ફ્લેગશિપ ફોન હવે સસ્તામાં , Samsung Galaxy S24 5Gની કિંમતમાં મોટો ઘટાડો 

જો તમે ફ્લેગશિપ સ્માર્ટફોન ખરીદવાના છો, તો Samsung Galaxy S24 5G પર હાલમાં મળતી ઓફર તમારા માટે એક સારો વિકલ્પ બની શકે છે . ફ્લિપકાર્ટ પર આ  સ્માર્ટફોન તેની અત્યાર સુધીની સૌથી ઓછી કિંમતે ઉપલબ્ધ છે . કંપનીએ Samsung Galaxy S24 5G ને રૂપિયા 74,999 ની શરૂઆતની  કિંમતે લોન્ચ કર્યો હતો . પરંતુ હાલમાં તે ભારે ડિસ્કાઉન્ટ સાથે વેચાઈ રહ્યો છે . Samsung Galaxy S24 5G માં 6.2 ઇંચની Full HD + Dynamic AMOLED 3X ડિસ્પ્લે છે .

Samsung Galaxy S24 5G કિંમત :

ફ્લિપકાર્ટ પર Samsung Galaxy S24 5G ની કિંમત રૂપિયા 49,999 રાખવામાં આવી છે . એટલે કે ગ્રાહકોને સીધો રૂપિયા 25,000 સુધીનો ફાયદો મળી રહ્યો છે  . આ ડિસ્કાઉન્ટ બાદ પણ ગ્રાહકો માટે વધારાની બચત કરવાની તક મળી રહી છે . જો ખરીદદારો ફ્લિપકાર્ટ Axis Bank ક્રેડિટ કાર્ડનો ઉપયોગ કરીને  ફોન ખરીદે છે,  તો તેમને રૂપિયા 2,500 સુધીનું વધારાનું ડિસ્કાઉન્ટ મળી શકે છે . આ ઓફરનો લાભ લીધા બાદ ફોનની કિંમત રૂપિયા 47,999 સુધી પહોંચી  શકે છે .

Samsung Galaxy S24 5G ફીચર્સ :

ફીચર્સની વાત કરીએ તો Samsung Galaxy S24 5G માં 6.2 ઇંચની Full HD + Dynamic AMOLED 3X ડિસ્પ્લે આપવામાં આવી છે , જે 120Hz રિફ્રેશ રેટ સપોર્ટ  કરે છે . આ ડિસ્પ્લે સ્મૂથ સ્ક્રોલિંગ અને સારા વિઝ્યુઅલ અનુભવ આપે છે . આ સ્માર્ટફોન Samsungના Exynos 2400 પ્રોસેસરથી ચાલે છે , જે ઝડપી અને  પાવરફુલ પરફોર્મન્સ માટે ઓળખાય છે .

Samsung Galaxy S24 5G બેટરી :

પાવર બેકઅપ માટે ફોનમાં 4,000mAhની બેટરી આપવામાં આવી છે , જે 25W ફાસ્ટ ચાર્જિંગ સપોર્ટ સાથે આવે છે . આ ઉપરાંત , ફોનને IP68 રેટિંગ મળ્યું છે , જે તેને ધૂળ અને પાણીથી સુરક્ષિત રાખે છે .

Samsung Galaxy S24 5G કેમેરા :

ફોટોગ્રાફી માટે Samsung Galaxy S24 5Gમાં ટ્રિપલ રિયર કેમેરા સેટઅપ આપવામાં આવ્યો છે . તેમાં 50MPનો પ્રાઈમરી કેમેરા , 12MPનો અલ્ટ્રા - વાઈડ કેમેરા  અને 10MP નો ટેલિફોટો લેન્સ સામેલ છે, જે 3x ઓપ્ટિકલ ઝૂમ સપોર્ટ કરે છે . સેલ્ફી અને વિડીયો કોલિંગ માટે ફોનમાં 12MPનો ફ્રન્ટ કેમેરા આપવામાં આવ્યો છે . સુરક્ષા માટે ઈન -ડિસ્પ્લે ફિંગરપ્રિન્ટ સેન્સર પણ ઉપલબ્ધ છે . ભારે ડિસ્કાઉન્ટ  અને પ્રીમિયમ ફીચર્સને ધ્યાનમાં લેતા Samsung Galaxy S24 5G હાલમાં એક આકર્ષક ડીલ સાબિત થઈ  શકે છે .