AI ફીચર્સના કારણે 256GB બની શકે નવું સ્ટાન્ડર્ડ સ્માર્ટફોન સ્ટોરેજ

મેમરી ખર્ચ વધવા છતાં 2026માં સ્માર્ટફોન વધુ સ્ટોરેજ સાથે આવવાની શક્યતા છે . પહેલા એવુંય માનવામાં આવતું હતું કે કંપનીઓ ખર્ચ બચાવવા સ્ટોરેજ ઘટાડશે , પરંતુ હવે તેનો ઉલ્ટો ટ્રેન્ડ જોવા મળી રહ્યો છે . સપ્લાયમાં થતા ફેરફારો અને ઓન - ડિવાઇસ AI ફીચર્સની વધતી માંગને કારણે કંપનીઓને ફોનમાં વધુ બેઝ સ્ટોરેજ  આપવું પડી રહ્યું છે .આ બદલાવ ફ્લેગશિપ તેમજ સામાન્ય બંને પ્રકારના સ્માર્ટફોનમાં જોવા મળી શકે છે . 2026 સુધીમાં 256GB સ્ટોરેજ એ સ્ટાન્ડર્ડ સ્માર્ટફોન બની શકે છે . આ બદલાવ પાછળ AI સુવિધાઓ મુખ્ય છે ,  AI માટે 40GB થી 60GB સ્ટોરેજની જરૂર પડે છે .

રિપોર્ટ્સ અનુસાર NAND ફ્લેશ મેમરીના ભાવ વધી રહ્યા હોવા છતાં 2026માં સ્માર્ટફોનની સરેરાશ સ્ટોરેજ ક્ષમતા વધશે . મેમરી અને અન્ય ભાગોના ખર્ચમાં વધારો  છતાં દર વર્ષે આશરે 4.8% વૃદ્ધિ થવાની ધારણા છે . પહેલા કંપનીઓ સ્ટોરેજ ઘટાડશે એવું લાગતું હતું , પરંતુ હવે ટ્રેન્ડ બદલાયો છે .

NAND ઉત્પાદકો હવે ઓછી ક્ષમતાવાળી મેમરી બનાવવાનું ધીમે ધીમે બંદ કરી રહ્યા છે , જેના કારણે ઓછા સ્ટોરેજવાળા વિકલ્પો ઘટી રહ્યા છે . આના કારણે  કંપનીઓને વધારે સ્ટોરેજવાળા મોડેલ્સ તરફ જવું પડી રહ્યું છે .

આ નવા બદલાવ પાછળ AI ફીચર્સ સૌથી મોટું કારણ છે . ઓન ડિવાઇસ AI ને સારી રીતે કામ કરવા માટે લગભગ 40GB થી 60GB સુધી સ્ટોરેજની જરૂર પડે છે . તેથી Apple , Samsung અને Huawei જેવી મોટી કંપનીઓ હવે તેમના ફ્લેગશિપ ફોનમાં 256GB અથવા વધુ સ્ટોરેજ આપી રહી છે . Huawei તો તેના Mate  80 સિરીઝમાં 512GB વેરિએન્ટ્સ પર પણ ધ્યાન આપી રહી છે .

કેટલીક કંપનીઓ હવે ઓછી સ્ટોરેજવાળા મોડેલ્સને ઘટાડીને 256GB  પર ફોક્સ કરી રહી છે , જયારે પ્રીમિયમ બ્રાન્ડ્સ વધવાથી iPhone માં સ્ટોરેજ ઝડપીથી  વધશે . બીજી  તરફ , મધ્યમ અને બજેટ સેગમેન્ટમાં હજી પણ વધારે સ્ટોરેજ વિકલ્પ તરીકે આપવામાં આવી શકે છે .

 2026ના અંત સુધીમાં 256GB સ્માર્ટફોન માટે નવું  સ્ટાન્ડર્ડ બની શકે છે અને 128GB સ્ટોરેજ ધીમે ધીમે બજારમાંથી ગાયબ થઇ શકે છે .