Redmi Note 17નો ટીઝર થયો જાહેર , લોન્ચ પહેલા સંભવિત કિંમત અને ફીચર્સ આવ્યા સામે

સ્માર્ટફોન માટે જાણીતી કંપની Redmi ટૂંક સમયમાં ભારતમાં પોતાનો નવો સ્માર્ટફોન Redmi Note 17 લોન્ચ કરવાની તૈયારીમાં છે . આ ફોનમાં મોટી બેટરી , Snapdragon 4 Gen 4 પ્રોસેસર અને OLED ડિસ્પ્લે મળવાની શક્યતા છે . આ સ્માર્ટફોન થોડા સમય પહેલા ચીનમાં લોન્ચ કરવામાં આવ્યો હતો .

Redmi Indiaએ X પર Redmi Note 17નો ટીઝર શેર કર્યો છે , જે બતાવે છે કે આ ફોન ટૂંક જ સમયમાં ભારતમાં લોન્ચ થઈ શકે છે . ટીઝરમાં ફોનની પાછળની ડિઝાઈન જોવા મળે છે , જેમાં લંબચોરસ આકારનો કેમેરા મોડયુલ આપવામાં આવ્યો છે .

ટિપસ્ટર અભિષેક યાદવના જણાવ્યા અનુસાર , Redmi Note 17ના 6GB + 128GB વેરિઅન્ટની કિંમત રૂપિયા આશરે 30,000 અને 8GB + 128GB વેરિઅન્ટની કિંમત રૂપિયા 33,000 હોઈ શકે છે . પહેલા કંપનીએ દાવો કર્યો હતો કે આ ફોન 6 ઓગસ્ટે ભારતમાં લોન્ચ થઈ શકે છે . જોકે ભારતીય મોડલના કેટલાક ફીચર્સ ચીનમાં લોન્ચ થયેલા મોડલ કરતાં અલગ હોઈ શકે છે . Geekbench બેન્ચમાર્ક લિસ્ટિંગ મુજબ , Redmi Note 17ને સિંગલ-કોર ટેસ્ટમાં 950 અને મલ્ટી - કોર ટેસ્ટમાં 2,324 પોઇન્ટ મળ્યા છે .

ચીનમાં લોન્ચ થયેલા Redmi Note 17માં 7 ઇંચની Full HD+ OLED ડિસ્પ્લે છે , જે 120Hz રિફ્રેશ રેટ , 240Hz ટચ સેમ્પલિંગ રેટ અને 1,800 nits સુધીની  પીક બ્રાઇટનેસ સપોર્ટ કરે છે . ફોનમાં ઓક્ટા - કોર Snapdragon 4 Gen 4 ચિપસેટ અને Adreno GPU આપવામાં આવ્યો છે . તે Android 16 આધારિત HyperOS 3 પર ચાલે  છે .

ફોટોગ્રાફી માટે ફોનમાં 50 મેગાપિક્સલનો રિયર કેમેરા અને LED ફ્લેશ આપવામાં આવ્યા છે . જયારે સેલ્ફી અને વિડીયો કોલિંગ માટે 8 મેગાપિક્સલનો ફ્રન્ટ કેમેરો મળે છે . ફોન 1080p રિઝોલ્યુશનમાં 30fps સુધી વિડીયો રેકોર્ડ કરી શકે છે .

Redmi Note 17માં 8,000mAhની મોટી બેટરી આપવામાં આવી છે , જે 45W ફાસ્ટ ચાર્જિંગ અને 22 .5W રિવર્સ વાયર્ડ ચાર્જિંગને સપોર્ટ કરે છે . સુરક્ષા માટે તેમાં ઈન - ડિસ્પ્લે ફિંગરપ્રિન્ટ સ્કેનર પણ આપવામાં આવ્યું છે . આ સિરીઝમાં Redmi Note 17 Pro પણ રજૂ કરવામાં આવ્યો છે , પરંતુ ભારતમાં ક્યારે લોન્ચ થશે તેની કોઈ સત્તાવાર જાહેરાત કરવામાં આવી નથી .