Redmi K90 Max માં Dimensity 9500 ચિપ , 100W ફાસ્ટ ચાર્જિંગ અને પ્રીમિયમ ફીચર્સ

Redmi એ તેની લોકપ્રિય K - સિરીઝમાં એક વધુ શક્તિશાળી સ્માર્ટફોન તરીકે Redmi K90 Max ને ચીનમાં લોન્ચ કર્યો છે . આ નવો હેન્ડસેટ Redmi K90 અને Redmi K90 Pro Max સાથે લાઇનઅપમાં જોડાયો છે અને પ્રીમિયમ સ્પેસિફિકેશન્સ સાથે આવે છે . તેમાં 6.83 ઈંચનું 1.5K M10 ડિસ્પ્લે આપવામાં આવ્યું છે  ,  જે  165Hz  સુધીનો રિફ્રેશ રેટ અને 3500nits સુધીની પીક બ્રાઇટનેસ સપોર્ટ કરે છે . સાથે જ HDR10+ અને Dolby Vision જેવા ફીચર્સ વિઝ્યુઅલ  અનુભવને વધુ સારો બનાવે છે .

Redmi K90 Max Android 16 પર આધારિત HyperOS પર ચાલે છે અને તેમાં Media Tek Dimensity  9500 પ્રોસેસર આપવામાં આવ્યું છે , જે  16GB સુધી  LPDDR5X RAM અને 1TB સુધી UFS 4 સ્ટોરેજ સાથે જોડાયેલું છે . ગેમિંગ માટે તેમાં ખાસ D2 ડિસ્પ્લે ચિપ અને એડવાન્સ કુલિંગ સિસ્ટમ આપવામાં આવી છે , જેમાં એક્ટિવ કુલિંગ ફેન અને મોટા ગ્રેફાઈટ એરિયા શામેલ છે , જે ફોનને ઓવરહીટ થવાથી બચાવે છે .

Photo Credit: Redmi

હવે વાત કરીએ કેમેરા સેટઅપની તો આ ફોનમાં ડયુઅલ રિયર કેમેરા આપવામાં આવ્યા છે , જેમાં 50MP નો પ્રાઈમરી સેન્સર OIS સાથે આવે છે અને 8MP  નો  સેકન્ડરી લેન્સ છે . સેલ્ફી અને વિડીયો કોલિંગ માટે 20MP નો ફ્રન્ટ કેમેરા આપવામાં આવ્યો છે . ઓડિયો અનુભવ માટે તેમાં Bose ના સ્ટીરિયો સ્પીકર્સ આપવામાં આવ્યા છે  .

બેટરીની વાત કરીએ તો આ Redmi K90 Max ખુબ જ શક્તિશાળી છે . તેમાં 8,550mAh ની મોટી બેટરી આપવામાં આવી છે , જે 100W વાયર્ડ ફાસ્ટ ચાર્જિંગને સપોર્ટ કરે છે . સાથે જ 22.5W રિવર્સ ચાર્જિંગ પણ ઉપલબ્ધ છે . કનેક્ટિવિટી માટે તેમાં 5G , Wi - Fi  7, Bluetooth , GPS , NFC અને USB Type  - C  જેવા વિકલ્પો પણ આપવામાં આવ્યા છે .

આ ફોનમાં IP66,   IP68 અને  IP69 રેટિંગ સાથે પાણી અને ધૂળ સામે રક્ષણ મળે છે . સુરક્ષા માટે 3D અલ્ટ્રાસોનિક ફિંગરપ્રિન્ટ સેન્સર આપવામાં આવ્યું છે .   Redmi K90 Max  ની શરૂઆતની કિંમત CNY 2,999 ( લગભગ  41,000 રૂપિયા) રાખવામાં આવી છે અને તે સ્પેસ સિલ્વર , શેડો બ્લેક અને સ્કાય બ્લૂ કલરમાં ઉપલબ્ધ છે .