ChinaJoy ઇવેન્ટમાં આવી શકે છે Redmi K100 સિરીઝ , લીક્સમાં સામે આવ્યા મોટા ફીચર્સ

ચીની સ્માર્ટફોન કંપની Xiaomiની સબ બ્રાન્ડ Redmi ટૂંક સમયમાં તેની નવી Redmi K100 સિરીઝ લોન્ચ કરી શકે છે . આ સિરીઝમાં ત્રણ મોડલ આવવાની શક્યતા છે . લીક્સ મુજબ , આ સ્માર્ટફોન્સમાં નવા Snapdragon પ્રોસેસર અને હાઈ રિફ્રેશ રેટ ડિસ્પ્લે જેવા પ્રીમિયમ ફીચર્સ મળી શકે છે . Xiaomiના પાર્ટનર અને પ્રેસિડેન્ટ  ' લુ બેઇબિંગ ' ચીનના સોશિયલ મીડિયા પર જણાવ્યું છે કે Redmi 31 જુલાઈથી શરૂ થનારા ChinaJoy 2026 ડિજિટલ એન્ટરટેઇનમેન્ટ એક્સ્પોમાં ભાગ  લેશે . કંપની આ ઇવેન્ટમાં એક નવું પ્રોડક્ટ રજૂ કરવાની તૈયારીમાં છે .

લુ બેઇબિંગની એક પોસ્ટમાં ગેમિંગ સ્માર્ટફોનની ઇમેજ પણ જોવા મળી છે , જેના પર " Demon King " લખલું છે . આ  કોડનેમ Redmi K સિરીઝ સાથે જોડાયેલું  આવે છે . આના કારણે જ ચર્ચા છે કે આ ઇવેન્ટમાં Redmi K100 સિરીઝ લોન્ચ થઈ શકે છે .

લીક થયેલી માહિતી મુજબ ,  Redmi K100 સિરીઝમાં Snapdragon 8 Elite Gen 5 પ્રોસેસર આપવામાં આવી શકે છે . સાથે જ તેમાં 185Hz રિફ્રેશ રેટ LTPO ફ્લેટ ડિસ્પ્લે મળી શકે છે , જે ગેમિંગ અને સ્મૂથ સ્ક્રોલિંગનો અનુભવ આપશે . આ સ્માર્ટફોનમાં ડયુઅલ સ્ટીરિયો સ્પીકર્સ અને સુરક્ષા માટે અલ્ટ્રાસોનિક ઈન ડિસ્પ્લે ફિંગરપ્રિન્ટ સેન્સર પણ મળવાની શક્યતા છે .

Redmi એ ગયા મહિને Redmi K90 Ultra લોન્ચ કર્યો હતો . આ ફોનમાં 6.83 ઇંચની AMOLED 1.5K ડિસ્પ્લે , 165Hz રિફ્રેશ રેટ અને 3,500 nits પીક બ્રાઇટનેસ આપવામાં આવી છે . તે Snapdragon 8 Elite પ્રોસેસર અને Adreno GPU સાથે આવે છે .

Redmi K90 Ultraમાં ગેમિંગને વધુ સારી બનાવવા માટે D2 AI Gaming Graphics Chip આપવામાં આવી છે , જે વધુ સારો ગ્રાફિક્સ અને ફ્રેમ રેટ આપે છે . ગેમ રમતી વખતે ફોન ગરમ ન થાય તે માટે Active Cooling Fan પણ આપવામાં આવ્યો છે .