Samsung Galaxy A36 5G સસ્તો થયો , બેંક ઓફર અને એક્સચેન્જથી થશે વધુ બચત

સ્વતંત્રતા દિવસના અવસર પર ફ્લિપકાર્ટ ટૂંક જ સમયમાં Flipkart Freedom Sale શરૂ કરવા જઈ રહ્યું છે . જોકે , સેલ શરૂ થાય તે પહેલા જ Samsung Galaxy A36 5G પર આકર્ષક ડિસ્કાઉન્ટ મળી રહ્યો છે . જો તમે નવો 5G સ્માર્ટફોન ખરીદવાનું વિચારી રહ્યા છો , તો આ ઓફર તમારા માટે સારો વિકલ્પ બની શકે છે .

Samsung Galaxy A36 5Gની ઓફર કિંમત 
Flipkart પર Samsung Galaxy A36 5ના 8GB RAM + 128GB સ્ટોરેજ વેરિઅન્ટની કિંમત હાલમાં રૂપિયા 28,999 રાખવામાં આવી છે . જો તમે Flipkart Axis Bank ક્રેડિટ કાર્ડથી ચુકવણી કરો છો , તો તમને રૂપિયા 1,450નું વધારાનું ડિસ્કાઉન્ટ મળશે . ત્યારબાદ ફોનની અસરકારક કિંમત રૂપિયા 27,549 થઈ જાય છે . આ ઉપરાંત , જૂનો સ્માર્ટફોન એક્સચેન્જ કરવાથી રૂપિયા 26,500 સુધીનું એક્સચેન્જ બોનસ પણ મળી શકે છે . જોકે એક્સચેન્જની રકમ તમારા જુના ફોનની હાલની સ્થિતિ અને મોડેલ પર આધાર રાખશે . આ ફોન ગયા માર્ચમાં રૂપિયા 32,999ની શરૂઆતની કિંમતે લોન્ચ થયો હતો , એટલે હવે તે પહેલા કરતા રૂપિયા 6,499 સસ્તો મળી રહ્યો છે .

Samsung Galaxy A36 5G ની ડિસ્પ્લે અને સ્પેસિફિકેશન્સ :
Samsung Galaxy A36 5Gમાં 6.7 ઇંચની FHD+ Super AMOLED ડિસ્પ્લે આપવામાં આવી છે , જે 120Hz રિફ્રેશ રેટને સપોર્ટ કરે છે . ફોન Exynos 1380 પ્રોસેસર પર ચાલે છે અને તેમાં 5,000mAhની બેટરી આપવામાં આવી છે , જે 45W ફાસ્ટ ચાર્જિંગને સપોર્ટ કરે છે . આ ઉપરાંત ધૂળ અને પાણીથી સુરક્ષા માટે તેમાં IP67 રેટિંગ આપવામાં આવ્યું છે . આ સ્માર્ટફોન Android 15 આધારિત One UI 7 પર કામ કરે છે .

Samsung Galaxy A36 5G ના કેમેરા અને અન્ય ફીચર્સ :
ફોટોગ્રાફી માટે ફોનમાં 50MPનો મુખ્ય કેમેરા , 8MPનો અલ્ટ્રા - વાઈડ કેમેરા અને 5MPનો મેક્રો કેમેરા આપવામાં આવ્યો છે . સેલ્ફી અને વિડીયો કોલિંગ માટે તેમાં 12MPનો ફ્રન્ટ કેમેરા છે . કનેક્ટિવિટી માટે ફોનમાં 5G , 4G  LTE , Wi - Fi , Bluetooth 5.4, GPS , NFC અને USB Type - C પોર્ટ જેવા જરૂરી ફીચર્સ મળે છે . આ ફોનનું વજન 196 ગ્રામ છે અને તેની જાડાઈ માત્ર 7.4mm છે , જેના કારણે તેને પકડીને ઉપયોગ કરવો પણ આરામદાયક રહે છે .