8000mAh બેટરી અને 50MP Sony કેમેરા સાથે આવશે Realme 16T 5G

22 મેના રોજ ભારતમાં લોન્ચ થનારો Realme 16T 5Gના કેમેરા સ્પેસિફિકેશન લોન્ચ પહેલા જ જાહેર થઈ ગયા છે . કંપનીએ સ્માર્ટફોનના કેમેરા ફીચર્સ સાથે   ડિસ્પ્લે , બેટરી અને ડ્યુરેબિલીટી જેવી મહત્વપૂર્ણ જાણકારી પણ આપી છે . Realme 16 સિરીઝમાં જોડાનાર આ ફોન Flipkart , Realme India ની વેબસાઈટ  અને ઓફલાઈન સ્ટોર્સ દ્રારા વેચાણ માટે ઉપલબ્ધ થશે . લોન્ચ ઇવેન્ટ દરમિયાન તેની કિંમત અને સ્પેસિફિકેશન્સ પણ જાહેર થવાની સંભાવના છે  .  કંપનીના જણાવ્યા મુજબ , Realme 16T 5Gમાં f /1.8 એપર્ચર અને ઓટોફોકસ સપોર્ટ સાથે 50MP Sony IMX 852 પ્રાઈમરી કેમેરા આપવામાં આવશે .  આ કેમેરા સાથે Realme નું  LumaColor IMAGE એન્જિન મળશે , જે AI આધારિત ઇમેજ પ્રોસેસિંગ દ્રારા સ્કિન ટન , ટેક્સ્ચર અને ડાયનામિક રેન્જને વધુ    સારી બનાવશે . ફોન RAW HDR પ્રોસેસિંગ અને કસ્ટમ વ્હાઇટ બેલેન્સ ટ્યુનિંગ પણ સપોર્ટ કરશે .

સ્માર્ટફોનમાં AI Portrait Glow ફીચર આપવામાં આવશે , જે ઓછી લાઈટ કે બેકલાઈટમાં પણ ફેસની લાઇટિંગને એડજસ્ટ કરી દેશે .  સાથે જ  Flash, Rim Light , Natural Light અને  Studio Light  જેવા પોટ્રેટ ઇફેક્ટ્સ પણ ઉપલબ્ધ રહેશે . Realme 16T 5Gમાં Rear Selfie Mirror ફીચર પણ મળશે , જેથી યુઝર્સ મુખ્ય કેમેરાથી સેલ્ફી લેતી વખતે પોતાનું પ્રિવ્યુ જોઈ શકશે .                                                

AI આધારિત નવા ટુલ્સ પણ આ ફોનમાં આપવામાં આવશે . તેમાં Popout Collage , AI StyleMe , AI Profile Portrait, AI Football star, AI Light Me અને  AI Instant Clip જેવા ફીચર્સનો સમાવેશ થાય છે . AI Instant Clip ફીચર માત્ર 10 સેકેન્ડમાં ફોટા  અને વિડિયોઝમાંથી ટૂંકા વિડીયો તૈયાર કરી શકશે . 

ડિસ્પ્લેની વાત કરીએ તો આ ફોનમાં 144Hz રિફ્રેશ રેટ અને 2,100 nits સુધીની પીક બ્રાઇટનેસ સાથેનું સ્ક્રીન મળશે . તે 400 ટકા Ultra Volume મોડને પણ સપોર્ટ કરશે  .  ડ્યુરેબિલિટીની વાત કરીએ તો આ ફોનને IP69 Pro રેટિંગ મળ્યું છે , જે તેને ધૂળઅને પાણી સામે રક્ષા આપે છે .સાથે જ તેમાં મિલિટરી - ગ્રેડ શોક રેઝિસ્ટન્સ સર્ટિફિકેશન  પણ આપવામાં આવ્યું છે .

આ ફોનમાં 8,000mAhની મોટી બેટરી મળશે , જે 45W ફાસ્ટ ચાર્જિંગ   , બાયપાસ ચાર્જિંગ અને વાયર્ડ રિવર્સ ચાર્જિંગને સપોર્ટ કરશે . Geekbench લિસ્ટિંગ મુજબ ,  Realme 16T 5G માં Media Tek Dimensity  6300 ચિપસેટ મળી શકે છે . સ્માર્ટફોન ઓછામાં ઓછા 8GB RAM અને Android 16 સાથે લોન્ચ થવાની સંભાવના છે . આ ફોન Starlight Black , Starlight Blue અને Starlight Red કલર વિકલ્પોમાં ઉપલબ્ધ રહેશે .