Galaxy M47માં Snapdragon 6 Gen 3, 5000mAh બેટરી સાથે આવી શકે છે .

સેમસંગના બે નવા સ્માર્ટફોન Galaxy M47 અને  Galaxy F70 Pro ટૂંક સમયમાં બજારમાં આવી શકે છે . સતાવાર જાહેરાત પહેલા જ આ બંને ડિવાઈસ બ્યુરો  ઓફ ઇન્ડિયન સ્ટાન્ડર્ડસ ( BIS ) ની વેબસાઈટ પર જોવા મળ્યા છે . આ લીકથી તેમના ભારતમાં લોન્ચ થવાની શક્યતા વધુ મજબૂત બની છે .  લિક્સ મુજબ Galaxy M47 માં 6.7 ઇંચ 120Hz AMOLED ડિસ્પ્લે , Snapdragon 6 Gen 3 ચિપસેટ અને 5000mAh બેટરી મળી શકે છે . તેમાં ટ્રિપલ રિયર કેમેરા સેટઅપ અને 50MP પ્રાઈમરી સેન્સર હોવાની શક્યતા છે . ફોનની કિંમત અંદાજે રૂપિયા 20,000 થી 25,000 વચ્ચે હોઈ શકે  છે .

Samsung Galaxy M47 અને  Galaxy F70 Pro  BIS Site  પર:

BIS પર આ ફોન મોડેલ નંબર SM - M476B/DS અને  SM - E476B/DS સાથે લિસ્ટ થયા છે . જોકે લિસ્ટિંગમાં નામ સ્પષ્ટ નથી , પહેલાની Geekbench અને  IMEI ડેટાબેઝ માહિતી મુજબ SM - M476B/DS ને Galaxy M47 અને SM - E476B/DS ને Galaxy F70 Pro  માનવામાં આવે છે . બંને ડિવાઈસ ડયુઅલ  - સિમ સપોર્ટ સાથે આવી શકે છે અને 15 મેના રોજના દિવસે કંપનીએ  આ વાતની પુષ્ટિ કરી છે કે આ બંને ફોનનો લોન્ચ નજીક છે .

Photo Credit: BIS

Samsung Galaxy M47 કિંમત , સ્પેસિફિકેશન્સ :

ટિપસ્ટર સંજુ ચૌધરી મુજબ Samsung Galaxy M47 ભારતમાં લગભગ રૂપિયા 20,000 થી રૂપિયા 25,000 ની રેન્જમાં લોન્ચ થઈ શકે છે . આ ફોનનું હાર્ડવેર  Samsung Galaxy A27 જેવા સ્પેસિફિકેશન્સ સાથે સમાન હોઈ શકે છે .

Samsung Galaxy M47 માં 6.7 ઈંચનું ફૂલ HD + AMOLED ડિસ્પ્લે મળશે , જેમાં 120Hz રિફ્રેશ રેટ સપોર્ટ હશે .  પરફોર્મન્સ માટે તેમાં Qualcomm Snapdragon  6 Gen 3 ચિપસેટ અને 5,000mAh બેટરી સાથે 25W ફાસ્ટ ચાર્જિંગ સપોર્ટ મળી શકે છે .

કેમેરાની વાત કરીએ તો તેમાં ટ્રિપલ રિયર કેમેરા સેટઅપ હોઈ શકે છે , જેમાં 50MP પ્રાઈમરી સેન્સર , 8MP અલ્ટ્રા - વાઈડ અને 2MP ફ્રન્ટ કેમેરાની શક્યતા છે . આ ઉપરાંત , સેમસંગ આ ફોન માટે લગભગ 6 વર્ષ સુધી સોફ્ટવેર અપડેટ્સ આપવાની પણ શક્યતા છે .