Xiaomi લાવી રહ્યું છે નવો પાવરફુલ ફોન Redmi Turbo 5 , Amazon પર થશે ઉપલબ્ધ 

ચીનમાં Redmi Turbo 5  લોન્ચ થયા બાદ હવે Xiaomi એ સત્તાવાર રીતે જાહેરાત કરી છે કે આ સ્માર્ટફોન ટૂંક સમયમાં ભારતીય બજારમાં પણ એન્ટ્રી  કરશે . Redmi Turbo સીરીઝનો આ પહેલો ફોન ભારતમાં રજૂ થવાનો છે અને તેને પરફોર્મન્સ ફોક્સ્ડ સ્માર્ટફોન તરીકે લાવવામાં આવશે . કંપનીએ આ ફોનને Amazon પર ઉપલબ્ધ  કરાવવાની પણ જાહેરાત કરી છે , જ્યાં તેના માટે પહેલેથી જ માઈક્રોસાઈટ લાઈવ થઈ ગઈ છે . Xiaomi એ Redmi Turbo 5 ની સાથે બીજા વધારાના ડિવાઈસ પણ રજૂ કરી શકે છે . આ સ્માર્ટફોનમાં 50 મેગાપિક્સલ Sony IMX882 પ્રાઈમરી સેન્સર અને 8 મેગાપિક્સલ અલ્ટ્રા - વાઈડ કેમેરા મળી શકે

ટિપસ્ટર યોગેશ બ્રારના જણાવ્યા મુજબ , Redmi Turbo 5  ભારતમાં જૂનની શરૂઆતમાં લોન્ચ થઈ શકે છે . તેમણે દાવો કર્યો છે કે ભારતીય  વેરિઅન્ટ ચીનમાં લોન્ચ કરાયેલા મોડેલ જેવી જ સ્પેસિફિકેશન્સ સાથે આવશે . આ સ્માર્ટફોનમાં 6.59 ઇંચ AMOLED ડિસ્પ્લે આપવામાં આવી શકે છે , જે 1.5K  રિઝોલ્યુશન અને 120Hz રિફ્રેશ રેટ સપોર્ટ કરશે . ડિસ્પ્લે HDR10+ , Dolby Vision અને 3,500 nits સુધીની પીક બ્રાઇટનેસ જેવી પ્રીમિયમ સુવિધાઓ સાથે આવી શકે છે .

આ ફોન Media Tek Dimensity  8500 Ultra ચિપસેટથી ચાલે તેવી સંભાવના છે . આના સાથે જ તેમાં Android 16 આધારિત HyperOS 3 મળશે . Redmi Turbo 5 માં 16GB સુધી LPDDR5X RAM અને 512GB સુધી UFS 4.1 સ્ટોરેજ વિકલ્પ મળી શકે છે .

કેમેરાની વાત કરીએ તો,  આ સ્માર્ટફોનમાં 50 મેગાપિક્સલ Sony IMX882 પ્રાઈમરી સેન્સર અને 8 મેગાપિક્સલ અલ્ટ્રા - વાઈડ કેમેરા મળી શકે છે . સેલ્ફી અને વીડિયો કોલિંગ માટે તેમાં 20 મેગાપિક્સલનો ફ્રન્ટ કેમેરા આપવામાં આવશે . 

વાત કરીએ બેટરી વિભાગની તો , Redmi Turbo 5  માં 7,560mAh ની મોટી બેટરી આપવામાં આવી શકે છે , જે 100W ફાસ્ટ ચાર્જિંગ અને 27W રિવર્સ વાયર્ડ ચાર્જિંગ સપોર્ટ કરશે  .

ટીઝર ઇમેજ મુજબ આ ફોનમાં ફ્લેટ રિયર પેનલ , ડયુઅલ રિયર કેમેરા સેટઅપ અને Redmi બ્રાન્ડિંગ જોવા મળે છે . ચીનમાં Redmi Turbo 5  ની શરૂઆતની કિંમત CNY 2,299 ( લગભગ રૂપિયા 30,000 ) રાખવામાં આવી હતી .