઅન્ટ હવે રૂપિયા 36,999 અને 39,999માં મળશે .

 Realme 16 Pro ના ભાવમાં પણ વધારો થયો છે . હવે તેનો 8GB + 128GB મોડેલ 36,999 રૂપિયામાં વેચાઈ રહ્યો છે , જે પહેલા 31,999 રૂપિયા   હતો . 8GB + 256GB  વેરિઅન્ટની કિંમત રૂપિયા 39,999 થઈ છે , જયારે ટોપ મોડેલ 12GB + 256GB હવે 42,999 રૂપિયામાં ઉપલબ્ધ છે .

 Realme 16 Pro + 5Gની કિંમતમાં પણ વધારો કરવામાં આવ્યો છે . તેનો 8GB + 256GB મોડેલ હવે 48,999 રૂપિયામાં મળે છે , જયારે 12GB + 256GB  વેરિઅન્ટની નવી કિંમત રૂપિયા 52,999 છે .

બીજી તરફ , OnePlus 15Rના ભાવમાં પણ ફરી વધારો નોંધાયો છે . Amazon પર હવે તેનો 12GB + 256GB  મોડેલ રૂપિયા 54,999માં ઉપલબ્ધ છે , જયારે 512GB સ્ટોરેજ વેરિઅન્ટ રૂપિયા 59,999માં મળી રહ્યો છે .

Poco X8 Pro Maxના ભાવમાં પણ વધારો થયો છે . હવે તેનો 12GB + 256GB  મોડેલ 44,999 રૂપિયાથી શરૂ થાય છે . ઉપરાંત Poco M8 5G ના જુદા જુદા વેરિઅન્ટ પણ હવે પહેલા કરતાં  વધુ કિંમતે વેચાઈ રહ્યા છે .

આ સિવાય Lava Agni 4નીમ કિંમતમાં પણ મોટો વધારો થયો છે . 8GB RAM અને 256GB સ્ટોરેજ સાથેનો તેનો એકમાત્ર વેરિઅન્ટ હવે 29,999 રૂપિયામાં  ઉપલબ્ધ છે , જે લોન્ચ સમયે 24,999 રૂપિયા હતો .

The latest price revision of handsets is believed to be linked to rising component costs and ongoing global shortages of memory chips such as DRAM and NAND.