Redmi K100 Pro Maxના કેમેરા અને ઓડિયો ફીચર્સ લોન્ચ પહેલા જાહેર , મળશે Bose ટ્યુન્ડ સાઉન્ડ

Redmi K100 Pro Maxમાં 2.1 ચેનલ સ્પીકર સિસ્ટમ આપવામાં આવશે . તેમાં Bose-ટ્યુન્ડ ઓડિયો સપોર્ટ હશે

Written by Gadgets 360 Staff અપડેટ કર્યું: 8 ઓગસ્ટ 2026 21:06 IST

Redmi K100 Pro Maxના કેમેરા અને ઓડિયો ફીચર્સ લોન્ચ પહેલા જાહેર , મળશે Bose ટ્યુન્ડ સાઉન્ડ

Redmi K100 Pro Maxમાં 200 મેગાપિક્સલનો મુખ્ય કેમેરા મળશે .

હાઇલાઇટ્સ

કંપની 11 ઓગસ્ટે ચીનમાં Redmi K100 Pro Max લોન્ચ કરશે
2.1 ચેનલ સ્પીકર સિસ્ટમ આપવામાં આવશે
ફોનમાં 9,000mAhથી વધુ ક્ષમતાની બેટરી

જાહેરાત

Xiaomi ટૂંક સમયમાં પોતાનો નવો સ્માર્ટફોન Redmi K100 Pro Max લોન્ચ કરવા જઈ રહી છે . આ ફોનનું લોન્ચિંગ હવે માત્ર બે દિવસ દૂર છે . તે Redmi K90 Pro Max નું અપગ્રેડેડ મોડલ હશે . લોન્ચ પહેલા કંપનીએ તેની કેટલીક ખાસ માહિતી જાહેર કરી છે . ફોનમાં 9,000mAh થી વધુ ક્ષમતાની બેટરી , 185Hz રિફ્રેશ રેટ અને શક્તિશાળી Snapdragon પ્રોસેસર મળશે . હવે તેના કેમેરાની વિગતો પણ સામે આવી છે .

Redmi K100 Pro Max લોન્ચ :
કંપની 11 ઓગસ્ટે ચીનમાં Redmi K100 Pro Max લોન્ચ કરશે . લોન્ચ ઇવેન્ટ કંપનીના સોશિયલ મીડિયા પ્લેટફોર્મ પર લાઈવ જોઈ શકાશે . લોન્ચ પહેલા Weibo પર ફોનના કેમેરા સંબંધિત માહિતી શેર કરવામાં આવી છે .

Redmi K100 Pro Max નો કેમેરા :
ફોનમાં 200MP નો મુખ્ય કેમેરો મળશે . તેની સાથે 5x ઓપ્ટિકલ ઝૂમ સપોર્ટ ધરાવતો પેરિસ્કોપ ટેલિફોટો કેમેરો પણ આપવામાં આવશે . ઉપરાંત , 50MP નો અલ્ટ્રા -વાઈડ કેમેરો મળશે , જેની 17mm ફોકલ લેન્થ હશે . ટેલિફોટો કેમેરા દ્રારા 100x ડિજિટલ ઝૂમ પણ કરી શકાશે .

Bose સાઉન્ડ :
Redmi K100 Pro Maxમાં 2.1 ચેનલ સ્પીકર સિસ્ટમ આપવામાં આવશે . તેમાં Bose-ટ્યુન્ડ ઓડિયો સપોર્ટ હશે . ફોનમાં બે 1115D ફૂલ રેન્જ સ્પીકર્સ અને એક 1620 સબવૂફર આપવામાં આવ્યો છે , જે વધુ સારી અને પાવરફુલ સાઉન્ડ ક્વોલિટી આપશે .

અન્ય ફીચર્સ :
ફોનમાં 6.9 ઇંચની ડિસ્પ્લે મળશે , જે 185Hz રિફ્રેશ રેટ સપોર્ટ કરશે . તેમાં Qualcomm Snapdragon 8 Elite Gen 5 પ્રોસેસર આપવામાં આવશે . ફોનમાં 9,070mAh ની મોટી બેટરી મળશે . ઉપરાંત તેમાં IP રેટિંગ અને અન્ય સુરક્ષા ફીચર્સ પણ આપવામાં આવશે . કંપની આ ફોનને Redmi K100 Pro સાથે લોન્ચ કરશે .