Redmi Turbo 5 માં મળશે Dimensity 8500 Ultra અને 120Hz AMOLED ડિસ્પ્લે

Xiaomiની સબ-બ્રાન્ડ Redmi ટૂંક સમયમાં ભારતમાં તેની નવી Turbo સિરીઝ લોન્ચ કરવાની તૈયારીમાં છે . કંપનીએ પહેલીથી જ આ વાતની પુષ્ટિ કરી છે કે   Redmi Turbo 5 ભારતીય બજારમાં રજૂ થશે અને તે દેશમાં આવતો પહેલો Redmi Turbo સિરીઝ સ્માર્ટફોન બનશે . ફોન ડયુઅલ રિયર કેમેરા સેટઅપ સાથે આવશે અને ઓછામાં ઓછા બ્લેક કલર વિકલ્પમાં ઉપલબ્ધ રહેશે . હવે એક નવા અહેવાલમાં દાવો કરવામાં આવ્યો છે કે Redmi Turbo 5  આવતા મહિને ભારતમાં લોન્ચ થઈ શકે છે . તેની સાથે Redmi 17 5G પણ રજૂ થવાની શક્યતા છે .

Redmi Turbo 5  અને Redmi 17 5G ભારતમાં લોન્ચ :

એક અહેવાલ મુજબ , Redmi Turbo 5  અને Redmi 17 5G ભારતમાં 18 જૂને લોન્ચ થઈ શકે છે . Smartprix એ ટિપસ્ટર યોગેશ બ્રારના સહયોગથી આ માહિતી  શેર કરી છે . કહેવાય છે કે ભારતીય વર્ઝનમાં પણ Redmi Turbo 5  ચાઈનીઝ મોડલ જેવી જ સ્પેસિફિકેશન્સ અને ફીચર્સ ઓફર કરશે .

Redmi Turbo 5 આ વર્ષે જાન્યુઆરીમાં ચીનમાં લોન્ચ થયો હતો . તેની શરૂઆતની કિંમત CNY 2,299 ( લગભગ રૂપિયા 30,000 ) રાખવામાં આવી હતી . ફોનમાં  6.59 ઇંચ AMOLED ડિસ્પ્લે આપવામાં આવ્યું છે , જે 120Hz રિફ્રેશ રેટ , 480Hz ટચ સેમ્પલિંગ રેટ અને 3,500 nits પીક બ્રાઇટનેસ સપોર્ટ કરે છે . સાથે Dolby Vision  અને HDR10+ જેવી સુવિધાઓ પણ મળે છે .

ચાઈનીઝ વેરિઅન્ટમાં Media Tek Dimensity 8500 Ultra પ્રોસેસર આપવામાં આવ્યું છે , જે 16GB સુધી LPDDRx RAM અને 512GB સુધી UFS 4.1 સ્ટોરેજ  સાથે આવે છે . આ ફોન IP66, IP 68, IP69 અને IP69K રેટિંગ સાથે ધૂળ અને પાણીથી સુરક્ષિત રાખે છે . ફોટોગ્રાફી માટે તેમાં 50 - મેગાપિક્સલ Sony  IMX882 મુખ્ય કેમેરા અને 8 - મેગાપિક્સલ અલ્ટ્રાવાઈડ લેન્સ આપવામાં આવ્યો છે . સેલ્ફી અને વિડીયો કોલિંગ માટે આ ફોનમાં 20 - મેગાપિક્સલ  ફ્રન્ટ કેમેરા છે .

બીજી તરફ ,  Redmi 17 5G  છે જેમાં હાઈ રિફ્રેશ રેટ LCD ડિસ્પ્લે મળશે . આ ફોન Snapdragon 4 સિરીઝ ચિપસેટ સાથે આવી શકે છે તેમાં 7000mAh થી મોટી બેટરી આપવામાં આવી શકે છે . કેમેરા વિભાગમાં 50 - મેગાપિક્સલનો મુખ્ય રિયર કેમેરા અને 8 મેગાપિક્સલનો ફ્રન્ટ કેમેરા મળી શકે છે . ફોન Android  16 આધારિત HyperOS 3 પર કામ કરશે તેવી પણ ચર્ચા છે .

કંપનીએ હાલમાં  Redmi Turbo 5 માટે ભારતમાં ટીઝર અભિયાન શરૂ કર્યું છે . Amazon અને Xiaomi India વેબસાઈટ પર ફોન માટે અલગ માઈક્રોસાઈટ  પણ લાઈવ થઈ ચુકી છે , જેનાથી તેની ઓનલાઈન ઉપલબ્ધતા પણ નક્કી થઈ છે .