લંડનમાં યોજાઈ શકે Samsung ઇવેન્ટ , Galaxy Z Fold 8 Wide સાથે S Pen સપોર્ટની ચર્ચા

દક્ષિણ કોરિયન ટેક જાયન્ટ Samsung એ આ વર્ષની શરૂઆતમાં ફેબ્રુઆરીમાં તેની ફ્લેગશિપ Galaxy S26 series  લોન્ચ કરવા માટે પહેલા  Galaxy Unpacked ઇવેન્ટનું આયોજન કર્યું હતું . હવે વર્ષનો બીજો ભાગ નજીક આવતા , કંપનીની બીજી  Galaxy Unpacked ઇવેન્ટ અંગે નવી અફવાઓ અને અહેવાલો  સામે આવી રહ્યા છે . જોકે કંપનીએ હજી સુધી કોઈ સત્તાવાર જાહેરાત કરી નથી , નવી રિપોર્ટથી જાણ થાય છે કે આ ઇવેન્ટ જુલાઈ મહિનામાં યોજાઈ શકે છે  . આ વખતે ઇવેન્ટ લંડન , યુકેમાં યોજાવાની શક્યતા છે.

અહેવાલ મુજબ , Samsung 22 જુલાઈ , 2026ના રોજ તેની આગામી  Galaxy Unpacked ઇવેન્ટ યોજવાની તૈયારીમાં છે . આ મોટા ઇવેન્ટ દરમિયાન કંપની તેના  નવા ફોલ્ડેબલ સ્માર્ટફોન્સ Galaxy Z Fold 8 અને Galaxy Z Flip  8 રજૂ કરી શકે છે . સાથે સાથે , કંપની એક નવા બુક સ્ટાઈલ ફોલ્ડેબલ મોડેલ    Galaxy Z Fold 8 Wide પણ લોન્ચ કરી શકે છે , જે હાલ ચર્ચાનો વિષય બન્યો છે .

આ વખતે ઇવેન્ટ લંડન , યુકેમાં યોજાવાની શક્યતા છે , જે Samsung માટે એક મહત્વપૂર્ણ સ્ટ્રેટેજિક પગલું ગણાઈ શકે છે . છેલ્લા કેટલાક વર્ષોમાં કંપનીએ  તેના મુખ્ય  લોન્ચ ઈવેન્ટ્સ યુએસ કે દક્ષિણ કોરિયામાં યોજ્યા હતા . યુરોપમાં ઇવેન્ટ યોજવાથી કંપની ત્યાંના બજારમાં પોતાને મજબૂત કરવા અને સ્પર્ધક Apple  સામે વધુ મજબૂત સ્થિતિમાં આવવા માંગે છે .

લીક્સ મુજબ  Galaxy Z Fold 8 Wide માં વધુ પહોળી ડિસ્પ્લે આપવામાં આવી શકે છે અને તે 4:3 પાસા રેશિયો સાથે આવી શકે છે . આ ડિઝાઈન ભવિષ્યના  ફોલ્ડેબલ iPhone જેવી હોવાની ચર્ચા છે . વધુમાં આ ડિવાઈસ અન્ય ફોલ્ડેબલ ફોન્સ કરતાં લગભગ 0.5mm પાતળી હોઈ શકે છે , જે તેને વધુ પ્રીમિયમ  બનાવશે . કંપની આ નવા મોડેલ સાથે S Pen સ્ટાઈલસ પણ રજૂ કરી શકે છે , જે યુઝર્સ માટે પ્રોડક્ટિવિટી વધારશે .

બીજા સ્પેસિફિકેશન્સની વાત કરીએ તો, આ ફોનમાં 7.6 ઈંચનું ફોલ્ડેબલ OLED ડિસ્પ્લે અને 5.4 ઈંચનું કવર સ્ક્રીન મળવાની શક્યતા છે . સાથે જ તેમાં 25W  વાયરલેસ  ચાર્જિંગ સપોર્ટ પણ આપવામાં આવી શકે .