Realme 16T 5G, Realme P4R 5Gટૂંક સમયમાં ભારતમાં આવી શકે: કલર અને સ્ટોરેજની વિગતો સામે આવી

એક ટીપસ્ટરના જણાવ્યા અનુસાર Realme ભારતમાં તેની Realme 16 અને P4 લાઇનઅપ હેઠળ બે નવા ફોન લોન્ચ કરવા જઈ રહી છે . આ ફોનને Realme 16T 5G અને Realme P4R 5G નામે બહાર પડાશે . જોકે કંપનીએ તેની સત્તાવાર લોન્ચ તારીખ હજુ સુધી જાહેર કરી નથી  પરંતુ લીક્સ દર્શાવે છે કે  આ બંને મોડેલ ટૂંક જ સમયમાં બજારમાં આવશે . અભિષેક યાદવ જેને X પરની પોસ્ટમાં દાવો કર્યો છે કે કંપની ભારતમાં નવા હેન્ડસેટ લોન્ચ કરવાની તૈયારીમાં છે . લીક અનુસાર Realme 16T 5Gને  RMX5268 મોડેલ નંબર સાથે અને Realme P4R 5Gને RMX5266 મોડેલ નંબર સાથે જોવા મળશે .

સ્ટોરેજ:

આ ફોનમાં સ્ટોરેજની વાત કરીએ તો Realme 16T 5G દેશમાં 6GB +128GB , 8GB +128GB અને 8GB+256GB RAM સ્ટોરેજ વિકલ્પોમાં ઉપલબ્ધ રહેશે  . જયારે વાત કરીએ Realme P4R 5Gની તો આ ફોનમાં 4GB +128GB , 6GB +128GB અને 6GB+256GB RAM વેચાણ માટે ઉપલબ્ધ રહેશે .

કલર:

કલર વિકલ્પોની વાત કરીએ તો લીક મુજબ Realme 16T  5G  ઓરોરા ગ્રીન , સ્ટારલાઈટ બ્લેક અને સ્ટારલાઈટ રેડ કલરમાં રજૂ થઇ શકે છે . જયારે Realme P4R 5G તમને લવંડર  ગ્લેર , સિલ્વર ગ્લેર અને ટાઇટેનિયમ ગ્લેર કલર વિકલ્પોમાં મળી રહેશે તેવી શક્યતા છે .

કંપનીએ અગાઉ ભારતમાં Realme 16 Pro + 5G અને Realme 16 Pro  5G ને 6 જાન્યુઆરીએ લોન્ચ કાર્ય હતા . આ બંને સ્માર્ટફોન 8GB +128GB સ્ટોરેજ  વેરિઅન્ટ માટેની કિંમત રૂપિયા 31,999 ની પ્રારંભિક કિંમતે રજૂ થયા . Pro + મોડેલ જે માસ્ટર ગોલ્ડ , માસ્ટર ગ્રે અને ઇન્ડિયા એક્સક્લુઝિવ કેમેલીયા પિંક  કલરમાં ઉપલબ્ધ છે  , જયારે Pro  વેરિઅન્ટ માસ્ટર ગોલ્ડ , પેબલ ગ્રે અને ઇન્ડિયા એક્સક્લુઝિવ ઓર્કિડ પર્પલ કલરમાં આવશે .

કંપનીએ તાજેતરમાં તેની P4 શ્રેણીમાં Realme P4 Lite સ્માર્ટફોન 20 ફેબ્રુઆરીએ રૂપિયા 9,999ની કિંમતે ભારતમાં લોન્ચ કર્યો હતો . આ મોડેલમાં 4GB  RAM  અને 64GB સ્ટોરેજ આવે છે . નવા અહેવાલો મુજબ Realme P4 Lite 5G   પણ આ લાઇનઅપમાં જોડાઈ શકે છે .