Realme P4R 5Gમાં 144Hz ડિસ્પ્લે અને 50MP AI કેમેરા , કિંમત રૂપિયા 18,999થી શરૂ

Realme એ ભારતીય બજારમાં પોતાનો નવો Realme P4R 5G સ્માર્ટફોન લોન્ચ કર્યો છે . આ ફોન ખાસ કરીને એવા યુઝર્સને ધ્યાનમાં રાખીને બનાવવામાં આવ્યો છે , જેઓ લાંબી બેટરી લાઈફ , સ્મૂથ ગેમિંગ અને આધુનિક AI ફીચર્સ ધરાવતો સ્માર્ટફોન શોધી રહ્યા છે . કંપનીનો દાવો છે કે ફોનમાં 8000mAhની મોટી બેટરી આપવામાં આવી છે , જે તેના સેગમેન્ટમાં સૌથી મોટી બેટરીમાંથી એક છે . એક વખતના ચાર્જ પર આ ફોન લગભગ ત્રણ દિવસ સુધી ચાલી શકે છે . સાથે જ તેમાં 144Hz ડિસ્પ્લે , 50MP AI કેમેરા અને Media Tek Dimensity 6300 પ્રોસેસર જેવી સુવિધાઓ પણ આપવામાં આવી છે .

Realme P4R 5Gનું વેચાણ 17 જૂન , 2026થી Flipkart અને Realmeની સત્તાવાર વેબસાઈટ પર શરૂ થશે . આ ફોનના 4GB RAM + 128GB સ્ટોરેજ વેરિઅન્ટની કિંમત 18,999 રૂપિયા , 6GB RAM + 128GB વેરિઅન્ટની કિંમત 20,999 રૂપિયા અને 6GB RAM + 256GB વેરિઅન્ટની કિંમત 22,999 રૂપિયા રાખવામાં આવી છે . લોન્ચ ઓફરમાં ગ્રાહકોને 2,000 રૂપિયાનું બેંક ડિસ્કાઉન્ટ અને 3 મહિનાનો નો - કોસ્ટ EMI વિકલ્પ પણ મળશે . આ ઓફર બાદ ફોનની કિંમત રૂપિયા 16,999 થઈ જાય છે .

ફોનમાં 6.8 ઇંચની મોટી 144Hz સનલાઇટ ડિસ્પ્લે આપવામાં આવી છે , જે 1200 nits સુધીની પીક બ્રાઇટનેસ સપોર્ટ કરે છે . તેથી તે સૂર્યપ્રકાશમાં પણ સ્ક્રીન સરળતાથી જોઈ શકાય છે . પરફોર્મન્સ માટે તેમાં Media Tek Dimensity 6300 પ્રોસેસર આપવામાં આવ્યું છે , જે દૈનિક કામ અને ગેમિંગ બંને માટે સારો માનવામાં આવે છે .

Realme P4R 5G 45W ફાસ્ટ ચાર્જિંગ સપોર્ટ કરે છે . તેમાં બાયપાસ ચાર્જિંગ ફીચર પણ છે , જે ગેમિંગ દરમિયાન ફોનને વધુ ગરમ થતો અટકાવવામાં મદદ કરે છે . કંપનીનો દાવો છે કે BGMI અને Free Fire જેવી ગેમ્સ લાંબા સમય સુધી સ્મૂથ રીતે રમી શકાય છે . આ ઉપરાંત , ફોનમાં AI નાઇટ ચાર્જિંગ , AI કોલ્ડ ચાર્જિંગ અને વન - ટેપ કુલિંગ જેવી સ્માર્ટ સુવિધાઓ પણ આપવામાં આવી છે .

ફોટોગ્રાફી માટે ફોનમાં 50MP AI કેમેરો આપવામાં આવ્યો છે . સાથે AI ઇરેઝર 2.0 , AI અનબ્લર , AI પોર્ટ્રેટ ગ્લો અને AI અલ્ટ્રા ક્લેરિટી જેવા ફીચર્સ મળે છે . સુરક્ષા માટે આ ફોનને IP65 રેટિંગ , MIL - STD-810H સર્ટિફિકેશન અને ArmorShell Tough બિલ્ડ આપવામાં આવ્યું છે .