Redmi 15C 5G ભારતમાં બુધવારે લોન્ચ કરાયો છે

Redmi 15C 5G ભારતમાં બુધવારે લોન્ચ કરાયો છે. તે સપ્ટેમ્બરમાં પસંદગીના વૈશ્વિક બજારોમાં લોન્ચ કરાયો હતો. આ એક બજેટ ફોન છે અને આ વર્ષે જાન્યુઆરીમાં રજૂ કરાયેલા Redmi 14C ના અનુગામી તરીકે રજૂ કરાયો છે. Redmi 15C 5G મીડિયાટેક ડાયમેન્સિટી 6300 ચિપસેટ દ્વારા સંચાલિત છે, જેમાં 8GB સુધીની રેમ અને 128GB ઓનબોર્ડ સ્ટોરેજ છે. Xiaomi પેટાકંપનીના નવા હેન્ડસેટમાં 50-મેગાપિક્સલનો ડ્યુઅલ રીઅર કેમેરા સિસ્ટમ અને ધૂળ અને પાણી સામે સુરક્ષા અંગે IP64 રેટિંગ ધરાવે છે.ભારતમાં Redmi 15C 5G ની કિંમત, ઉપલબ્ધતા,Redmi 15C 5G ભારતમાં 4GB રેમ અને 128GB ઓનબોર્ડ સ્ટોરેજ સાથેના બેઝ વેરિઅન્ટની કિંમત રૂ. 12,499 થી શરૂ થાય છે. તે 6GB અને 8GB રેમ વેરિઅન્ટમાં પણ ઉપલબ્ધ છે, જેની કિંમત અનુક્રમે રૂ. 13,999 અને રૂ. 15,499 છે.Redmi 15C 5G મિડનાઈટ બ્લેક, મૂનલાઇટ બ્લુ અને ડસ્ક પર્પલ એમ ત્રણ કલરમાં મળશે. તે 11 ડિસેમ્બરથી એમેઝોન અને Xiaomi ઇન્ડિયા ઓનલાઈન સ્ટોર પરથી મળશે.

Redmi 15C 5G ફીચર્સ અને સ્પેસિફિકેશન્સ

Redmi 15C 5G માં ડ્યુઅલ સીમ આવશે (નેનો + નેનો) અને તે Android 15 પર આધારિત HyperOS 2 પર ચાલે છે. તે બે વર્ષ માટે OS અપગ્રેડ અને ચાર વર્ષ માટે SMR અપડેટ્સ આપશે. તે 33W વાયર્ડ ફાસ્ટ ચાર્જિંગ સપોર્ટ સાથે 6,000mAh બેટરીથી સજ્જ છે.

6.9-ઇંચ HD+ (720 x 1,600 પિક્સેલ્સ) એડેપ્ટિવસિંક ડિસ્પ્લે ધરાવતા આ ફોનમાં 120Hz રિફ્રેશ રેટ અને 240Hz ટચ સેમ્પલિંગ રેટ અને 810 nits પીક બ્રાઇટનેસ છે. તે TUV Rheinland ના લો બ્લુ લાઇટ, ફ્લિકર-ફ્રી અને સર્કેડિયન ફ્રેન્ડલી સર્ટિફિકેશન સાથે આવે છે.

Redmi 15C 5G 8GB સુધી LPDDR4X RAM અને 128GB UFS 2.2 ઓનબોર્ડ સ્ટોરેજ દ્વારા સંચાલિત છે. તે વધારાના 8GB વર્ચ્યુઅલ વિસ્તરણને સપોર્ટ કરે છે.

તેમાં, f/1.8 અપર્ચર સાથે 50-મેગાપિક્સલનો AI ડ્યુઅલ રીઅર કેમેરા સેટઅપ છે અને સેલ્ફી અને વિડીયો કોલ માટે 8-મેગાપિક્સલનો ફ્રન્ટ-ફેસિંગ કેમેરા છે.

રેડમી 15C 5G ની સાઈઝ 171.56 x 79.47 x 8.05mm છે અને વજન 211 ગ્રામ છે. તેમાં 3.5mm હેડફોન જેક, સાઇડ-માઉન્ટેડ ફિંગરપ્રિન્ટ સેન્સર, IR બ્લાસ્ટર, એમ્બિયન્ટ લાઇટ સેન્સર, ઇ-કંપાસ અને એક્સીલેરોમીટર છે. ધૂળ અને પાણીના સામે રક્ષણ માટે ફોન IP64 રેટિંગ સાથે આવે છે.

Redmi 15C 5G પર કનેક્ટિવિટી વિકલ્પોમાં 5G, 4G, Wi-Fi, Bluetooth 5.4, GPS અને USB Type-C પોર્ટનો સમાવેશ થાય છે.

ચીનમાં આ ફોન 4G અને 5G એમ બે વેરિઅન્ટમાં લોન્ચ થયો હતો. 4G વેરિઅન્ટમાં Helio G81-Ultra ચિપસેટ આપવામાં આવ્યું છે, જ્યારે 5G મોડેલમાં Dimensity 6300 ચિપસેટ છે.