Samsung Galaxy F70 Proએ Snapdragon 6 Gen 3, 8GB RAM સાથે જોવા મળ્યો Geekbench પર

Samsung Galaxy F70 Proના લોન્ચ પહેલાં તેની મહત્વપૂર્ણ વિગતો Geekbench લિસ્ટિંગ દ્રારા સામે આવી છે . SM - E476B મોડલ નંબર સાથે જોવા મળેલા આ સ્માર્ટફોનમાં Qualcomm Snapdragon 6 Gen 3 પ્રોસેસર આપવામાં આવશે તેની પુષ્ટિ થઈ છે . આ જ ચિપસેટ તાજેતરમાં લોન્ચ થયેલા Samsung Galaxy M47માં પણ આપવામાં આવ્યો હતો . સતત સામે આવી રહેલા સર્ટિફિકેશન અને લીક્સને જોતા આ વાત સ્પષ્ટ થાય છે કે કંપની આ સ્માર્ટફોનને ટૂંક સમયમાં ભારતમાં લોન્ચ કરી શકે છે .

Samsung Galaxy F70 Pro Greekbench પર :
Geekbench લિસ્ટિંગ મુજબ Samsung Galaxy F70 Proમાં 8GB RAM અને Android 16 OS મળશે . બેન્ચમાર્ક ટેસ્ટમાં ફોનને સિંગલ - કોર ટેસ્ટમાં 998 અને મલ્ટી કોર ટેસ્ટમાં 3,090 સ્કોર મળ્યો છે . લિસ્ટિંગમાં ' parrot ' કોડનેમ ધરાવતો મધરબોર્ડ અને Adreno GPU પણ જોવા મળે છે .

આ પહેલા Galaxy F70 Proને  Samsung Indiaની વેબસાઈટ , BIS સર્ટિફિકેશન અને Bluetooth SIG ડેટાબેઝમાં પણ જોવામાં આવ્યો હતો . જેના કારણે તેની લોન્ચિંગની તૈયારી પણ પૂર્ણ દેખાય છે . પહેલાના અહેવાલો મુજબ ફોનમાં 6.7 ઇંચની Super AMOLED ડિસ્પ્લે , 120Hz રિફ્રેશ રેટ અને 45W ફાસ્ટ ચાર્જિંગ સપોર્ટ સાથે 6,000mAh બેટરી મળી શકે છે .

કેમેરાની વાત કરીએ તો  Galaxy F70 Proમાં ટ્રિપલ રિયર કેમેરા સેટઅપ આપવામાં આવી શકે છે , જેમાં 50 મેગાપિક્સલનો પ્રાઈમરી સેન્સર OIS સાથે મળશે . ફોનમાં NFC , IP64 ડસ્ટ અને સ્પ્લેશ રેઝિસ્ટન્સ , LPDDR5X RAM અને UFS 3.1 સ્ટોરેજ જેવી સુવિધાઓ પણ મળવાની શક્યતા છે .

હવે વાત સોફ્ટવેરની તો, ફોન One UI  8.5 આધારિત Android 16 સાથે આવી શકે છે . લીક્સ અનુસાર Samsung આ ડિવાઈસને  છ વર્ષ સુધી Android OS અપડેટ્સ આપી શકે છે . ડિઝાઈનમાં પણ લેધર જેવી ફિનિશવાળો રિયર પેનલ જોવા મળી શકે છે .

લીક થયેલી માહિતી અનુસાર Samsung Galaxy F70 Pro ત્રણ સ્ટોરેજ વિકલ્પોમાં લોન્ચ થઈ શકે છે . 6GB + 128GB મોડલની કિંમત રૂપિયા 32,999, 8GB +128GB  વેરિઅન્ટની કિંમત રૂપિયા 36,999 અને 8GB + 256GB મોડલની કિંમત રૂપિયા 41,999 હોઈ શકે છે .