Xiaomi ના બે Redmi સ્માર્ટફોનની કિંમતોમાં રૂપિયા 2,000 સુધીનો વધારો

Xiaomi એ ભારતમાં તેના બે લોકપ્રિય Redmi સ્માર્ટફોનની કિંમતોમાં વધાર્યો કર્યો હોવાનું સામે આવી રહ્યું છે . બજારમાં વધતા ખર્ચને ધ્યાનમાં લઈને છેલ્લા  કેટલાક મહિનાઓમાં  અનેક બ્રાન્ડ્સે સ્માર્ટફોનના ભાવમાં વધાર્યું કર્યો છે . હવે એક ટિપસ્ટરના જણાવ્યા અનુસાર , Redmi Note 15 5G અને Redmi 15 5G પણ ભાવવધારો કરનાર મોડેલ બની ગયા છે .  એવું કહેવાય છે કે નવી કિંમતો પહેલેથી જ અમલમાં આવી ગઈ છે , જેના કારણે બંને ફોનના જુદા જુદા  વેરિઅન્ટસ તેમની લોન્ચ કિંમત કરતા વધુ મોંઘા બન્યા છે .

ટિપસ્ટર સંજુ ચૌધરીએ X પર પોસ્ટ કરીને દાવો કર્યો છે કે Xiaomi એ Redmi Note 15 5G અને Redmi 15 5Gની કિંમતોમાં રૂપિયા 2000નો વધારો કર્યો છે . તેમના જણાવ્યા મુજબ , Redmi Note 15 5Gનું 8GB + 128GB વેરિઅન્ટ હવે 26,999 રૂપિયામાં ઉપલબ્ધ છે , જયારે 8GB + 256GB મોડેલની કિંમત વધીને રૂપિયા 29,999 થઈ છે .

Redmi Note 15 5G ભારતમાં લોન્ચ સમયે 8GB + 128GB મોડેલ માટે 22,999 રૂપિયામાં ઉપલબ્ધ હતો , જયારે 8GB + 256GB વેરિઅન્ટની કિંમત 24,999 રૂપિયા હતી .

બીજી તરફ , Redmi 15 5G ની કિંમતોમાં પણ વધાર્યો નોંધાયો હોવાનું કહેવાય છે . ફોનમાં 6GB + 128GB વેરિઅન્ટની નવી કિંમત 20,499 રૂપિયા હોવાનું  જણાવાયું છે  . જયારે 8GB + 128GB  મોડેલ હવે 22,499 રૂપિયામાં અને ટોપ - એન્ડ 8GB + 256GB વેરિઅન્ટ 24,499 રૂપિયામાં ઉપલબ્ધ છે .

આ ફોન લોન્ચ સમયે ઘણી ઓછી કિંમતે રજૂ થયા હતા . Redmi 15 5G નું 6GB + 128GB વેરિઅન્ટ 14,999 રૂપિયામાં , 8GB + 128GB મોડેલ 15,999 રૂપિયામાં  અને 8GB + 256GB વેરિઅન્ટ 16,999 રૂપિયામાં લોન્ચ કરવામાં આવ્યા હતા .

નવા અહેવાલો મુજબ , સુધારેલી કિંમતો હવે Redmi India ની સત્તાવાર વેબસાઈટ પર પણ લાઈવ થઈ ગઈ છે . જોકે , કંપનીએ હજુ સુધી સત્તાવાર રીતે ભાવવધારાની  જાહેરાત કરી નથી .  ગેજેટ્સ 360 દ્રારા પણ આ મામલે Redmi નો સંપર્ક કરવામાં આવ્યો છે અને કંપનીનો અભિપ્રાય મળ્યા બાદ વધુ માહિતી  અપડેટ કરવામાં આવશે .

નોંધ લેવાવાળી વાત એ છે કે આ પહેલી વાર નથી જયારે Redmi Note 15 5G અને Redmi 15 5G ના ભાવમાં વધારો થયો હોય . એપ્રિલ મહિનામાં પણ બંને સ્માર્ટફોનની કિંમતોમાં વધારો કરવામાં આવ્યો  હતો .