Flipkart પર 4 ઓર્ડર કરો અને મેળવો 30 દિવસનું મફત Netflix Mobile પ્લાન

Flipkart તેના ગ્રાહકો માટે નવી અને આકર્ષક ઓફર લઈને આવ્યું છે . કંપનીએ Netflix સાથે પાર્ટનરશીપ કરી છે , જેમાં હવે Flipkart Plus સભ્યોને  મહિનાનું Netflix Mobile સબ્સ્ક્રિપ્શન મફતમાં મળશે . આ લાભ મેળવવા માટે ગ્રાહકો Flipkart ઉપરાંત Flipkart Grocery અને Flipkart Minutes પરથી પણ ખરીદી કરી શકે છે . આ ઓફર 1 ઓગસ્ટથી અમલમાં આવી છે અને કંપનીના લોયલ્ટી પ્રોગ્રામનો ભાગ છે .

આ ઓફરનો લાભ માત્ર Flipkart Plus  સભ્યોને મળશે . જો તમે હજુ સુધી Plus સભ્ય નથી , તો પહેલા તેની  મેમ્બરશિપ લેવી પડશે . ત્યારબાદ તમે ખરીદી કરીને દર મહિને મફત Netflix Mobile પ્લાન મેળવી શકશો . આ રીતે મનોરંજન માટે અલગથી Netflixનું સબ્સ્ક્રિપ્શન ખરીદવાની જરૂર નહીં પડે .

મફત Netflix મેળવવા માટે એક જ મહિનામાં કુલ ચાર  ઓર્ડર કરવા જરૂરી છે . આ ચારેય ઓર્ડર Flipkart , Flipkart Grocery અથવા Flipkart Minutes માંથી કોઈપણ પ્લેટફોર્મ પર કરી શકાય છે . દરેક ઓર્ડરની કિંમત ઓછામાં ઓછી રૂપિયા 299 હોવી જોઈએ . જયારે ચોથો ઓર્ડર પૂરો થાય ત્યારે ગ્રાહક Flipkart એપ દ્રારા 30 દિવસ માટે Netflix Mobile પ્લાન મફતમાં એક્ટિવેટ કરી શકશે .

આ મફત પ્લાન માત્ર 30 દિવસ માટે માન્ય રહેશે . જો ગ્રાહક આવતા મહિનામાં પણ આ લાભ મેળવવા માંગતો હોય , તો તેને ફરીથી એ જ નિયમોનું પાલન કરવું પડશે . એટલે કે , ફરી મહિનામાં ઓછામાં ઓછા રૂપિયા 299 કે તેથી વધુ કિંમતના ચાર ઓર્ડર પૂર્ણ કરવા પડશે . ત્યારબાદ તેને ફરીથી 30 દિવસ માટે Netflix Mobile પ્લાન મળશે .

ફ્લિપકાર્ટનું માનવું છે કે આ નવી ઓફર ગ્રાહકોને વધુ કિંમત આપશે અને ખરીદીની સાથે મનોરંજનનો લાભ પણ મળશે . ખાસ કરીને જે લોકો નિયમિત રીતે  Flipkart , Flipkart Grocery અથવા Flipkart Minutesનો ઉપયોગ કરે છે , તેમના માટે આ ઓફર વધુ ફાયદાકારક બની શકે છે .