Redmi K100 Proના ફીચર્સ જાહેર , Snapdragon 8 Elite Gen 5 ને 100W ફાસ્ટ ચાર્જિંગ સાથે આવશે

ચીની સ્માર્ટફોન કંપની Xiaomiની સબ - બ્રાન્ડ Redmi આવતા અઠવાડિયે પોતાની નવી રેડમી K100 સિરીઝ લોન્ચ કરવું જઈ રહી છે . આ સિરીઝમાં Redmi K100 Pro Max સ્માર્ટફોન સામેલ હશે . લોન્ચ પહેલા કંપનીએ Redmi K100 Proની કેટલીક મહત્વની ખાસિયતો જાહેર કરી છે. Redmi એ Weibo પર માહિતી આપી છે કે Redmi K100 Proમાં 8,580mAhની સિલિકોન - કાર્બન બેટરી મળશે . કંપનીનો દાવો છે કે આ બેટરી લાંબો બેકઅપ આપશે . ફોનમાં 100W વાયર્ડ ફાસ્ટ ચાર્જિંગ , 50W વાયરલેસ ચાર્જિંગ , 27W વાયર્ડ રિવર્સ ચાર્જિંગ અને 22.5W વાયરલેસ રિવર્સ ચાર્જિંગનો સપોર્ટ પણ મળશે .

ફોટોગ્રાફી માટે Redmi K100 Proમાં 200MPનો મુખ્ય કેમેરા આપવામાં આવશે , જેમાં OIS ( ઓપ્ટિકલ ઇમેજ સ્ટેબિલાઇઝેશન ) સપોર્ટ હશે . તેની સાથે અલ્ટ્રા - વાઈડ અને ટેલિફોટો કેમેરા પણ મળશે . Redmi K100 સિરીઝ 11 ઓગસ્ટે ચીનમાં લોન્ચ થશે .

કંપનીએ પહેલા જણાવ્યું હું કે Redmi K100 Proમાં Snapdragon 8 Elite Gen 5 V સિરીઝ ચિપસેટ મળશે . સાથે જ તેમાં AI ગેમિંગ ગ્રાફિક્સ ચિપ પણ આપવામાં આવશે , જે ગેમિંગનો અનુભવ સારો બનાવશે . કંપનીના ટેસ્ટમાં આ ફોને AnTuTu બેન્ચમાર્ક પર 40.95 લાખથી વધુ પોઈન્ટ્સ મેળવ્યા હોવાનું જાણવા મળ્યું છે . આ ઉપરાંત તેમાં Raging Engine નામની ટેક્નોલોજી પણ મળશે .

Redmi K100 Proમાં 6.59 ઇંચની ડિસ્પ્લે હશે , જે 185Hz ટચ સેમ્પલિંગ રેટ અને 4,500nits પીક બ્રાઇટનેસ સપોર્ટ કરશે . ચીનમાં આ ફોન માટે પ્રી - ઓર્ડર શરૂ થઈ ગયા છે .

ડિઝાઈનની વાત કરીએ તો Redmi K100 Proમાં ફ્લેટ રિયર પેનલ , લંબચોરસ કેમેરા મોડયુલ અને LED ફ્લેશ સાથે ટ્રિપલ રિયર કેમેરા સેટઅપ આપવામાં આવ્યો છે . કેમેરા મોડયુલ પર " Sound by Bose "ની બ્રાન્ડિંગ પણ જોવા મળે છે . ફોનની જમણી બાજુએ પાવર બટન અને વોલ્યુમ બટન આપવામાં આવ્યા છે .

Redmi K100 Pro Maxમાં 6.9 ઇંચની OLED ડિસ્પ્લે , 9,000mAhની મોટી બેટરી અને 200MPનો મુખ્ય કેમેરા મળવાની શક્યતા છે .