સોનીના નવા પ્રીમિયમ ઓડિયો હેડસેટ સાથે 1000X સિરીઝ વધુ વિસ્તરે તેવી શક્યતા

સોની કદાચ તેના પ્રીમિયમ ઓડિયો સેગમેન્ટમાં વધુ એક ઉમેરો કરવા તૈયારી કરી રહ્યું છે . અહેવાલો સૂચવે છે કે કંપની તેની લોકપ્રિય 1000X સિરીઝમાં એક નવું હાઈ  એન્ડ વાયરલેસ પ્રોડક્ટ લોન્ચ કરી શકે છે . આ વિકાસ WF-1000XM6 ટ્રુ વાયરલેસ ઈયરબડ્સના લોન્ચ પછી અને  WH-1000XM6 હેડફોન્સના આવવાના લગભગ નવ મહિનાઓ બાદ થયો છે , જે સોનીની હાઈ એન્ડ વાયરલેસ ઓડિયો રેન્જના વધારા તરફ ઈશારો કરે છે . આ નવા ડિવાઈસને ખાસ કરીને પ્રીમિયમ સેગમેન્ટ  માટે ડિઝાઈન કરવામાં આવશે અને હાલના મોડેલ્સથી અલગ સ્થાન ધરાવશે તેવી શક્યતા છે .

"1000X The ColleXion " નામથી આવી શકે નવી સિરીઝ 
ફ્રેન્ચ વેબસાઈટ Dealabs ના મુજબ "1000X The ColleXion " નામ પહેલા જાપાન અને કેનેડામાં ટ્રેડમાર્ક ફાઈલિંગ દરમિયાન સામે આવ્યું હતું , જેને TheWalkmanBlog  દ્રારા નોંધાયું હતું . આ ટ્રેડમાર્કમાં હેડફોન , ઈયરફોન અને પોર્ટેબલ ઓડિયો પ્લેયર્સ જેવી કેટેગરીનો સમાવેશ થાય છે , જે દર્શાવે છે કે આ  પ્રોડકટ્સ સોનીના પ્રીમિયમ પોર્ટફોલિયોનો ભાગ બની શકે છે . જો કે ટ્રેડમાર્ક સામે આવ્યા બાદ અત્યાર સુધી કોઈ ખાસ લીક કે બીજી વિગતો બહાર આવી નથી  .

નવા આવનારા "1000X The ColleXion " હેડફોન એક પ્રીમિયમ ઓવર-ઈયર મોડેલ તરીકે આવી શકે છે . શરૂઆતમાં તે માત્ર બ્લેક કલરમાં લોન્ચ થવાની સંભાવના છે . રિપોર્ટ મુજબ યુરોપમાં તેની કિંમત EUR 629( લગભગ 67,600 રૂપિયા ) હોઈ શકે છે , જે WH-1000XM6 ની EUR 449 (લગભગ 44,200 રૂપિયા ) કિંમત કરતાં નોંધપાત્ર રીતે વધારે છે . આથી એવું માનવામાં આવે છે કે આ પ્રોડક્ટ સામાન્ય અપગ્રેડ નહીં પરંતુ અમુક અથવા કલેક્ટર્સ માટે ખાસ બનાવાયેલ મોડેલ હોઈ શકે  .

લોન્ચ તારીખ અને અન્ય અપડેટ્સ 
નવા અહેવાલોમાં જાણવા મળ્યું છે કે સોની 19 મેના રોજ યુરોપ અને અન્ય માર્કેટ્સમાં આ નવા હેડસેટને લોન્ચ કરી શકે છે . જોકે તેની સ્પેસિફિકેશન્સ અને અન્ય ફીચર્સ વિશે વધુ માહિતી લોન્ચ નજીક આવતાં જાહેર થવાની શક્યતા છે  .

સોની WH-1000XM6 માટે એક નવો કલર વિકલ્પ પણ રજૂ કરી શકે છે . " Sandstone " નામથી આવતો આ નવો શેડ રેતાળ બેઝ કલરમાં હશે . અહેવાલ મુજબ , આ નવો કલર પણ 19 મેના રોજ જ લોન્ચ થઈ શકે છે અને તેની કિંમત હાલના બ્લેક , મિડનાઈટ બ્લુ અને પ્લેટિનમ સિલ્વર વિકલ્પોની જેમ જ રહેશે .